Connect with us

Trashëgimia

Muzeu Etnologjik i Prishtinës pritet të kthehet në atraksion virtual

Published

on

Janë bërë më shumë se dy vjet prej kur një nga dy ndërtesat e Muzeut Etnologjik në Prishtinë nuk është e qasshme për vizitorë. Monumenti, që për disa vjet radhazi ishte më i vizituari në Kosovë, kishte mbetur jashtë hartës turistike shkaku i keqmenaxhimit të institucioneve.

Kompleksi i ndërtuar në shekullin XVIII dhe XIX është kthyer te vizitorët. Por, tash në një tjetër format. Atë virtual. Një shëtitje në këto ndërtesa mund të bëhet online falë projektit “Ecja virtuale”, realizuar në vitin 2016. E, në kohën kur disa qytete në Kosovë janë në karantinë për shkak të masave të marra për parandalimin e përhapjes së virusit COVID19, në këtë formë “Eminxhiku” po synon ta thyejë distancën me vizitorët.

Edhe ky muze, prej 13 marsit, pjesën funksionale e ka mbyllur për shkak të ndalimit të aktiviteteve kulturore. Por tash është sjellë në vëmendje projekti i ideuar dhe zhvilluar nga Petrit Ibrahimi. Përmes pamjeve në 360 shkallë, projekti u mundëson vizitorëve virtualë për të klikuar mbi artefaktet e për të mësuar më shumë për ta, gjersa tingujt në sfond dhe zërat e instaluar në muze në kuadër të projektit “Haptic Space” nga Anyla Berisha sjellin një përjetim të veçantë, raporton KOHA.

Qasja në të është e lehtë: mjafton që ta vizitoni faqen zyrtare “Muzeu Etnologjik – Ethnological Museum, Prishtinë” në Facebook dhe të ndiqni linkun e postuar në murin e tyre. Shëtitja virtuale ka disa mundësi: brenda odës së burrave vizitorët mund të klikojnë mbi një lahutë për të mësuar se ajo i takon shekullit XX e që është me origjinë nga rajoni i Rugovës, e në të njëjtën kohë të dëgjojnë tingujt e lahutës në sfond. Po ashtu mund të shohin xhubletën që qëndron e ekspozuar në korridor.

Ngjyrat e zeza të saj tregojnë se ishte veshje vetëm për gra të martuara ose të moshuara. Këtë detaj vizitorët mund ta mësojnë nga përshkrimi që paraqitet në këtë hapësirë, ku gjenden edhe dy pushkë të varura në mur, të prodhuara në Prizren në vitin 1878, gjatë periudhës së Lidhjes së Prizrenit. Mbrapa nuk mbesin as hapësirat e tjera, ku vizitorët mund të hulumtojnë këtë pjesë të trashëgimisë. Etnologu Bekim Xhemili nga Muzeu Etnologjik ka thënë se kanë vendosur që të rikthejnë në vëmendjen e vizitorëve projektin “Ecja virtuale”, për t’u qëndruar afër gjatë këtyre ditëve të vetizolimit.

“Duke marrë parasysh se edhe muzetë e tjerë e galeritë nëpër botë kanë filluar me vizita të tilla virtuale, edhe ne e kemi parë të nevojshme që ta vendosim këtë projekt në faqe të muzeut, ani pse nuk është projekt i yni por i CHwB-së, i realizuar në vitin 2016”, ka thënë ai.

Më herët, sipas tij, i njëjti projekt nuk ishte promovuar nga muzeu, pasi që nuk ishte parë si diçka e nevojshme. Ka thënë se atëherë njerëzit kanë pasur mundësinë që ta shihnin ekspozitën, ani pse një vit pas realizimit të projektit ekspozita kryesore është e mbyllur për shkak të restaurimeve. “Është diçka e mirë pasi që faktikisht objekti i shekullit XIX është ekspozita kryesore, ‘Jeta në Kosovë prej shekujve XV-XVI deri në shekullin XX’, prezantohet cikli i jetës dhe është shumë mirë pasi që shoqërohet edhe me muzikë e informacione dhe njerëzit mund ta shohin duke qëndruar në shtëpi”, ka thënë ai.

Click to comment

You must be logged in to post a comment Login

Leave a Reply

Trashëgimia

Gjendet një vend me përplot bukuri natyrore në Kalanë e Vuçakut në Drenas

Published

on

Gjendet në një vend me përplot bukuri natyrore dhe potenciali e rëndësia historike që ka e bën tejet të veçantë Kalanë e Vuçakut në Drenas.

Ndërhyrjet në këtë kala kanë nisur dhe në fokus kanë pastrimin, konservimin e strukturave dhe përgatitjet që ky monument të jetë në shërbim të turizmit kulturor.

“Ky do të jetë një vit intensiv me punë në arkeologji”, deklaroi ministri i Kulturës, Hajrulla Çeku./Media Ndërtimi

Continue Reading

Trashëgimia

Restaurohet shtëpia e familjes Kryeziu nga Gjakova si aset i rëndësishëm i trashëgimisë kulturore

Published

on

Shtëpia e familjes Kryeziu nga Gjakova, me arkitekturë tradicionale të fundit të shekullit VIII-të gjendet në pjesën e vjetër të qytetit dhe ka pamje mbresëlënëse.

Ndodhet mes Muzeut Historik dhe hapësirës ku është i vendosur busti i Sylejman Vokshit.

Gjakova njihet si qytet i kulturës, traditës dhe qytetërimit. Investimet në ruajtjen trashëgimisë kulturore nga MKRS nuk do të ndalen./Media Ndërtimi

Continue Reading

Trashëgimia

Arkeologët zbulojnë një pishinë të shekullit të parë në Durrës

Published

on

Gërmimet në territorin ku ngrihej shkolla “Gjergj Kastrioti” e dëmtuar nga tërmeti, nxorën në pah një pishinë të zbukuruar me mozaikë dhe afreske, që besohet se i përket shekujve 1 e të 2 të erës sonë.

Gërmimet arkeologjike në oborrin e shkollës “Gjergj Kastrioti” të Durrësit, e cila  pritet t’i nënshtrohet rindërtimit të plotë, kanë nxjerrë në dritë fragmentet e një pishine me dysheme prej mozaiku, si dhe me faqe anësore të pikturuara me afreske.

Zbulimet e vazhdueshme në këtë territor i kanë bërë arkeologët mjaft të ndjeshëm për të ardhmen e të gjithë sipërfaqes ku tashmë është zbuluar një vilë rezidenciale, e shekullit të 1-2  të erës sonë.

“Durrësi i lashtë ka qenë një nga pikat e orientimit të Mesdheut, si për bregdetin Adriatik edhe për prapatokën ilire”, tha për BIRN prof. Luan Përzhita, i cili drejton gjatë kërkimeve aktuale një grup me rreth 20 specialistë, arkeologë, skicografë, ekspertë të mozaikëve e të tjerë.

Profesor Përzhita tha se në fillim të mijëvjeçarit të parë Durrësi ishte një pikë kontakti për perandorinë Romake. Qyteti jo më kot kishte prerjen e monedhave të veta, apo edhe bankat e veta.

Me zbulimet e reja specialistët arkeologë janë përqendruar në dy kuadratet e pishinës së sapo zbuluar dhe ku sipërfaqja e përgjithshme pritet të arrijë në 60 metra katrorë.

Përzhita është entuziast dhe nënvizon se elementet e mozaikëve janë një tregues i fuqisë ekonomike të qytetit, dhe nuk është habi që këto banesa të jenë shfrytëzuar edhe gjatë vizitave nga perandorë romakë.

Ekspedita në këtë sit do të vijojë për afro dy muaj të tjerë dhe arkeologët shpresojnë të kuptojnë prej saj se çfarë ndodh në nëntokën e sipërfaqes ku u ngrit në vitin 1968 shkolla e mesme e përgjithshme “Gjergj Kastrioti Skënderbeu”.

Godina që u dëmtuar gjatë tërmetit të 26 nëntorit 2019 pritet të rindërtohet, pas monitorimin arkeologjik dhe përfundimeve të paraqitura nga grupi i drejtuar nga profesor Përzhita./Media Ndërtimi

Continue Reading

Trending