Pse kontratat për ndërtimin e rrugëve nuk zbatohen brenda afateve të përcaktuara nga Ministria e Infrastrukturës?

Zyra Kombëtare e Auditimit ka kryer auditimin e performancës me temën “Prokurimet e negociuara pa publikim të njoftimit për kontratë në Ministrinë e Mjedisit, Planifikimit Hapësinor dhe Infrastrukturës në vitin 2021”.

Objektiva e këtij auditimi ishte të vlerësohet se sa ishte i arsyeshëm dhe në përputhje me kornizën ligjore të prokurimit përdorimi i procedurës së negociuar nga ana e Ministrisë së Mjedisit, Planifikimit Hapësinor dhe Infrastrukturës, a është dokumentuar si duhet dhe a është arritur vlera për para në projektet që janë kontraktuar me këtë procedurë.

Kontratat për ndërtimin e rrugëve nuk janë zbatuar brenda afateve të përcaktuara.

Ministria duhet të sigurohet se Operatori Ekonomik e zbaton kontratën në të gjitha aspektet e saj, përndryshe duhet të aplikojë gjobat e parapara (për vonesa, cilësi të materialeve etj.) Asnjëra nga kontratat bazë nuk ishin zbatuar brenda afateve të përcaktuara, shkruan në raportin e Auditimit.

Faktor kontribuues në këtë vonesë ishte edhe nevoja për lidhjen e kontratave aneks për plotësimin e projekteve të mangëta. Edhe pse në disa projekte kontrata bazë kishte vazhduar të zbatohet paralel me kontratat aneks, megjithatë vonesat në zbatimin e kontratave janë evidente për faktin se secila kontratë është nënshkruar në vitin 2018 dhe 2019.

Pra kanë kaluar më shumë se tri vite përderisa 10 prej 13 kontratave ende janë të papërfunduara. Ministria, në kushtet e veçanta të kontratës, kishte specifikuar kohëzgjatjen e kryerjes së punimeve në ditë pune, pa e përcaktuar kohën kalendarike brenda të cilave duhej të zhvilloheshin punimet.

Përjashtim këtu bëjnë dy kontrata për projektin Dollc-Gjakovë në të cilat kohëzgjatja e punimeve ishte përcaktuar në muaj, 36 muaj secila.

Më poshtë po paraqesim tri kontratat që janë përfunduar, sa ka zgjatur zbatimi nga nënshkrim deri në përfundim

Edhe pse punimet në këto kontrata kanë përfunduar, pagesa nuk iu është bërë Operatorëve Ekonomik përkatës, për shkak se komisionet e pranimit kishin gjetur vërejte në punët e ekzekutuara nga ana e OE-së.

Deri në kohën kur po raportojmë nuk janë ndërmarrë masa për të korrigjuar defektet në rrugë. Siç shihet në tabelë, rruga nacionale N2, me gjatësi më pak se 2.5 km, kishte marrë mbi 4 vite për t’u ndërtuar për dallim prej dy rrugëve tjera me gjatësi 15.3 km dhe 16.7 km kishte marrë 2.8 përkatësisht 3.2 vite për tu ndërtuar.

Mirëpo as këto të fundit nuk është se ishin ndërtuar brenda afateve të parapara me kontratë. Numri i ditëve për kryerjen e punëve ishte 144 ditë pune, për kontratën Rehabilitimi i rrugës Klinë – Gurakoc, që kishte vlerën më të vogël, deri në 555 ditë pune për kontratën Deçan – Mali i Zi. Ndërsa për kontratat aneks Ministria kishte përcaktuar prej 25-30 ditë për kontratat me vlerë të mesme, ndërsa te kontratat me vlera të mëdha, afati i kryerjes së punimeve ishte 120 ditë.

Edhe pse i kishte përcaktuar ditët e punës, Ministria nuk i kishte përcaktuar ditët kalendarike brenda të cilave duhet të ekzekutohen këto punë, pra kontratat nuk janë të afatizuara. Për pasojë, në njërën anë rrugët s’po përfundohen me vite të tëra, ndërsa në anën tjetër, as OE-ja e as Ministria nuk po mbahen llogaridhënës.

Edhe pse punimet në këto kontrata kanë përfunduar, pagesa nuk iu është bërë OE-ve përkatës, për shkak se komisionet e pranimit kishin gjetur vërejte në punët e ekzekutuara nga ana e OE-së.

Deri në kohën kur po raportojmë nuk janë ndërmarrë masa për të korrigjuar defektet në rrugë. Siç shihet në tabelë, rruga nacionale N2, me gjatësi më pak se 2.5 km, kishte marrë mbi 4 vite për t’u ndërtuar për dallim prej dy rrugëve tjera me gjatësi 15.3 km dhe 16.7 km kishte marrë 2.8 përkatësisht 3.2 vite për tu ndërtuar.

Mirëpo as këto të fundit nuk është se ishin ndërtuar brenda afateve të parapara me kontratë. Numri i ditëve për kryerjen e punëve ishte 144 ditë pune, për kontratën Rehabilitimi i rrugës Klinë – Gurakoc, që kishte vlerën më të vogël, deri në 555 ditë pune për kontratën Deçan – Mali i Zi. Ndërsa për kontratat aneks Ministria kishte përcaktuar prej 25-30 ditë për kontratat me vlerë të mesme, ndërsa te kontratat me vlera të mëdha, afati i kryerjes së punimeve ishte 120 ditë. Edhe pse i kishte përcaktuar ditët e punës,

Ministria nuk i kishte përcaktuar ditët kalendarike brenda të cilave duhet të ekzekutohen këto punë, pra kontratat nuk janë të afatizuara. Për pasojë, në njërën anë rrugët s’po përfundohen me vite të tëra, ndërsa në anën tjetër, as OE-ja e as Ministria nuk po mbahen llogaridhënës. Të gjitha kontratat tjera, që i kemi paraqitur më poshtë në tabelë, janë ende në zbatim e sipër, dhe mesatarisht mbi 50% të punëve janë të kryera dhe të paguara. Në tabelën më poshtë po paraqesim kohëzgjatjen e ekzekutimit të secilës nga këto 10 kontrata./Media Ndërtimi.