Connect with us

Ndërtim

Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese  

Published

on

Në pamje të planit gjithçka dukej moderne. Që nga parku para ndërtesave e deri të detajet më të vogla brenda apartamenteve në kompleksin ‘Prishtina e Re’ që ndodhet lagjen Emishir në Prishtinë.

Por, pritjet e 40 familjeve të këtij kompleksi u kthyen në makth që në ditë e para të jetesës.

Ani pse paguan hiq më pak se nga 700 euro për metër katrorë, tash e 14 muaj përballen me mungesë elementare për jetesë, raporton magazina televizive KiKS Kosova.

Furnizimi me ujë dhe energji elektrike u instaluan në mënyrë ilegale dhe rrjedhimisht kohë pas kohe mbesin pa të për shkak të ndërprejrjes nga KEK-u dhe Ujësjellësi.

Telashe të mëdha kanë edhe me ashendorin dhe pasigurinë e hyrjes, pasi që kompani ndërtuese nuk i përfundoi punët sipas kontratës.

Madje as gjelbërimi dhe parku për fëmijë nuk u realizua kurrë. E gjitha mbeti në maketën e prezantuar për shitje.

“Po e thërrasim pronarin e kompanisë në telefon, mirëpo ai po thotë që obligimet tona (në kontratë) i kemi kry, mirëpo sic po e vëreni punimet nuk janë realizuar”, shprehet një banorë i kësaj ndërtese.

Dy komplekset u ndërtuan nga kompani ‘Prishtina e Re’, e cila posedonte leje ndërtimi, mirëpo banesat nuk morën pranimin teknik nga ana e Komunës dhe rrjedhimisht, pronarët e banesave nuk posedojnë fletën e pronësisë.

Madje, parkingu nëntokësor sa herë që ka reshje të mëdha të shiut përmbytet nga sasia e madhe e ujit.

Emisioni Kiks Kosova ka kontaktuar pronarin e kompanisë Liridon Bytyçin i cili përmes telefonit ka mohuar të gjitha problemet me banorët e këtij kompleksi duke insistuar se të gjitha punët aty tashmë kanë përfunduar./Media Ndërtimi.

Ndërtim

Vendimi për të sekuestruar dhe konfiskuar ndërtimet pa leje në Shqipëri erdhi si domosdoshmëri për të frenuar abuzimet

Published

on

Lufta me ndërtimet pa leje, nuk është vetëm një betejë ligjore me biznesmenët që abuzojnë, por është dhe betejë për të ‘pastruar’ imazhin e qeverisë, përballë akuzave të opozitës që pas kullave fshihet mazhoranca.

“Këtë problematikë e ngritëm ne, e ngritëm dhe natyrisht e ngritëm për një arsye shumë të thjeshtë; sepse asnjë nga ata të cilët ndërtojnë metra katrorë për qëllim fitimi, nuk na mban dot lidhur me asgjë. Kjo masë rrëzon të gjithë mitin e pazareve dhe të gjitha legjendat urbane të fshehjes sime apo tonën prapa kullave apo pallateve”, tha Rama.

Vendimi i qeverisë për të sekuestruar dhe konfiskuar ndërtimet pa leje apo shtesat e kateve, erdhi si domosdoshmëri për të frenuar abuzimet të cilat po lejoheshin hapur edhe nga drejtësia, shkruan Report TV.

“Ky është një mjet i ri që ne përdorim që ka dalë duke parë se çfarë shtegu ka mbetur hapur. Shtegun e hapur të drejtësisë ne nuk e mbyllim dot, do ta mbylli reforma, do ta mbylli një proces që kërkon kohën e vet, por ama ne mund ta bëjmë krejtësisht absurd shpenzimin për të ndërtuar metra katrorë”, tha Rama.

Mirëpo nuk do të ketë vetëm bllokim të objektit, sekuestrim, gjobë, konfiskim dhe ndjekje penale për ndërtuesit që shkelin lejet që marrin. Këshilli i Ministrave nëpërmjet një vendimi të miratuar ka vendosur që për të gjitha ndërtimet që do të bëhen të caktohet një mbikëqyrës, i cili do të kontrollojë të gjithë mbarëvajtjen e punimeve.

Sipas vendimit të qeverisë mbikëqyrësi ka detyrimin të njoftojë on-line brenda 5 ditëve në sistemin e-leje pranë autoriteteve përkatëse në rastet kur vëren se punimet e kryera janë në shkelje apo në tejkalim të lejes së ndërtimit. Nëpërmjet këtij sinjalizimi, do të ndërhyhet në kohë për të parandaluar shkeljet e kontratave me lejet e ndërtimit, siç është rasti i ndërtimit të kateve shtesë.

Mbikëqyrësi do të jetë një person fizik ose juridik i licencuar për ushtrimin e aktivitetit për mbikëqyrjen e punimeve, i regjistruar në QKB dhe që disponon një NIPT. Mbikëqyrësi do të caktohet nga vetë zhvilluesi, i cili e ka të detyrueshëm, dhe do të kontraktohet duke pasur parasysh llojin e punimeve që do të mbikëqyren në zbatimin e veprës.

Po ashtu në nenin 11 në pikën 2 të vendimit thuhet se “Në rastin e punimeve shtesë, mbikëqyrësi kërkon nga zbatuesi i punimeve prova dhe inspektime shtesë për të verifikuar konformitetin e punimeve me projektin e specifikimet teknike, sipas kushteve të kontratës. Këto punime shtesë janë objekt i një raportimi të veçantë pranë autoritetit që lëshon lejen e ndërtimit në sistemin on-line të lejeve të ndërtimit”.

Në përfundim të ndërtimit, mbikëqyrësi kontrollon dhe përllogarit koston përfundimtare të objektit, duke përputhur vlerën e preventivuar dhe të kontraktuar me atë të paraqitur në situacionin përfundimtar, si dhe bën sqarimet përkatëse në rastet e mospërputhjes. Për raportin përfundimtar mbikëqyrësi mban përgjegjësi ligjore./Media Ndërtimi.

Continue Reading

Ndërtim

Javën e ardhshme fillon ndërtimi i dy çerdheve në Gjilan

Published

on

Javën e ardhshme fillon ndërtimi i çerdhes në Gjilan dhe asaj në Dobërçan, ka njoftuar kryetari i Komunës së Gjilanit, Alban Hyseni.

“Në financim të Ministrisë së Arsimit, Shkencës dhe Teknologjisë do të shtohen dy çerdhe në Gjilan.

Edukimi i hershëm, rritja e përfshirjes së sa më shumë fëmijëve në të dhe çerdhet e reja janë disa nga zotimet tona që po realizohen.”, deklaroi Hyseni.

Continue Reading

Ndërtim

Prodhuesi Cat do të prezantoj gamën e ekskavatorëve në panairin më të madh në botë

Published

on

Prodhuesi i pajisjeve të ndërtimit Cat do të shfaqë në një panair në Gjermani nëntë ekskavatorë të gjeneratës së ardhshme me gjurmë dhe me katër rrota, që variojnë nga 15 në 95 tonë.

Zeppelin do të sjellë gjithashtu nëntë mini-ekskavatorë hidraulikë të gjeneratës së ardhshme në shfaqje, duke premtuar performancë më të madhe, forca më të larta të shpërthimit, intervale më të gjata shërbimi dhe kosto më të ulëta të pronarit dhe funksionimit, krahasuar me modelet e mëparshme.

Ngarkuesit me rrota në shfaqje përfshijnë ngarkuesin me rrota të mesme 980 XE, me një transmetim të vazhdueshëm të ndryshueshëm, i cili premton efikasitet të karburantit deri në 35%, krahasuar me modelet paraardhëse të serisë M.

Në ngarkuesin me rrota 988K XE, një makinë elektrike i jep makinës shpejtësi më të shpejta në tatëpjetë, tërheqje e përmirësuar dhe forcë e rritur hidraulike e daljes.

Në përgjithësi, Cat thotë se produktiviteti i makinës është rritur me rreth 5%, krahasuar me modelin paraardhës.

Zeppelin do të shfaqë gjithashtu një dozer D4, me përditësimet e fundit duke përfshirë linjat e përmirësuara të psherëtimës dhe një sërë veçorish të reja teknologjike.

Teknologjia në shfaqje e Cat do të përfshijë Stacionin e Komandës Cat, i cili u mundëson operatorëve të punojnë në distancë dhe të sigurt, pavarësisht nëse është afër makinës ose shumë kilometra larg, ndërsa janë ulur në një kabinë virtuale me kontrolle dhe ekran të njohur./Media Ndërtimi.

Continue Reading

Trending