Connect with us

Aktuale

Pajisja që gjeneron rrymë nga lagështia e ajrit

Published

on

Shkencëtarët e Universitetit Amherst të Massachusettsit kanë arritur që ta krijojnë një pajisje, e cila gjeneron rrymë nga lagështia e ajrit të pastër.

Kjo teknologji, siç kanë thënë shkencëtarët, mund të jetë goxha e rëndësishme për të ardhmen e energjisë së ripërtërirë, ndryshimeve klimatike dhe në të ardhmen e mjekësisë.Laboratorët e inxhinierit elektrik, Jun Yao dhe mikrobiologut Derek Lovly, e kanë krijuar pajisjen e quajtur “Air-gen” ose gjenerator i fuqizuar me ajër, që funksionon me proteina të nanostrukturës së përçuesve elektrikë të prodhuara nga mikrobi gjeobakter.“Air-gen” lidh elektrodat me proteinat e tilla me qëllim të gjenerimit të rrymës elektrike që vjen nga lagështia e ajrit e që është e pranishme në atmosferë. “Faktikisht po krijojmë rrymë nga ajri i rëndë”, ka thënë Yao. “Air-gen” prodhon energji të pastër gjatë 24 orëve në ditë, shtatë ditët të javës.

Kjo teknologji e re e zhvilluar në laboratorin e Yaos nuk është ndotëse, është e ripërtëritshme dhe nuk kushton shumë. Mund të përfitojë energji edhe në zona me thatësi të madhe, siç është Shkretëtira e Saharës.

Mikrobiologu Lovly ka thënë se kjo teknologji ka përparësi para formave të tjera të energjisë së ripërtërirë, siç janë energjia diellore dhe ajo e erës. “Ndryshe prej energjive tjera të gjelbra, Airgen-it nuk i duhen rrezet e diellit apo era. Ai prodhon energji edhe në hapësira të mbyllura”, ka thënë Lovly. Pajisjes “Air-gen” i duhet vetëm një shirit i trashë i përçuesve elektrik për të gjeneruar energji elektrike. Pjesa e përparme e shiritit është e shtrirë në një elektrodë, ndërsa ato më të voglat që mbulojnë pjesën e shiritit elektrik qëndrojnë në ballinë. Filmi thith ujin nga atmosfera.

Hulumtuesit kanë thënë se gjenerata e tanishme e pajisjes “Air-Gen” mund të furnizojë me energji elektrike vetëm pajisje të vogla. Kësisoj, shkencëtarët janë duke punuar aktualisht në krijimin e gjeneratës së dytë të pajisjes, e cila do të furnizonte me energji pajisje të dorës, siç janë monitoruesit e shëndetit dhe orët e mençura.

Në rast se prodhon sukses, atëherë do të eliminonte mundësinë që pajisjet e vogla të funksionin përmes baterive. Shkencëtarët shpresojnë që të zhvillojnë pajisje të reja, të cilat do të mund të eliminonin mbushjen e shpeshtë të baterive të telefonave.

“Qëllimi kryesor është që të krijojmë një sistem të madh. Për shembull, kjo teknologji mund të vendoset në mure dhe do të furnizonte me energji elektrike krejt shtëpinë”, ka thënë Yao.

Aktuale

Vazhdon largimi i Evropës nga gazi rus, hapet tubacioni i ri i gazit Norvegji-Poloni

Published

on

Gazi ka filluar të rrjedhë në Poloni përmes një tubacioni të ri “Baltik Pipe”, thotë operatori i gazsjellësit të vendit Gaz-System.

Tubacioni, i cili shkon nga Norvegjia përmes Danimarkës, është një pjesë e madhe e përpjekjes së Polonisë për t’u larguar nga varësia e gazit rus.

Megjithatë, puna për tubacionin filloi vite përpara pushtimit rus të Ukrainës në muajin shkurt, raporton skynews.

Gazi filloi të rrjedhë pak pas orës 4 të mëngjesit të sotëm (koha e Mbretërisë së Bashkuar) dhe tubacioni ka një kapacitet vjetor prej 10 miliardë metra kub.

Ai vjen një ditë pasi u zbuluan rrjedhje në tubacionet e gazit Nord Stream që lidhin Rusinë me Evropën, megjithëse Rusia ndërpreu furnizimin me gaz në Poloni në prill pasi Polonia refuzoi kërkesën e Rusisë për të paguar në rubla.

Ndryshe, sabotimi është shkaku më i mundshëm i dëmtimit të tubacioneve të gazsjellësve Nord Stream 1 dhe 2./Media Ndërtimi

Continue Reading

Aktuale

ATK inkason mbi 700 mijë euro borxhe nga bizneset

Published

on

Administrata Tatimore e Kosovës (ATK) ka njoftuar se pas një aksioni të djeshëm në disa subjekte biznesore, të cilët kanë borxhe të pa-paguara, ka inkasuar borxhe në vlerën mbi 700 mijë euro.

Ky aktivitet është realizuar në regjionin e Prishtinës, Ferizajt, Gjakovës, Mitrovicës, Prizrenit dhe Gjilanit.

Në kuadër të këtij aksioni, sipas ATK-së, mbledhësit tatimor kanë mbyllur dhe sekuestruar prona të bizneseve për mos-pagesë tatimit, duke shtuar se të njëjtat aktivitete të mbledhjes së detyrueshme do të vazhdojnë edhe në ditët në vijim.

Përmes një njoftimi për media, Administrata Tatimore i njofton të gjithë tatimpaguesit që kanë obligime të pa-paguara, të kontaktojnë Departamentin e Mbledhjes së Detyrueshme dhe të paguajnë detyrimet tatimore, në mënyrë që të mos ballafaqohen me masa të konfiskimit.

Gjithashtu, nga ATK-ja kanë bërë thirrje që tatimpaguesit të jenë bashkëpunues në pagesën e borxheve të tyre, si dhe të njoftohen për mundësitë që ofron Ligji për Administratën Tatimore dhe Procedurat në pagesën e borxheve tatimore./Media Ndërtimi

Continue Reading

Aktuale

Strehimoret prej bambuje një zgjidhje pas shkatërrimit të rreth 1 milionë shtëpive nga vërshimet në Pakistan

Published

on

Përmbytjet katastrofike në Pakistan kanë prekur rreth 33 milionë njerëz, shumë prej të cilëve po kërkojnë ende strehim të sigurt pas shirave që dëmtuan ose shkatrruan më shumë se 1 milion shtëpi.

Ndërsa një e treta e vendit është e zhytur nën ujë, dhe ekspertët thonë se mund të duhen deri në gjashtë muaj që uji të tërhiqet.

E për të adresuar nevojën urgjente për strehim të banorëve, arkitekti Yasmeen Lari dhe Fondacioni Heritage i Pakistanit kanë punuar gjatë gjithë kohës për të pajisur njerëzit në provincën Sindh me aftësitë dhe materiale për të ndërtuar strehimore prej bambuje.

Strehimoret, të quajtura Lari OctaGreen (LOG), mund të ndërtohen nga gjashtë ose shtatë persona brenda pak orësh.

Sipas arkitektit Lari synimi është që të ndërtohen rreth 1200 strehimore të tilla, dhe deri tani janë ngritur rreth 350 të tilla.

Ky aksion i ndërtimit të strehimoreve prej bambuje është përkrahur edhe nga rajone tjera të Pakistanit, dhe synohet të ndërtohet 1500 strehimore për muaj.

Strehimoret nuk janë të kushtueshme, janë të thjeshta dhe nuk kanë impakt negativ në mjedis.

Çmimi për ndërtimin e një strehimoreje nga bambuja kushton rreth 25 mijë rupi pakistanezë që përkthehet në rreth 110 euro./Media Ndërtimi

Continue Reading

Trending