Featured
Si u gjetën 46,523 ndërtime pa leje në Prishtinë [dokument]
Fushatë e madhe dy vite më parë kishte kapluar Kosovën në lidhje me legalizimin e ndërtimeve. Fushata kishte dhënë efektin e saj. Vetëm në Prishtinë në vitin 2016 janë legalizuar 178 objekte.
Mirëpo, gjatë procesit të regjistrimit të ndërtimeve pa leje në vitin 2014 dhe 2016, duke përfshirë edhe objektet pa leje të paraluftës dhe pasluftës, por jo edhe ato objekte të legalizuara vitet paraprake, në kryeqytetin e Kosovës kanë rezultuar 46 mijë e 523 ndërtime pa leje, shkruan Ndertimi.info.
Për këto ndërtime, Prokuroria Speciale e Republikës së Kosovës, më 12 qershor 2015, ka ngritur aktakuzë për vepra penale që ndërlidhen me ndërtimet kundërligjore, kundër njëmbëdhjetë personave, prej tyre dhjetë zyrtarë të Komunës së Prishtinës dhe një pronar i një kompanie private, për veprën penale “Keqpërdorimi i pozitës apo autoritetit zyrtar”, nga neni 422 i Kodit Penal të Republikës së Kosovës, si dhe kundër një pronari të një kompanie private për veprën penale “Falsifikimi i dokumenteve”, nga neni 398 i Kodit Penal të Republikës së Kosovës.
Në nisjen e gjykimit ndaj 10 zyrtarëve të Komunës së Prishtinës, prokurorja Drita Hajdari i ka krahasuar dëmet nga ndërtimet pa leje me dëmet e luftës së fundit.
“Kryeqyteti i Kosovës ka mbijetuar luftën gati pa pasoja, mirëpo sipas disa analizave ndërtimet e pasluftës e kanë dëmtuar 75 % të strukturës ekzistuese të qytetit duke përfshirë këtu edhe pjesët e vjetra dhe historike të qytetit,“ ka deklaruar Hajdari.
Te legalizimet, tashmë ky proces nuk vazhdon. Më 5 shkurt të këtij viti ka skaduar Ligji i cili e mbulon këtë fushë dhe se, sipas Komunës së Prishtinës, nuk mund të vazhdohet me procedura të legalizimit deri në miratim të ndonjë ligji eventual që do të mbulonte këtë fushë.
Nga të dhënat që ka marrë Ndertimi.info, këtë vit (2017), janë legalizuar vetëm 10 ndërtime.
Më poshtë keni tabelën me të gjitha të dhënat nga viti 2011 deri në vitin 2017.
-
Infrastrukturë2 days ago
Komuna e Prishtinës përzgjedh fituesin e kontratës për zgjerimin e rrugës nga Ura e Veternikut deri në hyrje të Graçanicës
-
Infrastrukturë2 days ago
Komuna e Prishtinës shkel ligjin për ‘tunel transformues’ që pritet të kushtojë 6 milionë euro
-
Infrastrukturë2 days ago
Hap dyert ‘Zenova Home’, partneri juaj për mobilimin e shtëpisë
-
Aktuale2 days ago
Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
-
Infrastrukturë2 days ago
Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Aktuale1 day ago
Një kompani ndërtimi dëmton kabllot e rrjetit nëntokësor në lagjen “Pejton”, mbesin pa energji elektrike një numër i caktuar i konsumatorëve
-
Infrastrukturë2 days ago
Expo-Albania, xhevahir i koleksionit të arkitektëve bashkëkohorë!
-
Infrastrukturë2 days ago
Mospërputhjet në deklarim të pasurisë- Ku u zhdukën banesa dhe garazhi i papërfunduar i presidentes?
You must be logged in to post a comment Login