Kandidati për Kryetar të Prishtinës nga rradhët e partisë së AAK-së, Daut Haradinaj, ishte i ftuar në PRESSING, përballë 3 analstëve, ku foli hollësisht për programin e tij qeverisës.
Haradinaj tha që Prishtina i bashkon të gjithë qytetarët, prandaj edhe slogani i tij është “E para Prishtina”.
Duke folur për problemet dhe tollovinë shkaktuar nga ndërtimet e shumta në Prishtinë, Haradinaj në emisionin tha se nuk beson se ka mafi te ndërtimit, por ata duhen ta kenë të qartë se duhet respektuar rregullat.
“Janë kategori e respektuar që gjenerojnë zhvillim ekonomik dhe do të trajtohen si kategori e respektuar, por nëse bëjnë shkelje ligjore as mos t’ia mësyjnë komunës sepse nuk do të kem fare mirëkuptim për ta”, u shpreh ai.
Daut Haradinaj ka kritikuar kundërkandidatët siç tha për vjedhje të ideve të tij. Këtu ai ka folur për planet e tij për spitalin e Prishtinës i cili sipas tij do të ndërtohej në Llukar.
“Këtu duhet të jetë një spital i përgjithshëm i kryeqytetit. Jemi i vetmi kryeqytet që s’ka spital”, theksoi Haradinaj.
Gjithashtu ai i falënderoi kundërkandidatët që kanë filluar me shty këtë projekt përpra.
Daut Haradinaj foli edhe për projektin e stadiumit në Bërrnic, ku theksoi që porjekti i tij nuk është Stadion Kombëtar, por është kompleks që përfshinë edhe disiplinat e tjera sportive. Ai tregoi për gjendjen e fushave ekzistuese, ku sipas tij kushtet janë mizërie.
Haradinaj tha që Stadiumi në Bërnnic është 12 hektar të dhënë prej shtetit dhe që ky projekt është mundësi e partneritetit publiko-privat.
Haradinaj foli edhe për rrugën “Muharrem Fejza” ku tha që e ka vizituar atë rruge dhe tregoi që punimet e asaj rruge janë ndaluar nga një përson fizik me anë të kontekstit pronësor. Kur u pyet se si do e zgjidhë këtë problem ai tha që ekzistojnë tri forma ligjore, njëra është shpronësimi cash, shpronësimi metër për metër dhe me koeficient ndërtimi.
Gjatë debatit Haradinaj foli edhe për për çështjen e pranimit teknik të objekteve ku tha se kjo çështje do të zgjidhet nga ai brenda 6 muajsh.
“76% e objekteve banesore në Prishtinë nuk kanë pranim teknik ose nuk janë të legalizuara. Unë brenda 6 muajsh këtë çështje do ta zgjidh. Ideja është të formohet komisioni për vlerësim në përbërje nga ekspertë të fushës të cilët do të bëjnë vlerësimin. Është jetike kjo çështje të zgjidhet pasi që qytetarët nuk po mund t’i shfrytëzojnë pronat e tyre si pasuri dhe për hipotekë.” tha Haradinaj.
Në debat Haradinaj foli edhe për teleferikun që parashihet në planprogramin e tij. Ai tregoi që Prishtina e ka një teleferik në Gërmi që nga koha e komunizmit dhe tregoi që në atë kohë është menduar të jetë edhe një teleferik tek shkallët e Dragodanit. Haradinaj tregoi që kosotja e këtij teleferiku është 700-750mij euro dhe që do realizohet vec nëse ipet në partneritet publiko-privat.
Ndërsa për sheshin, ai ka thënë që në planprogram i mendon 3 deri në 4 nënkalime. Ai gjithashtu tregoi që në planin e tij përveç qendrës rehabilituese për narkomanët, ai do e ndërtoj edhe qendrën për gratë që janë në ndikim të dhunës dhe ai tregoi që nuk ka dashtë për ta bërë publike këtë program për shkak të ndjeshmërisë dhe për të ndalur ndonjë problem të mundshëm në të ardhmen. /Media Ndërtimi/