Aktuale
Arki-tortura e dy dekadave të fundit në lagjet e Prishtinës
Menjëherë pas luftës, në Prishtinë dhe në qytete të tjera të Kosovës filloi një bum i madh i ndërtimeve. Fillimisht, kjo u duk si nevojë për kulm mbi kokë, pak si rrjedhojë e shkatërrimeve të luftës e pak nga ndalimi i ndërtimeve përgjatë regjimit dhjetë-vjeçar të Millosheviqit.
Mirëpo, shumë shpejt, nga nevojë për strehim u transformua në epsh për pasurim.
Qyteti filloi të trajtohet si parcelë gjigante ndërtimi ku në çdo ngastër trë lirë të tij duhej të ngulitej nga një ndërtesë. Shtëpitë individuale dhe zonat e banimit të ndërtuara me dashuri në vitet e 80-ta, të mbuluara nga gjelbërime me shije nëpër lagjet si: Pejtoni, Bregu i Diellit, Dodona, Tophanja, Emshiri, u detyruan që ato t’ua japin ndërtuesëve në kompensim të disa apartamenteve. Pra, parcelat që dikur këndshëm komunikonin me shtëpitë individuale të vendosura në përputhshmëri me madhësinë e tyre duke krijuar harmoni në mes veti, u përdhunuan nga ndërtesat gjigande shumëbanesore.
Në mungesë të librave kadastralë që ishin vjedhur nga sistemi i Millosheviqit deri sa po e lëshonte Kosovën, keqpërdoruesve të ndryshëm iu dha mundësia që nëpër sipërfaqe të shumta publike të ndërtonin ndërtesa shumëbanesore për qëllime afariste.
Një mënyrë tjetër që ndikoi dukshëm në shpërfytyrimin e qytetit është mënyra e privatizimit të ndërmarrjeve shoqërore. Në shumicën e rasteve, prona të këtyre ndërmarrjeve privatizoheshin jo për të rigjallëruar karakterin industrial apo biznesor të tyre, por duke u parë si parcela atraktive për ndërtim. Rasti më flagrant është lagja “Fazita” në zemër të Prishtinës, që nga një zonë ekonomike me ndërtime dhe dendësi super të ulët u kthye brenda natës në zonë ndërtimi të lartë deri në 40 kate, pa u menduar fare për kurfarrë intervenimi shtesë në infrastrukturën e nevojshme publike!
*Kjo analizë është shkruar nga ARBËR SADIKI (1977) arkitekt, ligjërues, kritik. Mban gradën Doktor i Shkencave Teknike në Fushën e Arkitekturës dhe Urbanizmit nga Universiteti i Beogradit. Fusha e ngushtë e hulumtimeve të tij lidhet me marrëdhëniet në mes rrethanave shoqërore dhe arkitekturës./Media Ndërtimi.
Aktuale
Komuna e Prishtinës subvencionon ujitjen e 200 hektarëve tokë të mbjella me kultura bujqësore
Kryetari i Komunës së Prishtinës, Përparim Rama ka nënshkruar Memorandumin e Bashkëpunimit me Faruk Mujkën, kryeshefin ekzekutiv të Ndërmarrjes Hidroekonomike “Ibër -Lepenc” për ujitjen e kulturave bujqësore në kryeqytet.
“Përmes këtij Memorandumi, Kryeqyteti do të ofrojë subvencionimin e ujitjes së 200 hektarëve tokë për fermerët në Kryeqytet. Me këtë bashkëpunim synojmë të përmirësojmë dhe të rrisim produktivitetin e bujqësisë së kryeqytetit duke ua lehtësuar punën bujqve tanë.”, deklaroi kryetari Rama./Media Ndërtimi
Aktuale
“Architech Festival” sjell edicionin e 5-të nga muaji Maj dhe do të zgjasë deri në Shtator
Festivali i ArchiTech është zyrtarisht duke filluar nga muaji Maj dhe do të zgjasë deri në Shtator 2024.
Çfarë ju pret në këtë Edicion? Këtë Edicion do të ketë aktivitete inovative, projekte për hapësirat publike, takime me arkitektë/dizajnerë të ndryshëm dhe komunitetin, dhe shumë më tepër! Ky është momenti për tu angazhuar në krijimtarinë arkitekturore se si hapësirat publike përceptohen dhe mund të shfrytëzohen si dhe për të hulumtuar rreth sfidave dhe mundësive që ofron mjedisi ynë urban.
Ne jemi të gatshëm për të ndarë me ju ide dhe kohë për tu takuar e biseduar mbi nevojat, kërkesat dhe ide innovative mbi përkushtimin ndaj një hapësire urbane më të bukur, dinamike dhe funksionale./Media Ndërtimi
Aktuale
Gjermanët punuan 1.3 miliard orë jashtë orarit në vitin 2023
Punëtorët në Gjermani punuan rreth 1.3 miliard orë jashtë orarit në vitin 2023, tregojnë të dhënat e publikuara nga Instituti për Kërkime të Punësimit (IAB).Sipas tyre, më shumë se gjysma e kësaj kohe, 775 milionë orë, mbeti pa u paguar.
Ministria e Punës e Gjermanisë tha se mesatarisht, secili punëtor punoi 31.6 orë jashtë orarit në vitin 2023, prej të cilave 18.4 mbetën pa u paguar.
Komentet erdhën në përgjigje të një pyetjeje parlamentare nga Susanne Ferschl, ligjvënëse nga partia e majtë Die Linke.
“Punëdhënësit kursejnë miliarda në paga duke mos i paguar orët jashtë orarit, ndërsa punonjësit vuajnë nga zgjatja e orarit të punës dhe kërkesat e vazhdueshme për fleksibilitet” – tha Ferschl, raporton DPA.
Sipas të dhënave, totali i punës jashtë orarit vitin e kaluar korrespondon me 835.000 vende të punës me kohë të plotë.
Totali i orëve jashtë orarit në vitin 2023 ra për rreth 100 milionë orë nga viti paraprak, kur punëtorët regjistruan gjithsej 1.4 miliard orë jashtë orarit./Media Ndërtimi
A mund të blejnë të huajt prona në Austri?
Tre muaj para se të regjistrohej në ARBK, “Shërbimi i Arkitektit të Kryeqytetit” nënshkroi kontratën me vlerë 12 milionësh
Komisioni Evropian jep 50 milionë euro kredi për Maqedoninë e Veriut
Ndryshimet klimatike po e formësojnë thellësisht trajektoren e qyteteve
Përmes “Safer to School”, prezantohet nevoja urgjente për të shpëtuar jetë në rrugët e Kosovës
Komani, liqenit që ndotja ia rrezikon bukurinë
Restaurohet shtëpia e familjes Kryeziu nga Gjakova si aset i rëndësishëm i trashëgimisë kulturore
Jepet drita e gjelbër për ndërtimin e pishinave pranë Jet d’Eau në Gjenevë
NEOM prezanton vendin e marinave luksoze Jaumur
Fillon restaurimi i kullës së Idriz Hereqit në Kralan të komunës së Gjakovës
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
Rinovohen disa ndërtesa banimi në Gjakovë, shpenzojnë më pak energji elektrike
-
Infrastrukturë9 hours agoTre muaj para se të regjistrohej në ARBK, “Shërbimi i Arkitektit të Kryeqytetit” nënshkroi kontratën me vlerë 12 milionësh
-
Infrastrukturë15 hours agoNdërtohet shtegut me gurë që shpie për në Kalanë e Prizrenit
-
Infrastrukturë17 hours agoProkuroria pushon hetimet ndaj zyrtarëve komunalë të Prishtinës për rrugën “Jim Xhema”
-
Infrastrukturë14 hours agoMegaqytetet e Kinës po fundosen
-
Infrastrukturë12 hours agoJepet drita e gjelbër për ndërtimin e pishinave pranë Jet d’Eau në Gjenevë
-
Infrastrukturë16 hours agoHulumtim i ri: Veturat elektrike humbasin seriozisht fuqinë kur bie shi i madh!
-
Trashëgimia12 hours agoRestaurohet shtëpia e familjes Kryeziu nga Gjakova si aset i rëndësishëm i trashëgimisë kulturore
-
Infrastrukturë15 hours agoWebuild përfundon gërmimin e tunelit në projektin rrugor prej 1 miliard euro