Aktuale
Punimet ‘shkel e shko’ në rrugën që lidh Tiranën me Shkupin
Sa herë bie shi, Mario Doka nga Fshati i Klosit i duhet të përleshet me rrëketë. Ai thotë se ato vijnë nga kanalet e papërfunduara të një degëzimi të Rrugës së Arbërit, që lidh Matin me rrugën kryesore.
Sipas banorit, punimet në rrugë kanë devijuar ujërat e rrëkeve dhe ato vijnë të gjitha mbi shtëpinë e tij dhe megjithëse ishte premtuar ndërhyrje mbrojtëse, kjo nuk ka ndodhur.
“Problemet janë pa fund, se vijnë e thonë në fillim se do të bëjmë murin, do të bëjmë këtë e atë dhe sa fusin këmbët, nuk mbajnë asnjë lloj premtimi, sikur me u tall,” tha Doka.
Rruga e Arbërit dhe degëzimi që prek familjen Doka po ndërtohet përmes partneritetit publik-privat nga kompania “Gjoka Konstruksion”.
Sipas kontratës së miratuar nga Këshilli i Ministrave, projekti pritet t’u kushtojë taksapaguesve 253 milionë euro kosto ndërtimi dhe interesa përgjatë 13 viteve.
Rruga e Arbërit do të lidhë Tiranën me kufirin në Maqedoninë e veriut në Dibër, përmes një rruge malore rreth 100 kilometra të gjatë.
Kryeministri Edi Rama njoftoi se rruga do të ingaugurohej më 29 nëntor.
Megjithatë, një duzinë banorësh nga Fshati i Klosit ankohen se ndryshe nga premtimet, muret mbrojtëse dhe kanalizimet nuk janë përfunduar, duke u rrezikuar atyre banesat dhe jetën.
Kompania “Gjoka Konstruksion” i tha BIRN se ishte bërë një ballafaqim me banorët në 6 nëntor dhe ishte arritur një marrëveshje, në prani edhe të kryebashkiakut të Klosit, Ilmi Shehu
“Si rezultat i këtij ballafaqimi të kryer, ju informojmë se palët e interesuara janë sqaruar dhe dakordësuar,” tha kompania.
Por Mario Doko mohon që të jetë arritur ndonjë dakordësim. Ai pranoi se takimi ishte zhvilluar dy ditë pasi BIRN vizitoi zonën, por shtoi se ata nuk morën zgjidhje.“
Nuk kemi arritur asnjë marrëveshje. Kanë ardhur sa me na hedh hi syve, se po ju dëgjojmë. As muret dhe as dëmet tjera nuk i kanë zgjidhur,” tha Doka në një bisedë telefonike.
Ministria e Infrastrukturës dhe Energjisë dhe Bashkia Klos nuk iu përgjigjen pyetjeve për koment në lidhje me akuzat e banorëve.
Banorët e zonës thonë se prej kohësh janë përballur me indiferencë, si nga institucionet shtetërore, ashtu edhe nga kompania koncesionare.
Sipas tyre, edhe në fillim të punimeve, kishte një dakordësi me kompaninë se do të ndërtoheshin muret mbrojtëse dhe do të kompensoheshin dëmet në banesa, por ata deklarojnë se një gjë e tillë nuk ka ndodhur./Media Ndërtimi.
Aktuale
Vazhdon organizimi i punëtorive me komunat partnere në kuadër të aktivitetit Qeverisja e Pronës
Agjencia Kadastrale e Kosovës në bashkëpunim me USAID-in, po vazhdon me organizimin e punëtorive me komunat partnere në kuadër të Aktivitetit Qeverisja e Pronës për të prezantuar të arriturat, sfidat e rekomandimet për ZKK-të në fushën e të drejtave pronësore, si dhe për rritjen e cilësisë së shërbimeve kadastrale. Këtë sesion të punimeve ishte radha e Kryeqytetit, Prishtinës.
Në punëtori përveç përfaqësuesve të Agjencisë Kadastrale e Kosovës, përfaqësuesve nga Aktiviteti për Qeverisje Pronësore i USAID-it dhe Zyres Kadastrale Komunale të Prishtinës, kishte pjesëmarrës edhe nga drejtori tjera komunale dhe përfaqësues për barazi gjinore.
Punëtorinë e mbështeti Nënkryetari i Komunës së Prishtinës Z. Alban Zogaj i cili në fjalën e tij theksoi rëndësinë e ofrimit të shërbimeve sa më të mira për qytetarët e komunës, duke vlerësuar edhe këtë aktivitet si ndihmë për administratën në rritjen e performancës dhe ofrimin e shërbimeve më të mira e më të shpejta.
Temë qëndrore diskutimi ishin gjetjet në Raportin e USAID-it për ZKK-në e Prishtinës, në lidhje me organizimin e mbrendshëm të ZKK-së, rrjedhën e punës së lëndëve, rrespektimi i afateve kohore, kushtet e punës, etj, si dhe hapat që duhet të ndërmarrë ZKK-ja me qëllim të ngritjes së nivelit të shërbimeve kadastrale./Media Ndërtimi
Aktuale
Diskutohet zgjedhja e lokacionit në Prishtinë për monumentin e heroit Adem Jashari
Kryetari i Komunës së Prishtinës, Përparim Rama është takuar me anëtarin e familjës së komandantit legjendar, Adem Jashari, Bekim Jasharin ku kanë diskutuar për zgjedhjen e lokacionit dhe angazhimin e familjes Jashari në procesin e krijimit e monumentit të Heroit të Kombit, Adem Jashari.
“Kënaqësi e madhe të takohesha me Bekim Jasharin.
Për kryeqytetin, është njëkohësisht një privilegj dhe përgjegjësi e madhe të kemi shtatoren e heroit tonë dhe të nderojmë sakrificën e familjes Jashari për lirinë që ne sot gëzojmë.”, deklaroi krytari Rama./Media Ndërtimi
Aktuale
Korporata hoteliere me renome botërore Hyatt synon të hap hotel në Prishtinë
Kryetari i Komunës së Prishtinës, Përparim Rama është takuar me Takuya Aoyama, zëvendëspresident për Zhvillim për Evropë, Afrikë dhe Lindje të Mesme nga korporata hoteliere me renome botërore Hyatt.
“Zëvendëspresidenti Aoyama më përcolli lajmin fantastik për interesimin e korporatës Hyatt për hapjen e një hoteli të zinxhirit të tyre në qendër të Kryeqytetit. Një prej opsioneve të përmendura për hapjen e Hyatt në Kryeqytet është transformimi i ikonës sonë, Hotelit Grand, duke ruajtur trashëgiminë dhe vlerat e këtij objekti.
Falënderova përzemërsisht z. Aoyama dhe shpreha gatishmërinë e organeve të Kryeqytetit për të ndihmuar korporatën hoteliere Hyatt në hapjen e hotelit në Kryeqytet.”, deklaroi kryetari Rama.
Hyatt ka më shumë se 1350 hotele dhe prona gjithëpërfshirëse në 69 vende në gjashtë kontinente./Media Ndërtimi
Kontratat e para të Kosovës me Swissbau dhanë një ton inkurajues
Vazhdon organizimi i punëtorive me komunat partnere në kuadër të aktivitetit Qeverisja e Pronës
Diskutohet zgjedhja e lokacionit në Prishtinë për monumentin e heroit Adem Jashari
Si e përdor Amsterdami modelin për të krijuar një strategji të ekuilibruar si për njerëzit ashtu edhe për mjedisin
Expo-Albania, xhevahir i koleksionit të arkitektëve bashkëkohorë!
Korporata hoteliere me renome botërore Hyatt synon të hap hotel në Prishtinë
Komuna e Prishtinës shkel ligjin për ‘tunel transformues’ që pritet të kushtojë 6 milionë euro
KRPP konfirmon se Komuna e Prishtinës shkel ligjin kur autorizon Arkitektin e Kryeqytetit të hap konkurse në emër të saj
Mospërputhjet në deklarim të pasurisë- Ku u zhdukën banesa dhe garazhi i papërfunduar i presidentes?
Çmimet e apartamenteve në Tiranë si dhe në zonat bregdetare vijojnë të shtrenjtohen
Ndërtuesi thotë se i përfundoi punët sipas kontratës te ‘Prishtina e Re’, 40 familje të një kompleksi mohojnë këtë, mbesin pa kushte jetese
Në Kosovë po prodhohen shtëpi të gatshme me beton të parafabrikuar [video]
Agroturizmi më i madh në Ballkan ndërtohet në Suharekë
Këto janë 5 kompanitë ndërtimore më të mëdha në Prishtinë, prinë Marigona Hill
Kush po i pengon hetimet në rastin “Brezovica” ku u sekuestruan 75 villa
Pa e shkatërruar natyrën, lagjja Area34 vjen me shumë kasolla në liqenin e Batllavës
Lëndohen dy punëtor të ndërtimit pas rrëzimit të një plloçe në Kaçanik
Rruga A del këtë javë në tenderim, do të ketë gjashtë korsi
Kompania kosovare “FORMON” krijon ventilatorë të frymëmarrjes
Rinovohen disa ndërtesa banimi në Gjakovë, shpenzojnë më pak energji elektrike
-
Infrastrukturë3 days agoKomuna e Prishtinës hap tender 6 milionë euro për ndërtimin e nënkalimit në rrugë “Agim Ramadani”
-
Infrastrukturë20 hours agoKontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Aktuale21 hours agoMbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
-
Infrastrukturë3 days ago“Super Kanalizim” i Londrës përfundon ndërtimin e nëntokës
-
Infrastrukturë21 hours agoHap dyert ‘Zenova Home’, partneri juaj për mobilimin e shtëpisë
-
Infrastrukturë18 hours agoMospërputhjet në deklarim të pasurisë- Ku u zhdukën banesa dhe garazhi i papërfunduar i presidentes?
-
Aktuale3 days ago’53 milionëshi’ – Pse Gjykata e Prishtinës vendosi që kompensimi të zgjidhet në kontest juridiko-civil
-
Infrastrukturë2 days agoFoster + Partners projekton ndërtimin e rrokaqiellit 487 metra në Park Avenue të New York