Aktuale
Banorët lëshojnë pe, gati të lejojnë vazhdimin e projekteve infrastrukturore
Në qytetin e Vlorës janë zhvilluar këtë të premte negociatata mes përfaqësuesve të qeverisë, Bashkisë së Himarës dhe banorëve të qytezës së vogël bregdetare që kundërshtojnë projektet për rregullimin e infrastrukturës.
Kështu, të pranishëm në negociata ishin ministri i Energjitikës, Damian Gjiknuri; ministrja e Kulturës, Mirela Kumbaro; kryetari i OMONIA-s, Vasil Bollano; ish-kandidati Fredi Bejleri; kryebashkiaku Goro dhe një grup banorësh të Himarës.
Për rreth një orë është diskutuar dhe në fund është lënë një takim i dytë për të premten që vjen. Pas seancës, që u mbajt me dyer të mbyllura, ministri Gjinknuri tha se po gjendet gjuha e përbashkët.
“Javën tjetër do bëjmë një takim të fundit ku do sqarojmë të gjithë personat se si do të zbatohet projekti, në bazë të ligjit në fuqi dhe nëse ka njeri që preket nga ky projekt por nuk është përfshirë do të përfshihet”, deklaroi Gjiknuri.
Mësohet se është arritur një marrëveshje për kompensimin e drejtë të pronave që preket nga projekti urbanistik i Himarës. Në takim është diskutuar për të zgjidhur edhe problemet e mbartura të pronave në Himarë.
“Ne do të hapim një degë të posaçme të zyrës së Hipotekës së Vlorës në Himarë, që qytetarët të mos sorollaten rrugëve”, nënvizoi Gjiknuri.
Kryebashkiaku i Himarës tha se gjithçka po ndodh nga ndërhyrjet politike. “Kishte shkëmbime mendimesh. Do bëhet edhe një takim përfundimtar me banorët që kanë pretendimet e tyre dhe do vazhdojë projekti siç është miratuar”, tha Goro.
Ish-rivali i Goros, Fredi Bejleri njoftoi takimin e radhës pas një jave. “Dialogu vazhdon. Të premten tjetër do ketë një takim me banorët e Himarës që preken nga projekti. Kemi kërkuar që para se të vijojë projekti, me procedurën që ka ligji të dëmshpërblehen pronarët e tokave”, tha Bejleri.
Bisedimet për të gjetur një zgjidhje erdhën menjëherë pas bisedimeve kokë më kokë mes ministrave të Jashtëm të Shqipërisë dhe Greqisë.
Në takimin e zhvilluar disa ditë më parë mes Koxias dhe Bushatit duket se është gjetur gjuha e përbashkët për të zgjidhur çështjet pezull mes dy vendeve.
Një nga shqetësimet e ngritura nga qeveria greke ishte edhe çështja e pronave të banorëve të Himarës, për të cilën Koxias tha dy ditë më parë në televizionin publik grek se duhet kompensim.
-
Infrastrukturë3 days ago
Nënshkruhet marrëveshje për energji më të pastër me MCA-Kosova
-
Infrastrukturë6 hours ago
Në Drenas vihet gurë themeli për energji të ripërtëritshme me vlerë mbi 43 milionë euro
-
Infrastrukturë6 hours ago
Trena elektrikë në Kosovë dhe Shqipëri? Vendet e Ballkanit tentojnë të modernizojnë linjat hekurudhore
-
Auto5 hours ago
Bizneset shprehin pakënaqësi me dinamikën e punimeve në zonën historike të Prizrenit
-
Infrastrukturë7 hours ago
Në myk e kushte jo të favorshme mësojnë nxënësit e Shkollës Dardania në Prishtinë
-
Infrastrukturë5 hours ago
Yamaha dhe Toyota bëhen bashkë për prodhimin e një motor V8 që punon me hidrogjen
-
Infrastrukturë3 hours ago
Të huajt blenë 26% të pasurive të paluajtshme në Shqipëri – Bie numri i pronave të pashitura. Shumica prej tyre të blera me kredi
-
Infrastrukturë7 hours ago
Zjarret e në fabrika, kërkohet themelimi i një fondi rezervë