Kandidati për kryetar të Komunës së Prishtinës nga rradhët e LDK-së, Përparim Rama, në rrjetin social Facebook, ka treguar programin e tij qeverisës.

Përmes tij ai ka treguar se çfarë planesh ka për Prishtinën. Ai ka thënë se në qeverisjen e tij Prishtina do të jetë Praktike, e pastër dhe e përjetimeve.

Perparim Rama ka treguar në pika të hollësishme se çfarë përmbanë programi i tij qeverisës, duke treguar që Prishtinës i mungon Infrastuktura, parkingjet, mungesa e sigurisë si dhe mungesa e dixhitalizimit.

Një ndër projektet kryesore që ai ka është ridefinimi i qendrës së qytetit i cili është projekt 2 vjeçar. Ai k atreguar që ekipi i tij do e ndryshoj hijrarkinë duke e vënë këmbësorin të parin, transportin alternativ të dytin dhe veturat të tretin.

Ai ka shtuar se qendra e re do të jetë për të gjithë, duke iu mundësuar edhe lëvizje më të lehtë përsonave më nevoja të veçanta, këmbësorëve dhe transportit alternativ.

Në programin e tij, ai parasheh që në rrethin qendrorë 6 lokacione strategjike të cilat do ofrojnë parkingje publike nëntokësore distanca e të cilave nga qëndra e qytetit do të jetë 500metra ose 6-7 minuta ecje, ndërsa bileta e parkingut do shërbej edhe si biletë transporti publik ku mund të quhet si “Parko dhe Udhëto!”

Rrethi i brendshëm që definon qendrën e prishtinës do ndërlidhet me lagjet përreth si Arbëria, Kodra e Trimave, Prishtina e Vjetër, Kodra e Diellit, Lagjia e Spitalit, Kalabria, Emshiri dhe Stacioni i Autobusëve.

Shumë nga pikat ndërlidhëso do të shfrytëzohen për parkingje nëntokësore, ku njëkohësisht do të mundësojnë edhe zhvillimin e strukturave ë nevojshme si Salla Koncertale dhe Muzeu i Artit Modern.

Lagjia Arbëria nuk ka lidhje të drejtë për drejtë me qendrën e Prishitnës dhe për këtë problem do të krijohet platforma e gjelbër ndërlidhëse pej Pallatit të Rinisë deri tek Qarkorja e brendshme dhe kjo do të mundësoj lëvixjen e lehtë për këmbësorë, përsona me nevoja të veçanta etj.

Në këtë zonë Rama në planin e tij do të ndërtoj edhe Sallën koncertale që është shumë i domosdoshëm për komunitetin artistik si dhe për Prishtinën e Përjetimeve, ku gjithashtu do të ndërtohen edhe parkingje nëntokësore që do vihen në shërbim të Sallës, Stadionit dhe Pallatit të Rinisë, ku kostoja e këtij projekti do të jetë 35 milion euro ku 20 milion euro do të jenë fonde nga IPA dhe 15 milion të tjera nga bizneset publiko-private. Projekti planifikohet të përfundojë benda 3 viteve.

Porjekti i Muzeut të Artit modern dhe lidhjes së Kodres së Trimave. Projekti i planit urban për këtë projekt do të zgjatë 9 muaj dhe pas 1 viti do filloi implementimi i tij. Gjithashtu sipas tij do të zgjidhen edhe problemet me pronësi. Ky projekt do kushtoj rreth 25 milion euro, ku 15 milion do të jenë nga IPA dhe 5 milion të tjera do të jenë nga fondet publiko private.

Prishtina e vjetër do të ndërlidhet me Sheshin Nëna Terezë me ane të nënkalimeve të veturave prej rrethit të Komunës së vjetër e deri të lidhja me sheshin Nëna Terezë gjithashtu prej sheshit deri tek Sahat Kulla.

Për lagjen Ulpiana, programi i Përparim Ramës përfshijnë rigjenerimin e soliterave të ulpianës me një projekt publiko-privat, ku me pajtimin e banorëve mes soliterave do të shëndrrohen në zona komerciale që përfshijne zyre, dyqane, çerdhe gjithashtu edhe kopshte mbi kulm gjithashtu edhe hapësira gjysëm-publike për banorë.

Kostoja e zonave ndërlidhëse do të jetë rreth 7 milion euro, ku investimet do të jenë me kontrata të partnëritetit publiko-privat e prona është e Komunës së Prishtinës.

Dardania me Klabrinë nuk kanë lidhje të mirë mes tyre. Në planprogramin e Rames, ky problem do të zgjidhet më një nënkalim të veturave nga Veterniku deri tek stacioni i autobusëve. Me anë të këtij nënkalimi do të krijohet mundësia për një parking nëntokësor për Dardaninë, mbi të cilin planifikohet të jetë një Park Urban dhe kënd lojrash, shtigje për këmbësor dhe trafik artelnativ.

Projekti do të ketë kohëzgjatje prej 2 vjet më koston prej 15 milion euro. /Media Ndërtimi/