Connect with us

Ndërtim

Mos miratimi i zoonimit të Bjeshkëve të Nemuna vonon ndërtimin e Qendrës Turistike ‘Borea’

Published

on

Gjendet në bjeshkët e Rrafshit të Dukagjinit, vetëm 900 metra larg qytetit të Pejës, maja ku po planifikohet të shndërrohet në një qendër rekreative turistike, e quajtur “Borea”.

E kjo për shkak të pozitës së saj atraktive, që atë e bënë një ndër vendet më tërheqëse në rajon.

“Borea” si projekt kishte filluar rreth gjashtë vjet më parë, në kohën kur në krye të shtetit ishte ish-kryeministri Isa Mustafa, e cila edhe sot e asaj dite ka mbetur si projekt i pezulluar duke mos arritur të finalizohen punimet e parapara për këtë qendër skijimi në qytetin e Pejës.

Kryetari i Pejës, Gazmend Muhaxheri në një intervistë për Telegrafin, deklaroi se si projekt ka filluar që prej vitit 2016, por që pengesa kryesore ishte mos miratimi i zoonimit të parkut të Bjeshkëve të Nemuna.

“Si projekt është nis prej vitit 2016, mirëpo ne kemi filluar përgatitjet një vit më herët për këtë projekt madhor për Komunën e Pejës por edhe për komplet komunat e tjera rreth Pejës. Ky projekt do t’i ndihmonte shumë në zhvillimin ekonomik, të komplet Rrafshit të Dukagjinit. Pengesa kryesore në thonjëza po e them ka qenë se nuk është miratuar zoonimi i parkut nacional në Bjeshkët e Nemuna. Edhe pse projekti si i tillë ka kaluar në Komisionin Ndërministror dhe është dhënë drita e gjelbër nga ministri i atëhershëm i Planifikimit Hapësinorë dhe katër ministra të tjerë të Komisionit bashkë me kryetarin e komunës e kanë miratuar fillimin e procedurës për ndërtimin e kësaj qendre”, tha Muhaxheri.

Borea, e cilësuar si projekti më i madh i realizuar në Republikën e Kosovës, sipas Munaxherit ka shumë përfitime duke filluar që hapja e vendeve të reja të punës e deri te mirëpritja për skijim të bashkatdhetarëve tanë, gjatë stinës së dimrit.

“Ky projekt mundëson punësim të njerëzve të rijnë, pengim të shpërnguljes dhe ndoshta do të kontribuon në pengimin e njerëzve për të shkuar jashtë vendit dhe hapjen e bizneseve, në Komunën e Pejës. Ne kemi shume bashkëqytetar tonë që jetojnë në Zvicër në Gjermani dhe vende të tjera të Evropës dhe shohim që skijimin gjatë muajve të dimrit e kryejnë në Itali, në Spanjë, në Austri po besojmë që në të ardhmen do të vinin në vendin e tyre për të skijuar”, ka përfunduar Muhaxheri.

Operatori fitues i tenderit për ndërtimin e “Borea” në Bjeshkët e Kopranikut të Pejës është konsorciumi italiano-zviceran Leitner AG Spa & Filav SA./Media Ndërtimi.

Ndërtim

Prodhimi evropian i ndërtimit u rrit me 3.9% në muajin janar

Published

on

Në janar, prodhimi i ndërtimit në eurozonë pati një rritje prej 3.9%, krahasuar me muajin e kaluar, sipas shifrave të fundit të Eurostat.

Në raportin e euroindikatorëve të këtij muaji, dega e statistikave dhe e të dhënave të Komisionit Evropian raportoi gjithashtu se prodhimi i rregulluar sezonalisht vetëm në BE u rrit me 3.5%.

Prodhimi u rrit gjithashtu krahasuar me janarin 2022, me 0,9% në eurozonë dhe me 1,4% në BE.

Nga muaji në muaj, ndërtimet e ndërtesave në eurozonë u rritën me 4.2%, me inxhinierinë civile me 3.0%.

Në krahasimin e saj vjetor, shifrat e eurozonës nuk ishin aq pozitive, me ndërtimin e ndërtesave me 1.4% në janar 2023, krahasuar me janarin 2022. Sa i përket inxhinierisë civile, prodhimi ishte në -1.9%.

Nga një këndvështrim rajonal, Eurostat theksoi se rritja më e madhe në prodhim ishte në Gjermani (+12.6%), Slloveni (+9.8%) dhe Poloni (+7.0%).

Në anën tjetër të shkallës, rënia më e madhe e prodhimit u pa në Hungari (-5,0%), Rumani (-4,3%) dhe Belgjikë (-1,5%)./Media Ndërtimi.

Continue Reading

Ndërtim

A mundet Kina të vazhdojë të rrisë pjesën e saj në tregun global të ndërtimit?

Published

on

Analiza e re e 200 kompanive më të mira të ndërtimit të International Construction ilustron se sa shpejt kompanitë kineze të ndërtimit kanë rritur pjesën e tyre në tregun global të ndërtimit.

Në dekadën e fundit, kompanitë kineze të ndërtimit kanë pothuajse dyfishuar pjesën e tyre në të gjitha të ardhurat e gjeneruara nga Top 200. Ndërsa në vitin 2012, firmat kineze përbënin 23.2% të të ardhurave totale, deri në vitin 2022 ishte 44%.

Siç tregon Top 200 më të fundit, të pesë kompanitë më të mëdha në listë tani vijnë nga Kina. Shitjet për firmat kineze në listë arritën në 866 miliardë dollarë vitin e kaluar, nga 697 miliardë dollarë një vit më parë.

Ndërkohë, vendet e tjera kanë parë që pjesët e tyre të të ardhurave në Top 200 ose të bien ose të qëndrojnë të pandryshuara.

Pjesa e Japonisë ra nga 14.2% një dekadë më parë në 9.4% në listën e vitit 2022. Spanja gjithashtu pati një rënie nga 7.3% në 2012 në 3.9% në shifrat më të fundit. Gjermania ra nga 3.5% në 2.2% dhe Holanda nga 2.5% në 1.6%.

Ndërkohë, pjesa prej 12.5% ​​e SHBA-së në listën e vitit 2022 ishte pak a shumë në përputhje me 12.1% që kishte në vitin 2012 dhe ishte një histori e ngjashme për kompanitë në Mbretërinë e Bashkuar me 4.2% në 2022, krahasuar me 4.5% në 2012.

Ngadalësimi i Kinës është i përkohshëm?

Kohët e fundit, Kina është përballur me një ngadalësim. Fundi i vitit 2022 pa një rënie graduale të besimit midis blerësve të ndërtimit, me Indeksin e Menaxherëve të Blerjeve (PMI) që ra në një pikë prej 54.4 në dhjetor nga 58.2 në tetor 2022. Indeksi PMI ndjek nivelet e besimit midis menaxherëve të blerjeve me një rezultat më të lartë që tregon besim më të madh në nivelet e ardhshme të punës. Një pikë nën 50 tregon se blerësit presin që tregu të tkurret./Media Ndërtimi.

Continue Reading

Ndërtim

Në lagjen TaukBahqe po ndërtohet një fushë sportive

Published

on

Drejtori i Sportit në Komunën e Prishtinës, Granit Rugova njofton se lagjja TaukBahqe po bëhet me fushtë të Streetball.

Rugova tregon se fusha do të ketë material nga goma, e hapur për të gjithë, dhe do të jetë në harmoni me ambientin e mrekullueshëm që e rrethon.

“Fushë për STREETBALL në TaukBahqe

Pas shumë kërkesave nga banorët e lagjes së TaukBahqes, posaçërisht të rinjtë e talentuar të saj, filluam me ndërtimin e fushës speciale për Streetball.

Bashkë, do të kombinojmë natyrën, sportin dhe ambiciet e rinisë tonë të mrekullueshme, për t’u dhënë platformë moderne në realizimin e ëndrrave të tyre.

Fusha do të ketë material nga goma, e hapur për të gjithë, dhe do të jetë në harmoni me ambientin e mrekullueshëm që e rrethon.”, deklaroi drejtori Rugova./Media Ndërtimi.

Continue Reading

Trending