Connect with us

Infrastrukturë

Rinovohen disa ndërtesa banimi në Gjakovë, shpenzojnë më pak energji elektrike

Published

on

Disa ndërtesa të banimit në Gjakovë, tani kanë marrë pamje të re, të rinovuara dhe më efikase në energji falë ‘Subvencioneve për Efiçiencë të Energjisë në Kosovë #SEEK’

Duke i bërë këto katër ndërtesa apartamentesh efikase në energji, i ndihmon banorët e saj të kenë shtëpi të ngrohta duke shpenzuar më pak për faturat e energjisë elektrike.

E mbështetur nga Millennium Foundation Kosovo që ka investuar në gjashtë komunat e Kosovës, me më shumë se 600 familje që kanë përfituar nga ky rinovim i efiçiencës së energjisë./Media Ndërtimi.

Infrastrukturë

Prezantohen projektet për pistën e parë të garave të shpejtësisë në Shqipëri, Auto Moto Park Albania

Published

on

Janë prezantuar projektet për Auto Moto Park Albania, e cila do të jetë pista e parë në Shqipëri për garat e shpejtësisë  dhe do të vendoset në Elbasan.

Gjatë një ceremonie të mbajtur me këtë rast ku kompanitë kanë argumentuar projektet e tyre. Përpara nisjes së prezantimit në fjalën e tij kryeministri Edi Rama tha se projekti në fjalë pritet të ketë ndikim në turizëm ndërkohë që fut Shqipërinë në një hartë të re ku nuk është pjesë aktualisht.

“Kjo është një epokë e re për Shqipërinë për ta vënë atë në një tjetër hartë ku ajo mungon tërësisht dhe për ti hapur një tjetër derë prej ku një tjetër kategori vizitoresh do të mund të hyjnë për të fuqizuar më tutje ekonominë tonë dhe imazhin. Ky projekt i hap rrugë dhe një tjetër fronti të punësimit cilësor të të rinjve. Jo vende pune të çfarëdoshëm por vende pune të mirëpaguara, teknologji e lartë, mundësi të reja dhe horizonte të reja për gjeneratën e re” tha Rama. Kryeministri përsëriti edhe një herë se mundësia për të zhvilluar një garë të Formula 1 në Shqipëri nuk është e pamundur.

Nga ana tjetër zëvendëskryeministrja dhe njëkohësisht Ministre e Infrastrukturës dhe Energjisë Belinda Balluku tha se jo rastësisht sot flitet për një projekt të kësaj natyre pasi është produkt i një sërë masave dhe ndryshimeve pozitive që kanë ndodhur në sektorin automotiv në vend. Kjo e gjitha sipas saj ka nisur në vitin 2018 kur u bë riorganizimi i plotë i Drejtorisë së Shërbimit të Transportit Publik por edhe investimeve intensive në infrastrukturë rrugë, aeroporte dhe marina.

“Ka ardhur koha sot për këtë pasi Shqipëria  ka investuar në infrastrukturë që është një nga kolonat më të rëndësishme të lidhura me turizmin. Duhet të plotësohet paketa përveç marinave, aeroporteve, rrugëve. Nuk mjaftojnë vetëm bukuritë natyrore që kemi por duhet të kemi edhe element të shtuar që i shërbejnë turizmit për ta kthyer Shqipërinë në një destinacion që mos vizitohet vetëm për plazhet dhe shtigjet. Kjo nuk është thjesht një pistë 3.8 kilometra por një kompleks ku do të zhvillohen aktivitete nga më të ndryshmet, ku qytetarët e Shqipërisë rajonit dhe Europës do të shohin muzeun retro që do të jetë  aty. Do të ketë një holl të madh eventesh. Do të ketë edhe pjesë që do t’i shërbejnë edukimit për sigurinë rrugore kaq të rëndësishme për ne. Kemi nisur punën me ministren Kushi për një kurrikul për shkollat fillore” tha Balluku.

Kreu i DPSHTRR Blendi Gonxhe tha se Auto Moto Park Albania është ngjarja më e madhe e komunitetit automotiv dhe sportiv në vend. Sipas tij në botë kjo industri qarkullon të ardhura në nivele të jashtëzakonshme ku vetëm në vitin 2021 në rang global ishin 160 miliardë dollarë teksa gjeneron edhe punësim.

“Në këtë kontekst Auto Moto Park Albania nuk është vetëm një pistë ku do zhvillohen gara shpejtësie por edhe si gjenerator ekonomik, motor i fuqishëm për  turizmin, dhe tregun automotive. Kompanitë që prezantojnë sot projektet kanë ndërtuar në total 120 cirkuite ku pjesa më e madhe e tyre e certifikuar për gradën A pra Formula 1” tha Gonxhe. Monitor/Media Ndërtimi

Continue Reading

Infrastrukturë

Komuna e Prizrenit harton projektin për rrugën “Shaip Spahiu” pa konsultime

Published

on

Praktika e hartimit të projekteve për intervenime në hapësirat publike të qytetit, pa zhvillimin e konsultave me të gjithë hisedarët, që prej fazave të hershme, po vazhdon që të aplikohet nga Komuna e Prizrenit. Shembulli i fundit është projekti për rrugën “Shaip Spahiu” i prezantuar së fundmi para numrit të vogël të banorëve dhe bizneseve të kësaj rruge.

“EC Ma Ndryshe” prej shumë vitesh kërkon nga organet komunale që ta ndryshojnë këtë qasje, dhe të aplikojnë gjithëpërfshirjen në planifikim, sidomos të hapësirave publike, pasi që ato shfrytëzohen nga grupet e ndryshme të komunitetit. Mos përfshirja e të gjithë hisedarëve në planifikim po rezulton me projekte që nuk po kanë qëndrueshmëri.

EC përsërit thirrjen ndaj organeve komunale të Prizrenit që pjesëmarrjen publike ta shohin si proces gjatë të cilit qytetarët përfshihen në vendimmarrje, në identifikimin e problemeve si dhe mundësive për zhvillim. Përfshirja e publikut në planifikim kontribuon në ndërtimin e zgjidhjeve zhvillimore më të qëndrueshme dhe të adaptueshme për interesat e hisedarëve të ndryshëm. Gjithashtu ky proces fuqizon demokracinë lokale, besimin në institucione publike, ndjenjën e përkatësisë dhe pronësisë për hapësirat publike, si dhe fuqizon komunitetin dhe qytetarinë aktive. Prandaj, EC rekomandon Komunën e Prizrenit që ta ndryshojë qasjen dhe projektet për intervenime në hapësirat publike ti hartojë në konsultim që prej fazave të hershme me të gjithë hisedarët./Media Ndërtimi.

Continue Reading

Infrastrukturë

Kryeministri Rama publikon pamje nga punimet për zgjerimin e aksit Elbasan-Qafë Thanë

Published

on

Kryeministri i Shqipërisë, Edi Rama e ka nisur ditën duke publikuar pamje nga kantieri për zgjerimin e rrugës Elbasan-Qafë Thanë.

Në një postim në Facebook ai shkruan se ky projekt si pjesë e korridorit të 8-të, do të shkurtojë distancat dhe do të kthehet në një rrugë interurbane me katër korsi.

“Mirëmëngjes dhe nga kantieri për zgjerimin e rrugës Elbasan-Qafë Thanë, ku aktualisht po ndërtohet nënkalimi dhe ura automobilistike, një projekt që do të shkurtojë distancat dhe do të kthehet në një rrugë interurbane me katër korsi, si pjesë e korridorit të 8-të, tanimë i përfshirë në rrjetin europian, ju uroj një ditë të mbarë”, shkruan Rama.

Puna për projektin e korridorit 8 erdhi pas marrëveshjes tripalëshe mes Shqipërisë, Bullgarisë dhe Maqedonisë së Veriut, më shumë se 2 vite më parë./Media Ndërtimi

Continue Reading

Trending