Connect with us

Aktuale

KDI-ja thotë se për Autostradën e Dukagjinit s’është bërë analizë e fizibilitetit

Published

on

Në lidhje me ndërtimin e Autostradës së Dukagjinit nuk është bërë një studim fizibiliteti apo një analizë e kosotove dhe benefiteve. Kështu ka konkluduar KDI në analizën “Rruga e Dukagjinit – Autostradë apo zgjerimi i rrugës ekzistuese”, raporton Ndërtimi.info.

Sipas KDI ndërtimi i Autostradës se Dukagjinit nuk është paraparë në dokumentet strategjike, si Strategjia Kombëtare e Zhvillimit apo Plani i Qeverisë së Kosovës 2017-2019. Në analizën e këtij projekti, KDI thekson se dokumentet strategjike mbështesin vetëm rikonstruktimin e rrugës ekzistuese.

Tutje, është nënvizuar se investimi në këtë projekt do të mund të ndikonte negativisht në fushat tjera prioritare të parapara në Strategjinë Kombëtare për Zhvillim, pasi do të kufizonte mundësinë e alokimit të buxhetit në katër vitet e ardhshme në prioritetet kyçe si sundimi i ligjit, arsimi, shëndetësia apo punësimi.

Gjatë diskutimit të gjetjeve të KDI, sekretari i Ministrisë së Infrastrukturës dhe Mjedisit, Betim Reçica duke arsyetuar projektin e kësaj autostrade tha se ekziston studimi i fizibilitetit.

“Nuk isha lëshu me thonë se nuk ka studim fizibiliteti sepse ka. Autostradat nuk duhet me i pa autostradat në kontestin tash për tash, por për të ardhmen. Ministria thekson se do të jetë me autostradë me katër korsi dhe një shirit ndihmës dhe me standardet do të jenë evropiane”, tha ai.

Në anën tjetër deputeti i AAK-së në Kuvendin e Kosovës, Ali Berisha, tha se zgjerimi i rrugës ekzistuese nuk është zgjidhje e qëndrueshme.

“Tani diskutohet për ndërrim, besoj është qëndrim i vonuar dhe besoj se nuk duhet ta tjetërsojmë vendimin për Autostradën e Dukagjinit. Sot qarkullimi në atë zonë prej Istigut në Prizren, mund të matet me irë të tëra. Është kushtueshme dhe është e planifikuar me buxhet. Zgjerimi i rrugës ekzistuese nuk është zgjidhje sepse nuk është i qëndrueshëm, duke thënë se pas një kohe do të lind nevoja prapë për një autostrada të tillë”, u shpreh ai.

Duke marrë parasysh dëmtimin e mundshëm të mjedisit, deputeti i VV-së në Kuvendin e Kosovës, Hajrullah Çeku deklaroi se nuk është llogaritur ndikimi i këtij projekti në mjedis, derisa theksoi se nëse një miliardë euro të këtij projekti do të ishte më mirë të investohen në zhvillim të turizmit në zonën e Dukagjinit.

Ndërsa, deputeti nga radhët e PDK-së, Sejdi Hoxha potencoi se duhet të bëhet një studim i mirëfilltë fizibiliteti dhe të mos politizohet ky projekt.

Ndërkaq, vendimin për ndërtimin e Autostradës se Dukagjinit, Qeveria e Kosovës e kishte marrë në vitin 2018, me kosoto rreth një miliard euro apo afërsisht sa 50 për qind e buxhtetit vjetor të Kosovës.

Aktuale

Vazhdon largimi i Evropës nga gazi rus, hapet tubacioni i ri i gazit Norvegji-Poloni

Published

on

Gazi ka filluar të rrjedhë në Poloni përmes një tubacioni të ri “Baltik Pipe”, thotë operatori i gazsjellësit të vendit Gaz-System.

Tubacioni, i cili shkon nga Norvegjia përmes Danimarkës, është një pjesë e madhe e përpjekjes së Polonisë për t’u larguar nga varësia e gazit rus.

Megjithatë, puna për tubacionin filloi vite përpara pushtimit rus të Ukrainës në muajin shkurt, raporton skynews.

Gazi filloi të rrjedhë pak pas orës 4 të mëngjesit të sotëm (koha e Mbretërisë së Bashkuar) dhe tubacioni ka një kapacitet vjetor prej 10 miliardë metra kub.

Ai vjen një ditë pasi u zbuluan rrjedhje në tubacionet e gazit Nord Stream që lidhin Rusinë me Evropën, megjithëse Rusia ndërpreu furnizimin me gaz në Poloni në prill pasi Polonia refuzoi kërkesën e Rusisë për të paguar në rubla.

Ndryshe, sabotimi është shkaku më i mundshëm i dëmtimit të tubacioneve të gazsjellësve Nord Stream 1 dhe 2./Media Ndërtimi

Continue Reading

Aktuale

ATK inkason mbi 700 mijë euro borxhe nga bizneset

Published

on

Administrata Tatimore e Kosovës (ATK) ka njoftuar se pas një aksioni të djeshëm në disa subjekte biznesore, të cilët kanë borxhe të pa-paguara, ka inkasuar borxhe në vlerën mbi 700 mijë euro.

Ky aktivitet është realizuar në regjionin e Prishtinës, Ferizajt, Gjakovës, Mitrovicës, Prizrenit dhe Gjilanit.

Në kuadër të këtij aksioni, sipas ATK-së, mbledhësit tatimor kanë mbyllur dhe sekuestruar prona të bizneseve për mos-pagesë tatimit, duke shtuar se të njëjtat aktivitete të mbledhjes së detyrueshme do të vazhdojnë edhe në ditët në vijim.

Përmes një njoftimi për media, Administrata Tatimore i njofton të gjithë tatimpaguesit që kanë obligime të pa-paguara, të kontaktojnë Departamentin e Mbledhjes së Detyrueshme dhe të paguajnë detyrimet tatimore, në mënyrë që të mos ballafaqohen me masa të konfiskimit.

Gjithashtu, nga ATK-ja kanë bërë thirrje që tatimpaguesit të jenë bashkëpunues në pagesën e borxheve të tyre, si dhe të njoftohen për mundësitë që ofron Ligji për Administratën Tatimore dhe Procedurat në pagesën e borxheve tatimore./Media Ndërtimi

Continue Reading

Aktuale

Strehimoret prej bambuje një zgjidhje pas shkatërrimit të rreth 1 milionë shtëpive nga vërshimet në Pakistan

Published

on

Përmbytjet katastrofike në Pakistan kanë prekur rreth 33 milionë njerëz, shumë prej të cilëve po kërkojnë ende strehim të sigurt pas shirave që dëmtuan ose shkatrruan më shumë se 1 milion shtëpi.

Ndërsa një e treta e vendit është e zhytur nën ujë, dhe ekspertët thonë se mund të duhen deri në gjashtë muaj që uji të tërhiqet.

E për të adresuar nevojën urgjente për strehim të banorëve, arkitekti Yasmeen Lari dhe Fondacioni Heritage i Pakistanit kanë punuar gjatë gjithë kohës për të pajisur njerëzit në provincën Sindh me aftësitë dhe materiale për të ndërtuar strehimore prej bambuje.

Strehimoret, të quajtura Lari OctaGreen (LOG), mund të ndërtohen nga gjashtë ose shtatë persona brenda pak orësh.

Sipas arkitektit Lari synimi është që të ndërtohen rreth 1200 strehimore të tilla, dhe deri tani janë ngritur rreth 350 të tilla.

Ky aksion i ndërtimit të strehimoreve prej bambuje është përkrahur edhe nga rajone tjera të Pakistanit, dhe synohet të ndërtohet 1500 strehimore për muaj.

Strehimoret nuk janë të kushtueshme, janë të thjeshta dhe nuk kanë impakt negativ në mjedis.

Çmimi për ndërtimin e një strehimoreje nga bambuja kushton rreth 25 mijë rupi pakistanezë që përkthehet në rreth 110 euro./Media Ndërtimi

Continue Reading

Trending