Infrastrukturë

Mbi 74 milionë euro do të investohen në Kramovik për Parkun Solar

Published

2 weeks ago

April 29, 2024

Mbi 74 milionë euro do të investohen në mbi 100 hektarë tokë në Kramovik-Guri i Kuq të Rahovecit për ndërtimin e Parkut Solar, ku do të vendosen mijëra panele diellore për prodhimin e energjisë së ripërtërishme.

Këtë projekt do ta realizojë konsorciumi kosovaro-zviceran dhe do ta kthejë Rahovecin në një ndër qendrat e prodhimit të rrymës elektrike në mënyrë ekologjike.

Mbi 100 hektarë tokë bujqësore dhe malore në mes të fshatit Kramovik dhe Guri i Kuq në Rahovec, i është dhënë në shfrytëzim Ministrisë së e Ekonomisë për ndërtimin e Parkut Solar. Ky projekt pritet të fillojë së shpejti të zbatohet nga operatori ekonomik një konsorciumi kosovaro-zviceran. Banorët e Kramovikut e mirëpresin këtë investim dhe presin që sa më parë të fillojë.

“Ky projekt është i mirëseardhur, këto toka djerrina më shkurt do të jenë në interes nacional të vendit, por edhe në interes të fshatit dhe banorëve të Kramovikut. Besoj se do të shfaqet edhe ndonjë punësim për ata që kanë interes dhe ka për të qenë projekt madhor dhe i mirë”, theksoi Binak Berisha, përfaqësues i fshatit Kramovik.

Edhe në fshatin Guri i Kuq shpresat për punësim janë shtuar. “Parku do të shtrihet në 117 hektarë, do të përfshijë shtatë parcela të fshatit Guri i Kuq, ndërsa pjesa tjetër i takon fshatit Kramovik. Në jemi të kënaqur që këtë projekt e ka fituar një operator që vjen nga komuna jonë. Jemi të kënaqur që është shqiptare dhe ka arritur që të investojë kaq shumë e ta bëjë këtë ‘Park solar’, ndërsa do të kemi përfitime më shumë sesa të jetë kompani e huaj”, theksoi Drilon Mustafa banor i fshatit Guri i Kuq.

Kryetari i Komunës së Rahovecit, Smajl Latifi, thotë se toka është pronë komunale, institucionet janë të lira për shfrytëzimin e saj pasi nuk do të këtë probleme me shpronësimin, ndërsa operatori është nga kjo komunë.

“Vlera e investimit që parashihet të ndodhë në ato parcela, në atë sipërfaqe është diku mbi 74 milionë euro, sigurisht që do të angazhohen kompanitë vendore, ato kompani vendore kanë punëtorë që do të marrin rroga, pra do të hapet një vend i madh i punës”, tha Latifi.

Studimin e fizibilitetit për këtëprojekt madhor e ka bërë USAID-i, ku ka rezultuar se kjo pjesë e komunës së Rahovecit ka pothuajse 265 ditë në vit ndriçim të mjaftueshëm diellor për prodhimin e energjisë së ripërtërishme në rrugë ekologjike, pa e dëmtuar natyrën dhe pa e ndotur ambientin.

Sipas parashikimit, në këtë fshat do të ndërtohen mbi 258 mijë panele diellore dhe puna do të nisë pas përfundimit të afatit ligjor të fituesit të tenderit./Media Ndërtimi

Infrastrukturë

Hapet Panairi Ndërkombëtar – EXPOKOS

Published

11 hours ago

May 15, 2024

Ndertimi Media

Porta e Ballkanit hapet me edicionin e 23-të të Panairit Ndërkombëtar EXPOKOS nga sot me 15 dhe nesër 16 maj 2024 në Sallën 1 tetori në Prishtinë. Ky panair mbulon sektorit e Ndërtimit, Energjisë, Makinerisë, Mbrojtjes e Sigurisë.

Për 23 vite me radhë EXPOKOS ka shërbyer si urë lidhëse ndërmjet bizneseve vendore dhe atyre ndërkombëtare, që ka mundësuar krijimin e bashkëpunimeve dhe partneriteteve të reja duke ju mundësuar kompanive vendore të zgjerojnë tregun e tyre ndërkombëtarë. Fokusi i këtij edicioni vazhdon të mbetët tek promovimi i kompanive vendore duke shfrytëzuar kredibilitetin dhe reputacionin që panairi gëzon në tregjet evropiane dhe më gjerë.

Si vlerë e shtuar e panairit kësaj radhe, janë prezantimet e ndryshme që do të mbahen në kuadër të aktiviteteve paralele nga institucione dhe shoqata që vazhdimisht kontribuojnë në ekonominë e vendit. Oda Ekonomike Gjermano-Kosovare do të mbajë një prezantim mbi të bërit biznes me Gjermaninë, ku do të shtjellohen mes tjerash temat se si te gjinden partnerët në Gjermani dhe si të eksportohet atje, marrëdhëniet ekonomike Gjermano-Kosovare dhe si të bëhet biznes me gjermanët. Në të njëjtën formë do të vazhdojë Oda Sllovene e Bizneseve ku do të mbulojë këto tema për shtetin e Sllovenisë.

Krahas këtyre dy odave, Dhoma e Tregtisë dhe Industrisë së Kosovës do ti shtjellojnë mundësitë e bashkëpunimit ndërmjet anëtarëve të vet, bizneseve nga odat tjera si dhe pjesëmarrësit në Panairin EXPOKOS.

Pjesëmarrja kompanive vendore të ndryshme që kryesisht janë prodhues dhe atyre ndërkombëtare, që mbulojnë sektorë të ndryshëm duke përfshirë sektorin e energjisë, sektor ky i rëndësisë se veçantë për vendin, e bën panairin EXPOKOS ngjarjen më të rëndësishme në vend për zhvillimin e ekonomisë në përgjithësi, thuhet në komunikatën për media e CEO shpk – Congress and Event Organization./Media Ndërtimi

Infrastrukturë

Zvicra do të ndajë 16.4 miliardë franga për infrastrukturën hekurudhore

Published

12 hours ago

May 15, 2024

Ndertimi Media

Këshilli Federal dëshiron të sigurojë një kornizë pagese prej 16.4 miliardë frangash për vitet 2025 deri në 2028 për funksionimin dhe rinovimin e rrjetit hekurudhor ekzistues, sistemeve hekurudhore dhe stacioneve, përcjell albinfo.ch.

Kjo është rreth dy miliardë më shumë se në periudhën aktuale. Këshilli Federal fillimisht donte të shpenzonte 1.3 miliardë franga më pak.

Në përgjithësi, paratë janë të destinuara për funksionimin dhe rinovimin e rrjetit ekzistues hekurudhor, sistemeve hekurudhore dhe stacioneve. Shpenzimet financohen tërësisht nga fondi federal i infrastrukturës hekurudhore./Media Ndërtimi

Infrastrukturë

Gurthyesit po gërryejnë dhe braktisin bjeshkët e Kosovës

Published

12 hours ago

May 15, 2024

Ndertimi Media

Të paktën një për qind e territorit të Kosovës llogaritet të jetë e degraduar nga industria e nxjerrjes së gurëve.

Kjo industri shumë fitimprurëse, sipas raporteve zyrtare, i ka kushtuar mjedisit, sidomos pasi shumica e guroreve nuk janë rehabilituar pas përfundimit të aktiviteteve.

https://www.evropaelire.org/a/industria-gerryen-braktis-bjeshket/32938491.html