Auto
Versioni legjendar i Volkswagen vjen edhe me version elektrik
Volkswagen po përgatit një version elektrik të një tjetër prej veturave të tij legjendare, e cila u shfaq për herë të parë në mesin e viteve shtatëdhjetë. Golf GTI është një version optimist i Volkswagen-it më të famshëm dhe kompania gjermane duhet ta ringjallë atë në një version modern, ose elektrik.
Modeli i shfaqur tani për tani është vetëm një koncept, por VW ka njoftuar se planifikon ta prezantojë një version të dedikuar për tregun masiv.
Ky version u shfaq para fillimit të Motor Show në Mynih si ID. GTI. Ndërkohë që shkurtesa GTI në Golf i referohet Grand Touring Injection, në versionin elektrik që “I” sigurisht që do të ketë një kuptim tjetër – inteligjencën.
Është interesante, megjithëse VW shpalli modelin e saj elektrik ID.3 si veturën e tretë më të rëndësishme në histori, d.m.th. në tregun e automjeteve elektrike duhet të përfaqësojë atë që Golf përfaqësonte në tregun e benzinës dhe naftës në dekadat e fundit, ata ende vendosën të mos ofrojnë versionin GTI i atij modeli.
Koncepti i automjetit elektrik që ata prezantuan nuk bazohet në modelin ID.3, por në modelin më të vogël të ardhshëm ID.2all që u prezantua në fillim të këtij viti dhe çmimi fillestar i të cilit duhet të jetë nën 25,000 euro.
Nga dizajni i këtij koncepti dhe detajet e ndryshme sportive si spoileri, difuzori i madh i pasmë dhe fundet e zeza anësore, duket qartë se bëhet fjalë për një automjet garash dhe modeli final duhet të duket i ngjashëm.
Çmimi i versionit GTI nuk është bërë i ditur, por duke qenë se është një model që ka në fokus performancën, nuk është e vështirë të konkludohet se do të jetë më i shtrenjtë.
Përveç modelit mbi të cilin do të bazohet, nuk dihen detaje të tjera në lidhje me vetë veturën – nga fuqia e motorit deri te kapaciteti i baterisë dhe të ngjashme.
Duket se do të duhet pak kohë që ky koncept të bëhet realitet, ndaj deri në prezantimin e modelit zyrtar, ndoshta do të dëgjojmë edhe shumë thashetheme për planet e kompanisë lidhur me këtë automjet.
Ajo që mund të supozohet, thonë në Electrek, është se ID. GTI duhet të ketë më pak hapësirë në bagazh, sepse bazohet ende në një model më të vogël, dhe një gjë tjetër që mund të presim është vetëm lëvizja me rrota të përparme. VW përmendi se ky automjet mund të ketë edhe një opsion të quajtur “GTI Experience Control”. Është një sistem i ri që u mundëson ngasësve kontroll më të madh mbi opsionet e ndryshme të dinamikës së ngasjes. Aty përmendet opsioni i pazakontë i shtimit të tingullit për t’i dhënë shoferit përshtypjen se ai po e vozitë një automjet garash të fuqizuar nga një motor benzine./Media Ndërtimi
Auto
Lucid hap fabrikë në Arabinë Saudite
Prodhuesi i automjeteve elektrike Lucid Group deklaroi të mërkurën se kishte hapur fabrikën e tij të parë ndërkombëtare të prodhimit në qytetin Jeddah të Arabisë Saudite, sipas një marrëveshjeje të krijuar për të çuar më tej shtytjen e vendit për prodhimin e veturave elektrike.
Lucid njoftoi planet për fabrikën e saj në qytetin Jeddah vitin e kaluar dhe tha se mbretëria kishte nënshkruar një marrëveshje për të blerë deri në 100,000 automjete nga kompania gjatë 10 vjetëve, transmeton Telegrafi.
Në vitin 2022, mbretëria lansoi brendin e saj të parë për vetura elektrike Ceer.
Prodhesi Tesla thuhet se gjithashtu është në diskutime të hershme për të hapur një fabrikë prodhimi në Arabinë Saudite./Media Ndërtimi
Auto
Volkswagen pezullon prodhimin e dy modeleve elektrike
Volkswagen do të pezullojë prodhimin e dy modeleve elektrike ID.3 dhe Cupra Born në fabrikat e tij në Zwickau dhe Dresden në Gjermani në dy javët e para të tetorit për shkak të kërkesës më të dobët, tha një zëdhënës i prodhuesit të makinave.
Për shkak të situatës aktuale të tregut, prodhimi i automjeteve do të reduktohet gjatë festave të vjeshtës në Saksoni nga 2 tetori deri më 13 tetor në fabrikën e Volkswagen në Zwickau, tha zëdhënësi. Lajmin e raportoi fillimisht agjencia gjermane e lajmeve dpa, transmeton Telegrafi.
Prodhimi i modelit ID.3 në Dresden do të pezullohet nga 2 tetori dhe do të rifillojë nga 16 tetori e tutje.
Volkswagen nuk pranoi të deklarohej lidhur me numrin e punonjësve të prekur. Prodhuesi i makinave tha në fillim të këtij muaji se nuk do të zgjaste kontratat me afat të caktuar të 269 punonjësve në fabrikën e tij të prodhimit tërësisht elektrik në Zwickau.
Prodhuesi gjerman i makinave po përballet me konkurrencë në rritje nga Tesla dhe një grupi në rritje të prodhuesve kinezë të automjeteve, si dhe kërkesën e zbehur në tregun evropian të automjeteve elektrike për shkak të inflacionit të lartë dhe shkurtimeve të subvencioneve./Media Ndërtimi
Auto
Nissan tani e tutje do të lansojë vetëm vetura elektrike në Evropë
Nissan ka njoftuar se nga tani do të lansojë vetëm automjete plotësisht elektrike në Evropë si pjesë e planeve për të shitur vetëm automjete elektrike në rajon duke filluar nga viti 2030.
“Veturat elektrike janë zgjidhja përfundimtare e lëvizshmërisë. Më shumë se shumë një milion klientë tashmë i janë bashkuar rrugëtimit tonë dhe kanë përjetuar kënaqësinë e një automjeti elektrik Nissan dhe nuk ka kthim prapa tani”, tha presidenti dhe CEO i Nissan, Makoto Uchida, transmeton Telegrafi.
“Automjetet me energji nga burime të rinovueshme janë çelësi për ne që të arrijmë neutralitetin e karbonit, i cili është thelbësor për vizionin tonë Ambition 2030. Nissan do të kalojë në versione tërësisht elektrike deri në vitin 2030 në Evropë – ne besojmë se është gjëja e duhur për të bërë për biznesin tonë, klientët tanë dhe për planetin”./Media Ndërtimi
Arkitekti Shigeru Ban ‘zbarkon’ prototipin e shtëpive të përkohshme nw Marok pas tërmetit shkatërrues
Nënshkruhet marrëveshja për ndërtimin e Rrugëve të Fshatrave ndërkufitarë mes Kosovës dhe Shqipërisë
Prezantohet një alternativë ekologjike ndaj betonit tradicional në Bienalen e Arkitekturës së Çikagos
Zaha Hadid fiton konkursin për projektimin e një distrikti të ri kulturor në Kinë
Arkitektët duhet të adresojnë çështjen e materialeve toksike të ndërtimit
Komatsu ofron udhëzime 3D të makinerive në të gjithë gamën e ekskavatorëve
Dëshmon Haradinaj në rastin e njohur si 53-milionëshi
Inspektorati i Kryeqytetit gjobit për mosrespektim të urdhrit të ndërtimit në Lagjen Bregu i Diellit
Tjetërsimi i pronës 10 milionëshe, i vazhdohet edhe për dy muaj arresti shtëpiak të dyshuarit
Turbulenca të vazhdueshme në tregun e shitjes së pajisjeve të ndërtimit
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Kush po i pengon hetimet në rastin “Brezovica” ku u sekuestruan 75 villa
Lëndohen dy punëtor të ndërtimit pas rrëzimit të një plloçe në Kaçanik
Pa e shkatërruar natyrën, lagjja Area34 vjen me shumë kasolla në liqenin e Batllavës
Rruga A del këtë javë në tenderim, do të ketë gjashtë korsi
Këto janë 5 kompanitë ndërtimore më të mëdha në Prishtinë, prinë Marigona Hill
Rinovohen disa ndërtesa banimi në Gjakovë, shpenzojnë më pak energji elektrike
Kompania kosovare “FORMON” krijon ventilatorë të frymëmarrjes
-
Aktuale3 days agoInspektorati i Kryeqytetit gjobit për mosrespektim të urdhrit të ndërtimit në Lagjen Bregu i Diellit
-
Infrastrukturë2 days agoNënshkruhet marrëveshja për ndërtimin e Rrugëve të Fshatrave ndërkufitarë mes Kosovës dhe Shqipërisë
-
Arkitekturë2 days agoZaha Hadid fiton konkursin për projektimin e një distrikti të ri kulturor në Kinë
-
Infrastrukturë2 days agoPrezantohet një alternativë ekologjike ndaj betonit tradicional në Bienalen e Arkitekturës së Çikagos
-
Infrastrukturë2 days agoArkitekti Shigeru Ban ‘zbarkon’ prototipin e shtëpive të përkohshme nw Marok pas tërmetit shkatërrues
-
Infrastrukturë3 days agoArkitektët duhet të adresojnë çështjen e materialeve toksike të ndërtimit
-
Aktuale3 days agoDëshmon Haradinaj në rastin e njohur si 53-milionëshi
-
Makineritë3 days agoKomatsu ofron udhëzime 3D të makinerive në të gjithë gamën e ekskavatorëve