Infrastrukturë

Rrugët mbi të cilat nuk do të donit të kaloni kurrë

Published

7 years ago

July 14, 2017

Të kalosh nga një rrugë në tjetrën dhe të mos guxosh të shikosh nga dritarja sepse ajo pamje të rrënqethë, është një ndjenjë e përzier. Ajo mund të jetë sa e frikshme aq edhe interesante por, njerëzitë i perceptojnë gjërat ndryshe, dhe mbetet që secili të vlerësoj sipas mendimit personal.

Më poshtë po sjellim disa prej rrugëve nëpër të cilat mund të kaloni, por që nga pamja e tyre janë jashtëzakonisht të rrezikshme.

Tuneli Guoliang, Kinë

Tuneli Guoliang është 1.2 km i gjatë dhe është ndërtuar përmes një rruge malore që çon në fshatin me të njëjtin emër. Në vitet 1970, banorët e fshatit e bënë këtë tunel dhe “dritaret” në të, duke përdorur vetëm mjete dore. Gjerësia e tunelit është rreth 4 metra, prandaj shoferët duhet të jenë jashtëzakonisht të kujdesshëm.

Hekurudha- treg Maeklong, Tajlandë

Në shikim të parë, tregu Maeklong i ngjan qindra tregjeve të tjera tajlandeze … por vetëm derisa ta dëgjoni bilbilin e trenit që kalon nëpër stalla të tregut. Shitësit i marrin mallrat e tyre dhe i hedhin çadrat e tyre në sekonda, duke i dhënë rrugë trenit që lëviz me shpejtësi rreth 15 km / h.

Rruga “Yungas”, Boldavi

‘Yungas” lidhë qytetet boliviane të La Paz dhe Coroico. Duke zbritur nga një lartësi prej 3,300 deri në 360 metra mbi nivelin e detit. Përkundër faktit se rruga është shumë e ngushtë, edhe kamionët arrijnë të kalojnë njëra-tjetrën. Sidoqoftë, njëri prej tyre shpesh duhet të qëndroj në njërin skaj të rrugës derisa të kaloj kamioni tjetër.

Hekurudha “Hunda e Djallit”

Hekurudha “Hunda e Djallit” është ndërtuar mbi shkëmbin me të njëjtin emër në një lartësi prej 800 metra. Deri kohët e fundit turistët u lejuan të hipnin në çatitë e vagonëve që po vrapojnë këtu, por sot është e ndaluar.

Ura ‘Pamban”

Ura lidhë pjesën kontinentale të Indisë me ishullin me të njëjtin emër. Në 1964, ura u shkatërrua nga erërat e forta të ngushticës së Palk. Kjo është arsyeja pse tani, kur shpejtësia e erës kalon 55 km / orë, trenat marrin një paralajmërim të sinjalit të veçantë për rrezikun e mundshëm.

Autostrada Karakoram, Pakistan – Kinë

Në 1.300 km të gjatë, Karakoram Highway është konsideruar autostrada ndërkombëtare më e lartë në botë. Një nga seksionet e saj kalon në një lartësi prej më shumë se 4,600 metra. Shirat e verës shpesh shkaktojnë rrëshqitje të dheut. Në dimër, autostrada është e mbyllur për shkak të kushteve të motit dhe ortekëve të mundshëm.

/Ndertimi.info/

Infrastrukturë

Bëhet hapi i parë për linjën hekurudhore Fushë Kosovë-Klinë-Pejë dhe Klinë-Prizren

Published

1 hour ago

April 29, 2024

Ndertimi Media

Infrastruktura e Hekurudhave të Kosovës -Infrakos Sh.A, ka hap tender për deizajnimin e linjave hekurudhore Fushë Kosovë-Klinë-Peje dhe Klinë-Prizren.

Sipas dosjes së tenderit tëpublikuar sot në platformën online E-Prokurimi Infrakos i ka i ka paraparë 2 milionë euro për shërbime inxhiniere për ndërtimin e punëve civile inxhiniere, shkruan Indeksonline.

Karakteristikat kryesore teknike të linjës hekurudhore janë paraqitur në tabelën e mëposhtme:

Në dosje thuhet se linja hekurudhore Fushë Kosovë – Pejë dhe Klinë-Prizren ka pësuar dëme të konsiderueshme gjatë periudhës 1990-1999. Niveli i mirëmbajtjes së rregullt gjatë të njëjtës periudhë u reduktua në minimum, duke rezultuar në gjendjen aktuale nën-standard të linjës. Seksioni Fushë Kosovë – Klinë mund të operohet me shpejtësi maksimale 60 km/h, ndërsa pjesa Klinë-Pejë me shpejtësi maksimale 70 km/h. Seksioni Klinë-Xërxë mund të operohet në një shpejtësi maksimale prej 40 km/h, ndërsa seksioni Xërxë-Prizen është jashtë operimit për shkak të gjendjes së keqe të linjës. Seksioni Xërxë – Prizren (me një gjatësi prej 27 km) është jashtë funksionit.

Linjat hekurudhore Fushë Kosovë-Klinë-Pejë dhe Klinë-Prizren kanë qenë një bartës i zhvillimit ekonomik, duke i shërbyer në këtë mënyrë transportit të brendshëm dhe ndërkombëtar të udhëtarëve dhe mallrave. Në këtë linjë hekurudhore ka qarkulluar një numër i madh i trenave të udhëtarëve dhe mallrave, duke lidhur kështu Pejën e Prizrenin dhe pjesët tjera të Kosovës jugperëndimore me nyjën qendrore hekurudhore të Fushë Kosovës.

Një nga objektivat e vendosur në Strategjinë Kombëtare të Transportit Multimodal (2015-2025) është krijimi i lidhjeve me rrjetin evropian të transportit dhe ofrimi i një rrjeti hekurudhor me prioritet që lidh portet e transportit me zonat e rritjes potenciale ekonomike. Linja Hekurudhore 10 dhe Linja Lindje-Perëndim (përfshirë linjën e planifikuar hekurudhore (Kosovë-Shqipëri) janë pjesë e këtij rrjeti hekurudhor me prioritet./Media Ndërtimi

Infrastrukturë

Mbi 14 milionë euro për projekte infrastrukturore për Deçanin

Published

2 hours ago

April 29, 2024

Ndertimi Media

Zëvendësministri i Infrastrukturës, Hysen Durmishi, ka thënë se gjatë mandatit të tij deri më sot ka investuar mbi 14 milionë euro për projekte infrastrukturore për komunën e Deçanit.

Durmishi në rrjetin social “Facebook” ka shkruar se “në kuadër të nënshkrimit të memorandumeve të sotme, tani jemi në Deçan, të cilën komunë po e financojmë shtesë edhe me 400 000 euro”.

“Projektin të cilin jemi duke e bashkëfinancuar është: Zgjerimi i rrugës, urave dhe strukturave nga Deçani dalja për Pejë, segmenti Lëbush – Qendra e Strellcit”, ka treguar Durmishi./Media Ndërtimi

Infrastrukturë

E vetme, në karrocë, banon në katin e tretë pa ashensor

Published

4 hours ago

April 29, 2024

Kreshnik Bekteshi

Duke qenë me aftësi të kufizuara dhe duke jetuar vetëm, Sabina Lloqani nga Prishtina, thotë se i është vështirësuar jetesa për shkak se kompleksit të saj banesor i mungon ashensori, raporton Radio Evropa e Lirë/