Connect with us

Aktuale

Qytetet dhe qendrat urban si përshpejtues të progresit social në Kosovë

Published

on

Përgjatë historisë, qytetet kanë qenë qendra të inovacionit pasi që përqendrimi i njerëzve, burimeve dhe ideve mundësoi që transformimet të ndodhin me shpejtësi të jashtëzakonshme, duke krijuar aktivitet ekonomik dhe përfshirje sociale.

Sidoqoftë, qytetet janë gjithashtu “shtëpi” ku ka përqendrim të theksueshëm të të varfërve dhe grupeve të margjinalizuara dhe kanë ndikim të konsiderueshëm në mjedis dhe mirëqenien e njerëzve.

Përfshirja e transportit të qëndrueshëm urban në Objektivin për Zhvillim të Qëndrueshëm 11 konfirmon

(qasje në tregje dhe vende të punës), përmirësim të arsimit (qasje në shkolla), mbrojtje të shëndetit (qasje në shërbimet mjekësore) dhe rritje të qëndrueshmërisë së mjedisit dhe sigurisë së trafikut.

Në mënyrë të ngjashme, Agjenda e Re Urbane e miratuar në Konferencën e Tretë të Kombeve të Bashkuara për Strehim dhe Zhvillim të Qëndrueshëm Urban (Habitat III) përfshiu angazhimin drejt një transporti të qëndrueshëm dhe efikas, në mënyrë që të arrihen përfitimet nga lidhshmëria dhe të zvogëlohen kostot financiare, mjedisore dhe të shëndetit publik të shkaktuara nga mbipopullimi dhe ndotja e ajrit.

Si pjesë e rimëkëmbjes së qëndrueshme nga pandemia COVID-19, këto vendime kritike për t’i zgjedhur rrugët e qëndrueshme të mobilitetit duhet të jetësohen sot. Udhëzuesi Kombëtar për Planifikimin e Mobilitetit të Qëndrueshëm Urban (PMQU) ka një qasje të re, me vështrim nga e ardhmja, për një fushë relativisht të re të veprimit nga komunat dhe partnerët e tyre në Kosovë.

Duke marrë parasysh udhëzuesit ekzistues nga Bashkimi Evropian dhe përvojat tona reale nga zbatimi i PMQU-ve në Komunën e Mitrovicës së Jugut dhe Komunën e Mitrovicës së Veriut, qëllimi i këtij botimi është të ofrojë udhëzime për zhvillimin e sistemeve të qëndrueshme të transportit urban.

Pse është e rëndësishme kjo për Kosovën? Planifikimi i mobilitetit të qëndrueshëm urban mund të përmirësojë cilësinë e jetës, barazinë sociale, qasjen në transport, integrimin intermodal, qëndrueshmërinë ekonomike, atraktivitetin urban, qëndrueshmërinë dhe cilësinë e mjedisit duke siguruar që të gjithë njerëzit, bizneset dhe palët e tjera të prekura të përfshihen dhe të përfitojnë nga ky proces.

Zbatimi i një PMQU-je do t’i përmirësonte dhe harmonizonte nevojat e të gjithë pjesëmarrësve në trafik për lëvizje të lirë dhe të sigurt duke rritur komoditetin e jetesës së qytetarëve dhe duke siguruar një cilësi më të mirë të jetës. PMQU-ja paraqet një strategji për lëvizjen efikase të njerëzve dhe transportin e mallrave dhe burimet e mundshme të financimit drejt zbatimit të investimeve të mobilitetit duke marrë parasysh dimensionet e ndërlidhjes sociale, mjedisore dhe ekonomike.

Mobiliteti urban, nëse planifikohet në mënyrë të duhur, mund të luajë një rol kryesor në mbështetjen e një të ardhme më të qëndrueshme dhe gjithëpërfshirëse në Kosovë. Sidoqoftë, kjo varet nga veprimi vendimtar në dhe nga komunat, veprim i cili shpresoj se do të informohet dhe mbështetet nga këta udhëzues.

*Autori i kwtij shkrimi wshtw Omar Siddique, udhëheqës i Zyrës dhe Këshilltar Kryesor Teknik Programi i Kombeve të Bashkuara mbi Vendbanimet Njerëzore (UN-Habitat) Kosovë./Media Ndërtimi.

Aktuale

Vazhdon largimi i Evropës nga gazi rus, hapet tubacioni i ri i gazit Norvegji-Poloni

Published

on

Gazi ka filluar të rrjedhë në Poloni përmes një tubacioni të ri “Baltik Pipe”, thotë operatori i gazsjellësit të vendit Gaz-System.

Tubacioni, i cili shkon nga Norvegjia përmes Danimarkës, është një pjesë e madhe e përpjekjes së Polonisë për t’u larguar nga varësia e gazit rus.

Megjithatë, puna për tubacionin filloi vite përpara pushtimit rus të Ukrainës në muajin shkurt, raporton skynews.

Gazi filloi të rrjedhë pak pas orës 4 të mëngjesit të sotëm (koha e Mbretërisë së Bashkuar) dhe tubacioni ka një kapacitet vjetor prej 10 miliardë metra kub.

Ai vjen një ditë pasi u zbuluan rrjedhje në tubacionet e gazit Nord Stream që lidhin Rusinë me Evropën, megjithëse Rusia ndërpreu furnizimin me gaz në Poloni në prill pasi Polonia refuzoi kërkesën e Rusisë për të paguar në rubla.

Ndryshe, sabotimi është shkaku më i mundshëm i dëmtimit të tubacioneve të gazsjellësve Nord Stream 1 dhe 2./Media Ndërtimi

Continue Reading

Aktuale

ATK inkason mbi 700 mijë euro borxhe nga bizneset

Published

on

Administrata Tatimore e Kosovës (ATK) ka njoftuar se pas një aksioni të djeshëm në disa subjekte biznesore, të cilët kanë borxhe të pa-paguara, ka inkasuar borxhe në vlerën mbi 700 mijë euro.

Ky aktivitet është realizuar në regjionin e Prishtinës, Ferizajt, Gjakovës, Mitrovicës, Prizrenit dhe Gjilanit.

Në kuadër të këtij aksioni, sipas ATK-së, mbledhësit tatimor kanë mbyllur dhe sekuestruar prona të bizneseve për mos-pagesë tatimit, duke shtuar se të njëjtat aktivitete të mbledhjes së detyrueshme do të vazhdojnë edhe në ditët në vijim.

Përmes një njoftimi për media, Administrata Tatimore i njofton të gjithë tatimpaguesit që kanë obligime të pa-paguara, të kontaktojnë Departamentin e Mbledhjes së Detyrueshme dhe të paguajnë detyrimet tatimore, në mënyrë që të mos ballafaqohen me masa të konfiskimit.

Gjithashtu, nga ATK-ja kanë bërë thirrje që tatimpaguesit të jenë bashkëpunues në pagesën e borxheve të tyre, si dhe të njoftohen për mundësitë që ofron Ligji për Administratën Tatimore dhe Procedurat në pagesën e borxheve tatimore./Media Ndërtimi

Continue Reading

Aktuale

Strehimoret prej bambuje një zgjidhje pas shkatërrimit të rreth 1 milionë shtëpive nga vërshimet në Pakistan

Published

on

Përmbytjet katastrofike në Pakistan kanë prekur rreth 33 milionë njerëz, shumë prej të cilëve po kërkojnë ende strehim të sigurt pas shirave që dëmtuan ose shkatrruan më shumë se 1 milion shtëpi.

Ndërsa një e treta e vendit është e zhytur nën ujë, dhe ekspertët thonë se mund të duhen deri në gjashtë muaj që uji të tërhiqet.

E për të adresuar nevojën urgjente për strehim të banorëve, arkitekti Yasmeen Lari dhe Fondacioni Heritage i Pakistanit kanë punuar gjatë gjithë kohës për të pajisur njerëzit në provincën Sindh me aftësitë dhe materiale për të ndërtuar strehimore prej bambuje.

Strehimoret, të quajtura Lari OctaGreen (LOG), mund të ndërtohen nga gjashtë ose shtatë persona brenda pak orësh.

Sipas arkitektit Lari synimi është që të ndërtohen rreth 1200 strehimore të tilla, dhe deri tani janë ngritur rreth 350 të tilla.

Ky aksion i ndërtimit të strehimoreve prej bambuje është përkrahur edhe nga rajone tjera të Pakistanit, dhe synohet të ndërtohet 1500 strehimore për muaj.

Strehimoret nuk janë të kushtueshme, janë të thjeshta dhe nuk kanë impakt negativ në mjedis.

Çmimi për ndërtimin e një strehimoreje nga bambuja kushton rreth 25 mijë rupi pakistanezë që përkthehet në rreth 110 euro./Media Ndërtimi

Continue Reading

Trending