Connect with us

Aktuale

Eksportet e materialit të ndërtimit zgjerojnë marrëdhëniet tregtare mes Kosovë dhe Shqipërisë

Published

on

Marrëdhëniet tregtare mes Shqipërisë dhe Kosovës po vijnë duke u zgjeruar vit pas viti.

Sipas raportit të publikuar nga Instituti i Statistikave (INSTAT) mbi tregtinë e jashtme, eksportet drejt Kosovës gjatë muajit janar të këtij viti arritën 2.7 miliardë lekë [22.3 milionë euro] duke u dyfishuar, krahasuar me të njëjtën periudhë të vitit 2021.

Ndërkohë, importet shënuan një rënie të lehtë duke arritur në 520 milionë lekë [4.3 milionë euro] nga 539 milionë lekë [4.5 milionë euro] që ishin në janar të 2021, raporton Telegrafi.

Eksportet kryesore të Shqipërisë drejt Kosovës përfaqësohen nga eksporti i materialeve të ndërtimit dhe metaleve, mineraleve dhe lëndëve djegëse, ushqimeve si dhe produkteve kimike dhe plastike.

Të rëndësishme në strukturën e eksporteve shfaqen prodhimet vendase të drurit/mobilierisë si ndenjëset (karrige e kolltukë) apo mobilie të tjera. Gjithashtu, edhe prodhimet bujqësore kanë peshë, ndër të cilat eksportin kryesor e zënë domatet, agrumet, pjepri dhe kastravecët.

Gjatë kësaj periudhe, referuar të dhënave, Shqipëria ka eksportuar më tepër drejt Kosovës minerale, lëndë djegëse, energji elektrike pasuar nga grupi materiale ndërtimi dhe metale.

Vlera e eksporteve të këtyre dy grupeve llogaritet mbi 900 milionë lekë [7.44 milionë euro] respektivisht. Po ashtu, Shqipëria ka eksportuar drejt Kosovës, produkte kimike dhe plastike në vlerën e 337 milionë lekëve [2.78 milionë euro].

Por shkëmbimet ekonomike mes 2 vendeve janë shumë më të gjera se vetëm flukset tregtare. Ato shtrihen në shkëmbime ekonomike në industrinë e turizmit, shërbimeve financiare, shkëmbime në fushën e arsimit dhe teknologjisë, transportit apo telekomunikacionit.

Potenciali është akoma më i madh dhe i qëndrueshëm për specializim të bashkëpunimit ekonomik dhe rritje të konkurrueshmërisë, me anë të konsolidimit të zinxhirit të vlerës nëpërmjet shkëmbimeve ndërsektoriale, në fusha si agropërpunim, industri kimike dhe kozmetike, prodhim artikuj paketimi prej plastike dhe letre dhe përpunim i metaleve.

Nga sektorët e pashfrytëzuar deri tani, potencial për shkëmbime tregtare shfaqin sektorë si tekstilet, prodhimet e lëkurës, makineritë, prodhimet e detit dhe produkte druri të përpunuar./Media Ndërtimi.

Aktuale

LDK kërkon pezullimin e vendimit për dyfishimin e tatimit në pronë

Published

on

Për t’u lehtësuar barra e qytetarëve që janë goditur nga inflacioni i lartë, Lidhja Demokratike e Kosovës, po kërkon nga Ministria e Financave që me vendim të pezullojë aplikimin e rivlerësimit të fundit të pronave në vend dhe faturat e tatimit për vitin 2023, të llogariten sipas vlerësimeve të bëra para vitit 2022.

Deputetja e LDK-së, Hykmete Bajrami ka thënë se është shqetësuese dyfishimi i çmimit në tatimi, pasi që nuk janë marrë parasysh edhe rrethanat socio-ekonomike.

Bajrami ka kërkuar nga Ministria e Financave të procedojë sa me parë në Kuvend, ligjin e ri për tatim në pronë, si dhe shtyrjen e zbatimit ndryshimin e ligjit për prona.

Ajo thotë se kjo ministri, përkatësisht Departamenti i tatimit në pronë, në bashkëpunim me komunat gjatë vitit 2023, të bëjnë rishikimin e plotë të procesit të ri-vlerësimit të pronave pas përcaktimit të zonave që marrin parasysh zhvillimin e vendbanimeve dhe ngastrave kadastrale.

Kjo për shkak se gjatë ri-vlerësimit të pronave të bërë më 2022, janë përdorur zonat e vjetra, si dhe janë injoruar komplet nënzonat, pasi ka dështuar sistemi i Departamentit të Tatimit në Pronë.

“Është vërejtur që vlerësimi i pronave ka shumë gabime, të cilin e kanë konfirmuar edhe në shkresat zyrtare, vet Ministria e Financave drejtuar komunave të Kosovës, duke thënë që një prej mjeteve të softuerit nuk ka funksionuar dhe në fakt është injoruar komplet nën-zonimi.

Kjo nënkupton që pasuri të tëra të patundshme tatohen sot me vlerësimin e ri njëjtë sikur ato që janë në rrugën kryesore, sikurse ato që janë në rrugë tretësore. Shqetësimi yni tjetër ka qenë që nuk janë marrë parasysh rrethanat socio-ekonomike, dhe ne e dimë që prej vitit 2018 nuk ka pasur lëvizje të pagave për sektorin publik. Lëvizjet e pagave në sektorin privat për të kufizuara dhe nuk e adresojnë normën e inflacionit”, thotë ajo.

Deputetja Bajrami ka thënë po ashtu se shtrenjtimi i tatimit në pronë mbi 100 për qind, ka goditur qytetarët edhe më shumë në kohën kur inflacioni ka ndikuar në shportën e konsumatorit.

“Tani duke marr parasysh edhe inflacionin sidomos në shportën bazë të konsumatorit që e ka goditur shumë, gati qe 12 muaj qytetarët, ne kemi bërë kërkesë Ministrisë së Financave që në fakt ky rivlerësim të pezullohet, kurse faturat që i gjeneron Ministria e Financave t’i gjenerojë me vlerësime të fundit, që nënkupton që qytetarët e vendit të vazhdojnë të paguajnë tatimin në pronë në vitin 2023 të njëjtë me atë që e kanë pasur në vitin 2022.

Ndërkohë që gjatë këtij viti, ministria e Financave në bashkëpunim me krejt komunat të bëjë një rivlerësim të saktë ku do të merren parasysh edhe nën-zonat, rivlerësim i cili pastaj mund të konsiderohet që të hyjë në fuqi në vitin 2024”, thotë ajo.

Përveç kësaj, ajo thotë se LDK kërkon nga Ministria e Financave të procedojë sa më parë në Kuvend, Ligjin e ri për tatim në pronë, për t’iu lejuar fleksibilitet më të madh komunave në caktimin e normave tatimore.

“Përveç kësaj ne kemi kërkuar që të sjellët sa më shpejt ligji i cili nga tani është finalizuar dhe qëndron në sirtarin e ministrit të Financave për tatim në pronë, një ligj i ri i cili kishte me adresuar çështjen. Ajo çka është kërkesë sot e të gjitha komunave në Kosovë, është që t’iu lejohet fleksibilitet më i madh në caktimin e normave tatimore. Sot minimumi, pragu është 0.15 për qind e vlerës së tregut. Dhe komunat sikur të kishin pasur prag më të ulët dhe fleksibilitet më të madh, ndoshta këtë çështje, për këtë vit kishin mundur ta adresojnë përmes lëvizjes së normave tatimore”, pohon Bajrami.

Ndryshe, ministri i Financave, Hekuran Murati, ditë më parë i ka propozuar komunave që të gjithë tatimpaguesve t’u falen deri në 100 euro nga vlera e tatimit në pronë për këtë vit.

Megjithatë, sipas deputetes së Bajrami, kjo gjë s’mund të ndodhë sepse komunat nuk kanë të drejtë të falin tatime. Për propozimin e Muratit, thotë ajo, e hedh poshtë ministria e tij ndërkohë që ka publikuar një shkresë të Ministrisë së Financave të drejtuar një kryetari komune për këtë çështje./Media Ndërtimi

Continue Reading

Aktuale

62 objekte në rrugën “Agim Ramadani” dhe në afërsi të Parkut të Qytetit do të kyqen në “Termokos”

Published

on

Kanë filluar punimet për zgjerimin e rrjetit të ngrohjes për qendrën e qytetit, nga rruga Agim Ramadani deri tek Parku i Qytetit.

Kështu ka njoftuar nënkryetari i Prishtinës, Alban Zogaj, përmes rrjetit social Facebook.

Zogaj ka thënë se gjithsej në Ngrohtoren e qytetit do të kyqen 62 objekte, me 767 njësi banesore, me një total prej 106.145 metra katror.

Gjatë fundvitit të kaluar, punime për kyqje në ngrohtoren e qytetit ka pasur edhe në lagje tjera si në Arbëri dhe në Rrugën B./Media Ndërtimi

Continue Reading

Aktuale

Ministri Murati thotë se zyra ligjore e ministrisë i’a ka dhënë dritën e gjelbër për faljen e 100 eurove të tatimit

Published

on

Ministri i Financave, Hekuran Murati ka thënë se e ka marrë edhe dritën e gjelbërt nga Zyra Ligjore e ministrisë për të ecur tutje me planin për përfshirje në ligjin e ri edhe dispozitën për zbritjen e takimit në pronë deri në 100 euro për faturën e vitit 2023.

Murati ka thënë se një gjë të tillë kishte deklaruar qysh para një jave.

Ky vendim për faljen e 100 eurove për vitin 2023 është marrë pas reagimeve të shumta rreth rritjes së faturave të tatimit në pronë, sidomos në kryeqytet.

Atë çfarë kam thënë unë, e ka thënë edhe Departamenti Ligjor i MFPT-së:

– që dispozitën për zbritjen e tatimit në pronë deri në 100 euro për faturën e vitit 2023 do ta përfshijmë në ligjin e ri.

Meqenëse tashmë janë bërë disa komuna që kanë mbështetur këtë nismë, ne si ministri, qysh javën që vjen do të nisim procedurat fillimisht duke lëshuar projektligjin për konsultime të brendshme, e pastaj edhe për konsultime publike, dhe pas kësaj do ta dërgojmë për miratim në Qeveri./Media Ndërtimi

Continue Reading

Trending