Në debatin “Debat Pernime” përballë Jeta Xharrës, ishin të ftuar kandidatët për Kryetar të Komunës së Prishtinës, ku u diskutua për planet e tyre për Prishtinën.
Kandidati për Kryetar të Prishtinës nga rradhët e partisë VV, Arben Vitia, në “Debat Pernime”, ka treguar se cili është plani i tij për të “shpëtuar” nga tollovia e trafikut të Prishitnës.
Ai tha që nevojitet një intervenim i menjëhershëm për këtë problem, dhe tregoi që një ndër masta kryesore që ai do i ndërmarr është krijimi i i katër parkingjeve në hyrje të qytetit me rreth dy mijë e 600 hapësira të reja për parkim.
“Masat e menjëhershme që do t’i marrim është sipas planit origjinal të vitit 2017, katër parkingje në hyrje të qytetit me dy mijë e 600 hapësira të reja për parkingje.” tha ai gjatë debatit.
Kandidati i AKR-së për Kryetar të Prishitnës, Gëzim Mehmeti, ka folur gjithashtu për tollovinë e trafikut të Prishtnës, ku në planin e tij për këtë kaos ka thënë se përparësi do t’u jepet këmbësorëve, transportit publik, biçikletave e krejt në fund do të jenë veturat.
“Unë e shoh planin e rregullimit të tollovisë përmes planit të mobilitetit urban. Plani i jep përparësi shumë të madhe këmbësorëve, transportit publik, biçikletave dhe së fundmi veturave. E trajton në mënyrë shumë të saktë sepse është hartuar nga ekspertë të ndryshëm të lëmive. Parashihet ndërtimi i pesë parkingjeve, tri i kemi ndërtuar, edhe dy tjera. Prishtina ka një hyrje, fluks të jashtëzakonshëm të veturave, diku mbi 170 mijë vetura, parashihet që të paguhet bileta në Trafik Urban kështu i largojmë hyrjen e veturave. Kushton diku 120 milionë euro”, ka thënë Mehmeti gjatë debatit.
Kandidati i LDK-së Përparim Rama që ishte gjithashtu i ftuar në “Debat Pernime”, k atreguar për planin e tij për kaosin e trafikut të Prishtinës, ku edhe ai ka një plan për t’i shpëtuar kësajë tollovie.
Ai në debat ka treguar për planin e tij duke thënë se do të krijohen lidhje të reja ndërmjet lagjeve të Prishtinës e po ashtu do të bëhet edhe ridefinimi i qendrës ku do të ndërtohen gjashtë parkingje nëntokësore.
“Problemi i trafikut është rezultat i shumë problemeve të ndryshme, në përgjithësi problemeve infrastrukturore në urbanizëm, mungesë e çerdheve, shkollave e rrugëve. Me intervenimet tona strategjike do të jetë krijimi i rrugës A, lidhja e rrugës B me rrugën A, krijimi i një pjese të unazës e cila lidh Veternikun përmes lagjes Emshir, kalon ka Prroni i Njelmët dhe Bërrnicës së Poshtme e lidhet me rrugën e Mitrovicës e Podujevës. Do ta bëjmë ridefinimin e qendrës e unaza e parë do të jetë qendra e Prishtinës me gjashtë parkingje nëntokësore ku qytetari është i pari, trafiku urban është i dyti e kerri është i treti”, ka thënë Rama në debat.
Kandidati për Kryetar të Prishtinës nga AAK, Daut Haradinaj, ka treguar gjithashtu për panin e tij për të shmangur kaosin e trafikut të Prishtinës, ai në “Debat Pernime” ka folur rreth këtij problemi dhe se zgjidhja e tij janë nënkalimet.
“Nënkalimet janë zgjidhje. Do të ketë dy nënkalime në shesh, do të ketë nënkalim prej katedrales e deri te Grandi, e më pas deri të Boro Ramizi. Do të ketë parkingje vertikale”, ka thënë Haradinaj.
Në debatin përballë Jeta Xharrës në “Debat Pernime” ishte edhe Uran Ismaili nga rradhet e partisë së PDK-së. /Media Ndërtimi/