Connect with us

Aktuale

Prishtina e gjelbër dhe digjitale sipas Uran Ismailit

Published

on

Kandidati për Kryetar të Prishtinës nga Partia Demokratike e Kosovë, Uran Ismaili, ka shpalosur planin e tij për një Prishtinë të gjelbër, digjitale dhe destinacion.

Ai në rrjetin e tij Facebook, ka postuar një video që tregon planin e tij për të ardhmen e Prishtinës, duke filluar nga trafiku që gjithnjë eshtë shumë i dendur. Uran Ismaili ka menduar që për zgjidhjen e këtijë problemi për veturat e tepërta, do i ndërtoj të paktën 5 parkingje në hyrje të Prishtinës, duke e kombinuar me sistemin “Parko e hajde n’qendër” me anë të autobusëve urban komod, si dhe me pagesën e parkingut në hyrje të Prishtinës të jetë falas bileta e autobusit urban. Uran Ismaili tha që kjo zgjidhje bëhet e mundshme deri me 1 janar të viti 2023.

Kur ky projekt të realizohet, atëherë do i ridizajnojnë rrugët për këmbësor e biçiklist, për ti bërë më të sigurta për lëvizje. Këto shtigje mendohet që do përfundojnë deri në dhjetor të vitit 2024.

Për ta bërë një Prishtinë të pastër, Ismaili do të vendosë shporta për mbeturina në çdo rrugë të lagjeve. Për ta bërë më të thjeshtë, do lansohet një aplikacion digjital “Sjell”, mbeturinat e bareve dhe restauraneve do grumbullohen në orare të veçanta pa i ngarku lagjet. E ky projekt do të përfundoj në fund të vitit 2023.

Mungesa e parqeve do të zvogëlohen me anë të ndërtimeve ë tyre në disa pjesë të lagjeve të Prishtinës, por që do menagjohen edhe më mirë parqet ekzistuese. Paqet e reja do ndërtohen te: Bunari i Hajratit, Fakullteti Teknik dhe Parku i Kalabrisë. Ky projekt do përfundohet në mars të viti 2024.

Parku Qëndror i Prishtinës do të jetë rreth 8 hektar dhe do ndërtohet rreth stadiumit Fadil Vokrri dhe Pallatit të Rinisë, duke e zhvendosur administratën dhe duke i larguar ndërtesat për tia lëshuar vendin parkut më të madh të qytetit. Në këtë pjesë do të ruhet vetëm një ndërtesë, ish ndërtesa e Burgut duke e kthyer atë në një muze për një periudhë të dhimbshme e heroike të qytetit të Prishtinës. Ky projekt do të përfundojë deri në tetor të viti 2024.

Digjitalizimi i Prishtinës do të jetë në shërbimet publike, duke e krijuar edhe Kartelen e Qytetarit, duke mundësuar kështu që qytetarët e Prishtnës të kenë qasje në transport publik, në biblioteka e shumë shërbime të tjera. Digjitalizimi përfshinë edhe arsimin dhe ekonominë, duke e lidhur kështu çdo shkollë të Prishtnës me internet të shpejtë dh edo i pajisin shkollat me kompjuter dhe tabela digjitale. Ky degjitalizim finalizohet në korrik të vitit 2023.

Për ta bërë Prishtinën një epiqendër kulturor, Uran Ismaili do e ndërtoj Sallën Koncertale, Teatrin, Galerinë dhe Muzeun e Qytetit. Duke e propovuar Sunny Hill dhe Festivalin e Gastronomisë do të jenë shumë të rëndësishme për destinacion. Realizimi i këtyre do përfundoj që në mandatin e parë. /Media Ndërtimi/

Aktuale

Energjia Elektrike pritet të shtrenjtohet sërish

Published

on

Mosekzekutimi i subvencionit prej 100 milionë eurove nga Qeveria e Kosovës para pak muajve tash mund t’i kushtojë Kosovës deri në 5 milionë euro në ditë import, ose mund të sjellë shtrenjtim të energjisë.

Kosovarët prej ditësh po përballen me reduktime të energjisë elektrike. E që të kjo të parandalohej, Zyra e Rregullatorit kishte propozuar një subvencionim prej 100 milion eurosh nga shteti i Kosovës.

Këto mjete qeveria i ndau që të blihet energji më e lirë, por që nuk u ekzekutuan asnjëherë.

Nga KEDS thonë se edhe në rast se kjo ndodhë, tash është vonë.

Viktor Buzhala, zëdhënës në këtë kompani, paralajmëron se Kosova mund të paguajë shifra marramendëse për import të rrymës muajve të dimrit.

Nga Shoqëria Civile thonë se mos ndarja e mjeteve për energjinë nga Qeveria, do të mund t’iu kushtojë kosovarëve me rritje enorme të tarifave të rrymës.

Në këto ditë  vendi ka prodhuar afër 120 mega vat në orë më pak sesa nga kërkesa e konsumatorëve.

Continue Reading

Aktuale

AKP shpalli shitjen e re të aseteve përmes likuidimit nr. 58 

Published

on

Agjencia Kosovare e Privatizimit (AKP) zyrtarisht ka shpallur shitjen e aseteve përmes likuidimit nr.58. Lista e tenderëve për privatizim me këtë valë të shitjeve përmban 40 asete/njësi atraktive të ndërmarrjeve shoqërore në Republikën e Kosovës, të cilat paraqesin një mundësi të shkëlqyer për zgjerim të biznesit apo iniciativa të reja biznesore në vendin tonë.

Kjo valë e shitjeve me të gjitha asetet e tenderuara është aprovuar në Bordin e Drejtorëve, kurse AKP i ka njoftuar paraprakisht të gjitha Komunat përkatëse se këto asete të ndërmarrjeve shoqërore do të privatizohen dhe ka shpallur njoftimin për tender në faqen e saj të internetit www.pak-ks.org dhe në mediat e shkruara dhe ato elektronike.

Ofertat e mbyllura për njësitë/asetet që janë në shitje përmes shitjes së aseteve me likuidim nr.58 duhet të dorëzohen në “Sallën e konferencave – Hoteli Grand”, në Prishtinë me datën 7 shtator 2022, nga ora 10:00 deri në orën 12:00, të shoqëruara edhe nga depozita e ofertës dhe tarifa për paraqitjen e ofertës, ashtu siç është parashikuar për secilin artikull.

Kurse hapja e ofertave do të bëhet po të njëjtën ditë, duke filluar nga ora 12:30.

Bashkëlidhur (si më poshtë) gjeni shtegun me  listën e aseteve të tenderuara në këtë valë të shitjeve./Media Ndërtimi.

Continue Reading

Aktuale

Reagon “Prishtina Parking” për kontratën prej 750 mijë euro

Published

on

Ndërmarrja Publike Lokale “Prishtina Parking” SH.A. sqaron opinionin publik rreth disa shkrimeve dhe reagimeve të aktivistëve politikë lidhur me vazhdimin e kontratës “Shërbime për Menaxhimin e Parkingjeve”, ku vlera indikative për 36 muajt e ardhshëm është 750,000.00€ (shtatëqind e pesëdhjetë mijë euro).

Ndërmarrja sqaron se kjo nuk është shuma që do t’i paguhet Operatorit Ekonomik, por në bazë të kontratës së nënshkruar, Ndërmarrja do t’i paguajë kompanisë 15 % të të hyrave për çdo shërbim që kryen kompania e kontraktuar nga Ndërmarrja.

Ta zëmë, nëse Operatori Ekonomik kryen shërbime nga të cilat Ndërmarrja Publike Lokale “Prishtina Parking” inkason 100€ (njëqind euro), nga kjo shumë 15 % e të hyrave (15€) do t’i marrë kompania e kontraktuar për të kryer shërbimet.

Gjithashtu në bazë të kontratës së nënshkruar, Operatori Ekonomik ka për obligim të furnizojë stafin me pajisje elektronike si telefona dhe printer digjital, ndërtimin e një server room, vijëzimin e të gjitha parkingjeve në të gjitha lagjet e Prishtinës, vendosjen e tabelave vertikale, mirëmbajtjen e sistemit, si dhe trajnimin e stafit për përdorimin e sistemit.

Është me rëndësi të theksohet se kompania e kontraktuar ka krijuar softuerin dhe tre aplikacione: aplikacioni ku palët paguajnë me sms, aplikacioni për banorët rezident si dhe aplikacioni për smart phone, ku për to është investuar një shumë e konsiderueshme e mjeteve nga kompania e kontraktuar.

Prishtina Parking me punën dhe angazhimin e treguar është shndërruar në një Ndërmarrje model në vend, andaj çdo tentim për të prishur imazhin nga informata të pasakta të sponzorizuara që kanë dështuar të implementojnë sisteme të tilla, është i papranueshëm për ne.

Ndërmarrja Publike Lokale “Prishtina Parking” SH.A. fton mediat dhe qytetarët që për çdo informatë të drejtohen pranë zyreve të Ndërmarrjes dhe të mos publikojnë njëanshëm qëndrime nga individë politik.

Continue Reading

Trending