Infrastrukturë

Paratë e fituara nga tregtarët londinez të drogës po futen në sektorin e ndërtimit në Ballkan

Published

5 months ago

November 24, 2023

Paratë e fituara nga tregtarët londinez të drogës po shtrembërojnë ekonominë shqiptare dhe po bëjnë që çmimet e pronave në vendin ballkanik të shkojnë në një spirale, sipas një ekonomisti kryesor vendas.

“Sektori i ndërtimit ka qenë një mënyrë e mirë për të investuar [për kriminelët] sepse] ju vërtetoni burimin e një sasie të vogël parash [kur] blini një pronë,” shpjegoi ai. “Pjesa tjetër mund të paguhet me para në dorë pa dhënë arsye se ku i ka marrë [individi].

“Pra, kjo ka qenë një zgjidhje e mirë për ata që investojnë para të fituara [në mënyrë legale] jashtë vendit. Tregu ndihmon edhe me pastrimin e parave sepse, pas një periudhe të caktuar, ata mund të rishesin pronën me një çmim më të lartë dhe të nxjerrin një fitim.”

Gjatë një udhëtimi raportues në Shqipëri, Daily Express pa sesi vendi ish-komunist po transformohet nga zhvillimet e reja.

Vendpushimet e shumta po ndërtohen në të gjithë rivierën shqiptare dhe blloqe të reja vezulluese të kullave po i shtohen me shpejtësi horizontit qendror të Tiranës.

“Ne dëgjuam gjithashtu shumë histori nga vendasit se si të rinjtë që kishin udhëtuar në Londër për të punuar në fermat e kanabisit kishin investuar qindra mijëra nga paratë që fituan në prona”

Megjithatë, Mala tha se për shkak të mënyrave të shumta që paratë mund të lëvizin në internet këto ditë, ishte e vështirë të vlerësohej përmasa e saktë e rolit të këtyre parave që nxisin këtë bum.

Ai beson se paratë e huaja janë një faktor siç dëshmohet nga shumë shtëpi boshe në ndërtesat e reja. Një aspekt që ndihet nga shqiptarët mesatarë është rritja e çmimeve të banesave.

Vitin e kaluar, kostoja e pronave në Shqipëri u rrit në mënyrë të të jashtëzakonshme me 39%.

Çuditërisht në një vend ku paga mesatare është vetëm 300 £ në muaj, ëndrra për të pasur një shtëpi është e paarritshme për shumë njerëz. “Çmimet janë shumë të larta në krahasim me standardin tonë të jetesës,” vazhdoi Mala.

“Të bësh një gjë të tillë është e pamundur ose të paktën shumë, shumë e vështirë për dikë që merr një rrogë”.

“Duke qenë se ekonomia jonë është e vogël, ne kemi qenë gjithmonë të prekur nga dërgesat e emigrantëve jashtë vendit,” shpjegoi ai.

“Fillimisht ishin tregje si Greqia dhe Italia dhe më pas, vitet e fundit, harta është zgjeruar, veçanërisht me Britaninë e Madhe.

Mala tha se ai beson se rritja dramatike e emigrimit të paligjshëm në vitin 2022 nga shqiptarët në MB, kur 2% e popullsisë mashkullore bëri kalimin përmes Kanalit, ishte pjesërisht e nxitur nga mediat sociale.

“U promovua në mediat sociale, njerëzit mendonin se shkuarja [në Britani] do të zgjidhte [çështjet e tyre].

Por tani kemi shumë raste të tjera ku njerëz u kthyen nga Mbretëria e Bashkuar të cilët e kuptuan se nuk ishte një vend mrekullish”, tha Mala.

Ky ishte një nga faktorët që e shtyu ekonomistin të besonte se migrimi nga Shqipëria do të binte në vitet e ardhshme.

Ai tha: “Sidomos duke pasur parasysh emigracionin masiv në tre vitet e fundit, mendoj se po arrin kulmin.

Kështu që ndoshta pas kësaj do të ndalet dhe në afat të gjatë, nuk do të ketë më një ndryshim kaq të madh. Kushdo që donte të largohej nga ne, tashmë është larguar.”/Media Ndërtimi

Infrastrukturë

Nënshkruhet marrëveshje për energji më të pastër me MCA-Kosova

Published

17 hours ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

17 hours ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

17 hours ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi