Krijohet rruga që gjeneron energji nga shkeljet e njerëzve

0

Banorët e “West End” të Londrës do të kenë një arsye më tepër t’i frekuentojnë disa trotuare të këtij qyteti dhe mos ta përdorin veturën e tyre nëse destinacioni i tyre nuk është shumë larg. Ata do të kryejnë një punë të dobishme kur ecin-gjenerimin e energjisë për mbushjen e llampave dhe qëllime të tjera.

Kompania teknologjike Pavegen ka zbuluar “Rrugën e zgjuar” e cila përdor panelet unike kinematike të asfaltimit për të gjeneruar energji nga gjurmët e këmbësorëve. Por, ndryshe nga instalimet e mëparshme, Pavegen-ët të vendosura në qytete si Uashington DC dhe Rio de Zhaneiro (që përdor panelet si themel për një fushë futbolli), London Smart Street vjen me aplikacionet e veta, duke u dhënë vizitorëve informacione të sakta për fuqinë që po gjenerojnë dhe duke inkurajuar përdorimin duke ofruar kupona të dyqanit në këmbim për hapat, shkruan Ndertimi.info

Trotuari prej 32.6 metrash ndodhet përgjatë rrugës “Bird”, ku përveç energjisë për llambat afër rrugëve prodhon energji edhe për transmetuesit bluetooth dhe folësit e fshehur që emetojnë tingujt e shpendëve duke synuar të krijojnë një mjedis qetësues.

Që nga viti 2009, Pavegen ka përfunduar më shumë se 150 projekte në mbarë botën. Për të krijuar energji, sistemi përdor gjeneratorë me induksion elektromagnetik – pasi që pllaka është shtyrë poshtë nga pesha e një personi, volantët që ruajnë energjinë rrotullohen për të kthyer energjinë kinetike në energji elektrike. Kjo energji pastaj mund të përdoret për t’i dhënë energji dritave dhe pajisjeve të afërta. /Ndertimi.info/

PËRGJIGJU

Please enter your comment!
Please enter your name here