Connect with us

Infrastrukturë

Akademikët e Kembrixhit pretendojnë se kanë arritur sukses të çimentos me emetime zero

Published

on

Tre akademikë të Universitetit të Kembrixhit kanë paraqitur një patentë dhe kanë siguruar fonde kërkimore për atë që ata pretendojnë se është “çimentoja e parë në botë me emetime zero.

Tashmë ka çimento që tregtohet si “emetim neto zero”, por kjo vetëm sepse dikush diku mbjell disa pemë ose në mënyra të tjera kompenson karbonin e ngulitur. Por këto janë çimento me karbon të reduktuar që tregtohen si karbon zero.

Cyrille Dunant, Pippa Horton dhe Julian Allwood thonë se Cementi i tyre Elektrik i Kembrixhit është diçka krejtësisht ndryshe.

Ka shumë mundësi për të bërë çimento me emetime të reduktuara, kryesisht të bazuara në përzierjen e çimentos së re reaktive (klinkeri) me materiale të tjera plotësuese. Megjithatë, më parë nuk ishte e mundur të bëhej përbërësi reaktiv i çimentos pa emetim. Shpikja e re e arrin këtë për herë të parë brenda parametrave të proceseve industriale të vendosura, thonë ata.

Frymëzimi për Cambridge Electric Cement e goditi Dr Cyrille Dunant kur vuri re se kimia e çimentos së përdorur është praktikisht identike me atë të fluksit të gëlqeres që përdoret në proceset konvencionale të riciklimit të çelikut. Prandaj, çimentoja e re prodhohet në një lak riciklimi që eliminon emetimet e prodhimit të çimentos dhe kursen lëndët e para. Ai gjithashtu redukton emetimet e kërkuara për prodhimin e fluksit të gëlqeres.

Procesi i tyre fillon me shtypjen dhe përpunimin e mbetjeve të prishjes së betonit për të shoshitur pluhurin e vjetër të çimentos, i cili më pas përdoret në vend të fluksit të gëlqeres në riciklimin e çelikut. Ndërsa çeliku shkrihet, fluksi formon një skorje që noton mbi çelikun e lëngshëm, për ta mbrojtur atë nga oksigjeni në ajër. Pasi çeliku i ricikluar është hequr, skorja e lëngshme ftohet me shpejtësi në ajër dhe bluhet në një pluhur që është praktikisht identik me klinkerin që është baza e çimentos së re Portland. Provat e Kembrixhit kanë demonstruar këtë proces të kombinuar riciklimi dhe rezultatet tregojnë se ai ka përbërjen kimike të një klinkeri të bërë me procesin e sotëm./Media Ndërtimi.

Infrastrukturë

Vonesa në kryerjen e punëve dhe pa pranimi teknik projektit “Bashkimi i qytetit të Ferizajt”

Published

on

Zyra Kombëtare e Auditimit (ZKA) ka publikuar raportin e auditimit të performancës “Menaxhimi i projektit: Bashkimi i qytetit të Ferizajt”.

Objektivë e këtij auditimi ishte të vlerësohej nëse Komuna e Ferizajt ishte efikase në planifikim dhe menaxhim si edhe nëse janë arritur objektivat e këtij projekti.

Zyra Kombëtare e Auditimit ka audituar projektin që nga zanafilla e tij në dhjetor të vitit 2017 e deri në prill të vitit 2022, përfshirë planifikimin, procedurat e prokurimit, menaxhimin dhe arritjen e objektivave të projekti.

Subjekt i këtij auditimi janë Komuna e Ferizajt dhe departamenti i Financave në Ministrinë e Mjedisit, Planifikimit Hapësinor dhe Infrastrukturës, i cili është përfshirë në fushëveprim sa i përket çështjes së pagesave të kryera në emër të projektit.

Auditimi ka konstatuar se Komuna e Ferizajt nuk ishte efikase në planifikimin dhe menaxhimin e projektit “Bashkimi i qytetit” sepse kishte marrë më shumë kohë dhe kishte kushtuar më shumë se që ishte paraparë.

Auditimi ka nxjerrë në pah, se si pasojë e planifikimit jo të mirë të projektit, komuna kishte kontraktuar shumë punë të cilat nuk ishin parashikuar në fillim dhe për pasojë kishte kosto shtesë, menaxhim jo efektiv të kontratave, kishte vonesë në kryerjen e punëve dhe ende nuk është bërë pranimi teknik i projektit.

Po ashtu, komuna nuk ka bërë vlerësim lidhur me nivelin e arritjes së objektivave të ndërtimit të projektit, që do të thotë se nuk ka informacion se çfarë vlere i ka shtuar investimi jetës së qytetarëve të komunës.

Komuna nuk e kishte përfshirë projektin në dokumentet strategjike duke e zbehur kështu transparencën ndaj qytetarëve. Nuk ishin buxhetuar mjete të mjaftueshme për realizimin e projektit dhe si pasojë projekti nuk ka arritur të realizohet me kohë.

Komuna nuk kishte marrë të gjitha masat për të siguruar parakushte për ndërtim të papenguar të projektit. Përveç kësaj, kishte kontraktuar shërbime apo punë me çmim shumë më të lartë se vlera e parashikuar e kontratave duke e kufizuar konkurrencën mes operatorëve ekonomik. Kemi gjetur edhe se Komuna i kishte paguar operatorit ekonomik punë të cilat ende nuk janë përfunduar dhe në anën tjetër operatori ekonomik ka përfunduar punë për të cilat ende nuk është paguar.

Komuna nuk ka njohuri se a i ka arritur objektivat e projektit sepse nuk ka hartuar një metodë për të matur ndikimin që do të ketë projekti në përmirësimin e jetës së qytetarëve.

Auditorja e Përgjithshme, Vlora Spanca,  lidhur me këtë auditim ka shprehur shqetësimin lidhur me mungesën e kontrolleve në fazën e planifikimit, tenderimit dhe menaxhimit të projektit dhe ka deklaruar se është më se  e nevojshme që fondet publike të shpenzohen me përgjegjshmëri të plotë. Planifikimi i dobët dhe menaxhimi jo efektiv i kontratave publike që ndërlidhen me projektin “Bashkimi i qytetit” i ka kushtuar buxhetit të Kosovës shpenzime shtesë, dhe, edhe pas katër viteve projekti nuk ka përfunduar. Projektet e tilla me interes publik dhe me kosto të lartë financiare, duhet t’i nënshtrohen një diskutimi gjithëpërfshirës dhe me kohë me qytetarët dhe duhet të ketë objektiva të qarta dhe të matshme për realizmin e tyre.

Me qëllim të përmirësimit të procesit të menaxhimit të projekteve të tilla ndërtimore kemi dhënë dy rekomandime për Ministrinë e Mjedisit Planifikimit Hapësinor dhe Infrastrukturës dhe 11 rekomandime për Komunën e Ferizajt.

Continue Reading

Infrastrukturë

Ndahen 50 milionë euro për 300 kompani ndërtimi në Shqipëri

Published

on

Akti normativ i qeverisë që kompenson çmimet e materialeve të ndërtimit ka shkaktuar debate mes mazhorancës dhe opozitës në parlament.

Ministrja e financave, Delina Ibrahimaj bëri me dije se nga ky akt do të përfitojnë 300 kompani dhe se vlera që do i kushtojë buxhetit të shtetit kapë shifrën e 6 miliardë lekëve.

“Rritja ndjeshme e çmimeve në treg për materialet e ndërtimit ka ngadalësuar një pjesë të madhe të kontratave publike pasi ecuria e mëtejshme e tyre do të shkaktonte humbje të parikuperueshme për kompanitë e tyre deri në falimentimin e tyre. Kjo situatë do të detyronte ndërprerjen e punimeve si pasojë do të kishim ngadalësim të përfundimit të objekteve që janë të parashikuara këtë vit në buxhet”, u shpreh ministrja e Ekonomisë, Delina Ibrahimaj.

Deputetja demokrate, Grida Duma akuzoi qeverinë se po favorizon disa kompani.

Kritikat nuk ishin vetëm nga opozita, por edhe nga vetë brenda grupit parlamentar socialist. Erion Braçe tha se nisma e qeverise është e duhura por ka nevojë për më shumë transparencë

“Ndërkohë ky akt ka një boshllëk shumë të madh, të thellë që rrezaton mënyrën sesi kapitalistët tanë por edhe ne në ndonjë rast mendojmë. Do paguajmë më shtrenjtë hekurin, çimenton, bitumin, tubat, telat madje edhe me çmimet qe janë drejtpërdrejtë abuzim i një grushti tregtarësh në tregjet tona të përqendruara”, u shpreh Erion Braçe.

Qeveria do te kompensoje ndërtuesit e kontratave publike nga 5-30% për çmimin e rritur të materialeve të ndërtimit./Media Ndërtimi.

 

Continue Reading

Infrastrukturë

Tre çerdhe të reja pritet të ndërtohen në Prishtinë

Published

on

Në mbledhjen e pestë të Kuvendit të Kryeqytetit, është diskutuar në lidhje me propozimi vendimin për caktimin e lokacioni ku do të ndërtohen tre çerdhe të reja.

Në këtë mbledhje është diskutuar për:

Propozimvendimi për caktimin e lokacionit për ndërtimin e institucionit parashkollor në lagjen “Kolovicë e re” në Prishtinë;

Propozimvendimi për caktimin e lokacionit për ndërtimin e institucionit parashkollor në lagjen “Mati 1” në Prishtinë;

Propozimvendimi për caktimin e lokacionit për ndërtimin e institucionit parashkollor në lagjen “Kolovicë e vjetër” në Prishtinë.

Gjatë kësaj mbledhje është diskutuar edhe për:

Propozimvendimi për dhënien e pronës së paluajtshme të Komunës së Prishtinës në shfrytëzim Operator Sistemi, Transmisioni dhe Tregu “KOSTT” sh.a;

Propozimvendimi për caktimin e lokacionit për ndërtimin e një memoriali dhe çezmeje në lagjen e “Muhaxherëve”./Media Ndërtimi.

Continue Reading

Trending