Connect with us

Ndërtim

Tuneli i Llogorasë në një gjatësi prej 6 km po ndërtohet me ritme të shpejta

Published

on

“Jemi në anën jugore ku po punohet ose në anën e Dukatit tuneli është hapur rreth 2 mijë metra ose 2 km linear. Ndërsa në anën e Palasës tuneli është hapur 1800 metra, pra në total 3800 metra linearë. Afati i kontratës është 33 muaj, por objektivi ynë është që ta mbarojmë përpara këtij afati”, thotë Ardino Halimi, inxhinier i punimeve.

Punimet për ndërtimin e tunelit të Llogarasë nisën në nëntor të vitit 2021. Sipas inxhinierit të punimeve, punimet po ecin me ritme të kënaqshme, ndërsa ky investim pritet të lehtësojë ndjeshëm trafikun gjatë ditëve të verës si dhe të krijoj më shumë aksesueshmëri për të gjithë ata që zgjedhin të pushojnë më bregdetin e jugut, raporton Euronews Albania.

Inxhinieri i punimeve tregon vështirësitë e hasura gjatë punimeve, por edhe lehtësirat që do të sjellë ky investim.

“Në pjesën Jugore ose në anën e Palasës ku po punohet te tuneli kryesor kemi hasur në një shpellë karstike e cila është konsiderueshëm e madhe dhe për momentin është stabilizuar. Gjithashtu, në të njëjtën kohë ekipi i inxhinierëve dhe i supervizorëve po punojnë për zgjidhjen përfundimtare të saj. Ky tunel lehtëson aksesin me bregdetin dhe normalisht do të ulë ndjeshëm trafikun në qafën e Llogorasë”, shprehet inxhinieri.

Sipas banorëve të zonës, ky investim është një vepër që ju përket të gjithëve.

“Jam banor i zonës, i kam ndjekur punimet dhe është një vepër që i përket të gjithëve. Mendohet që baza e zhvillimit është turizmi, për turizmin do më shërbejë edhe mua dhe të gjithëve. Shkurton rrugën shumë. Kur është për republikën është edhe për Dukatin, edhe për Tragjasin, edhe për Radhimën, por në radhë të parë është për turistët”, thotë një banor i Dukatit.

Sipas autoriteteve tuneli i Llogorasë është një nga veprat më të rëndësishme infrastrukturore që do të lehtësojë aksesin drejt bregdetit të Jugut, duke nxitur zhvillimin ekonomik të gjithës zonës.

Ndërtim

Kanada do të ndërtojë impiantin për të furnizuar mbi 300,000 shtëpi me energji elektrike

Published

on

Kompania e infrastrukturës Aecon dhe inxhinieri SNC-Lavalin kanë nënshkruar një marrëveshje për të ofruar atë që ata pretendojnë se do të jetë reaktori i parë i vogël modular i shkallës së rrjetit të Amerikës së Veriut (SMR).

Filiali i SNC Lavalin, Candu Energy, ka hyrë në një marrëveshje me Ontario Power Generation (OPG) për Projektin e Ri Bërthamor Darlington.

Projekti synon të vendosë BWRX-300 SMR të General Electric Hitachi (GEH) Energy përpara fundit të dekadës.

Aecon, SNC-Lavalin dhe GEH kanë nënshkruar një marrëveshje gjashtëvjeçare me OPG dhe do të punojnë sipas një modeli të ofrimit të projektit të integruar (IPD). Sipas marrëveshjes, GEH do të zhvillojë teknologjinë për centralin e vogël bërthamor, duke projektuar dhe furnizuar komponentët kryesorë. SNC-Lavalin do të shërbejë si arkitekt dhe inxhinier, transmeton Ndërtimi.info

Aecon do të ofrojë të gjitha shërbimet e ndërtimit, duke përfshirë menaxhimin e projektit dhe planifikimin e ndërtimit.

Impianti i ri 330 MWe do të prodhojë mjaftueshëm energji elektrike për të furnizuar mbi 300,000 shtëpi.

Në tetor 2022, Banka shtetërore e Infrastrukturës së Kanadasë (CIB) ra dakord të angazhojë 970 milionë dollarë kanadezë (715 milionë dollarë amerikanë) për projektin./Media Ndërtimi.

Continue Reading

Ndërtim

Nis zgjidhja e problemit për ndërtimin e Spitalin Rajonal të Ferizajt  

Published

on

Ministri i Shëndetësisë, Arben Vitia, ka treguar se kanë filluar të zgjidhen problemet rreth ndërtimit të Spitalit Rajonal të Ferizajit.

“Spitali i Ferizajit ka filluar të ndërtohet me shumë probleme, më në fund në javën e kaluar u zgjidh një nyje dhe po pritet të zgjidhet edhe nyja tjetër” ka thënë Vita për emisionin Context.

Ministri Vitia ka bashkëbiseduar me kryetarin e komunës së Ferizajt për zgjidhjen e problemeve, ku me mbarimin e këtyre problemeve të fillojë edhe procesi i ndërtimit të spitalit.

“Sot kam komunikuar me kryetarin e komunës së Ferizajt Agim Aliu, ku javën tjetër do të kemi një takim ku do t’i tregojë për zgjidhjen e kësaj nyje, ku bashkërisht Ministra e Shëndetësisë dhe Komuna e Ferizajt, më në fund edhe spitalin do të zgjidhet nyja dhe do të vazhdojë procesi i ndërtimit” ka thënë Vitia.

Poashtu Vitia ka thënë që nuk duhet të përqendrohet vetëm në QKUK por edhe në investimet e spitaleve regjionale.

“Edhe mos të harrojmë se sistemi shëndetësor në Republikën e Kosovës nuk është vetëm QKU-ja i ke edhe spitalet regjionale ku brenda nuk ka as ndriçimit e as rrugë adektuate të shtruar, e të gjitha këto janë në këtë planin e veprimit të cilat janë intervenime për me u rrit edhe siguria natyrisht por edhe qasja më e lehtë e qytetarëve në shërbimet shëndetësore nëpër këto institucione publike” tha Vitia.

Ndërtimi i këtij spitali ka filluar që nga viti 2018, ndërsa vlera totale e projektit fillestar ishte 10 milionë euro, ku më vonë kësaj kontrate përmes ankesave i ishin shtuar edhe rreth 1 milion euro të tjera për punë shtesë.

Më vonë kanë kërkuar edhe mbi 5 milionë euro të tjera për përfundimin e projektit.

Ministri e Shëndetësisë kishte bërë kallxim penal kundër kompanisë “Arbëria” që ka kontratë për ndërtimin e spitalit të Ferizajt me pretendimin se kjo kompani ka fituar kontratë me çmime manipulative, në atë mënyrë që çmimet e punëve fillestare janë vendosur shumë më të larta se çmimet reale në treg./Media Ndërtimi.

Continue Reading

Ndërtim

Viti 2023 fillon me ‘vrull pozitiv’ për industrinë e ndërtimit

Published

on

Ndërtimi total botëror u rikuperua në dhjetor i vitit që lamë pas, për të rezultuar me një fitim prej 27% për një normë vjetore të rregulluar sezonalisht prej 1.185 trilion dollarë.

Sektori i ndërtimit u drejtua nga ndërtimi i objekteve jorezidenciale, të cilat u rritën në 549.6 miliardë dollarë në bazë vjetore të rregulluar sezonalisht, një rritje prej 51% nga nëntori.

Ndërtimet të cilat përfshijnë projekte infrastrukturore si rrugë dhe ura, si dhe shërbime komunale dhe tubacione, u rritën gjithashtu me 30%, në 281.4 miliardë dollarë, ndërsa fillimet e ndërtimit të banesave ishin të sheshta.

Për gjithë vitin 2022, fillimet totale të ndërtimit ishin 15% më të larta se një vit më parë.

Ndërtesat jorezidenciale, pronat komerciale dhe impiantet – fituan 38% nga viti në vit, ndërsa sektori jo-ndërtues shënoi një rritje prej 19%. Nisjet për banim, të dëmtuara nga normat më të larta të hipotekave, ranë me 3% për vitin./Media Ndërtimi.

Continue Reading

Trending