Connect with us

Aktuale

Ministria e Drejtësisë jep detaje për tri arbitrazhet milionëshe që e presin Kosovën

Published

on

Shteti edhe zyrtarisht ka nisur përgatitjet për t’u përballur me tri kompanitë që kanë ushtruar padi në Arbitrazh ndaj Qeverisë së Kosovës.

Dy kompani vendore dhe një e huaj nga Britania, kanë paditur Kosovën, respektivisht Ministrinë e Drejtësisë në Gjykatën Ndërkombëtare të Arbitrazhit.

Mabco Constructions SA, kompania e Bedri Selmanit, dhe Fox Marble LTD, janë tri palët paditëse në këtë rast.

Ndër kompanitë vendore që kanë dorëzuar padi kundër Kosovës, figuron edhe kompania e ish-ministrit të Punëve të Jashtme, Behgjet Pacollit, i cili ka paditur Ministrinë e Drejtësisë lidhur me rastin e Hotel Grandit, të cilin Pacolli e kishte blerë, por që më pas atij i ishte anuluar ky privatizim.

Padi në Arbitrazh ndaj shtetit të Kosovës ka bërë edhe kompania e ish-zyrtarit të PDK-së, Bedri Selmani. Selmani akuzon shtetin për shkelje të rëndë ligjore të afarizmit të ndërmarrjes, që i është bërë nga ana e Agjencisë Kosovare të Privatizimit (AKP), përmes ofertimit për dhënien me qera të një pjese të aseteve të “Kosova Petrol”, të cilat, siç pretendon Selmani, nuk ishin as në administrim dhe as në menaxhim të AKP-së.

Ndërkaq, kompania e tretë është nga Britania, Fox Marble LTD, dhe e njëjta ka ushtruar padi për një rast në sektorin minerar.

E sipas Ministrisë së Drejtësisë, Avokatura shtetërore ka ndërmarrë të gjithë hapat e nevojshëm për mbrojtjen e Republikës së Kosovës në Gjykatën e Arbitrazhit për këto raste.

Kjo ministri, për Buletinin Ekonomik ka dhënë detajet se deri më tani, qeveria e Kosovës ka shpallur vetëm përfaqësuesin mbrojtës në rastin e kompanisë së Behgjet Pacollit, Mabco Constructions SA.

Wagner Arbitration do të jetë firma ligjore që së bashku me Avokaturën Shtetërore do ta përfaqësojnë Kosovën si avokatë të Jashtëm në procedurën e Arbitrazhit.

“Rasti Mabco Constructions SA, ju njoftojmë se me vendim të Qeverisë së Republikës së Kosovës, pas një procedure konkurruese, është shpallur firma ligjore fituese – Wagner Arbitration. Kjo firmë së bashku me Avokaturën Shtetërore e përfaqëson Republikën e Kosovës si avokat të jashtëm në procedurë të arbitrazhit.”, thuhet në përgjigjet e Ministrisë së Drejtësisë drejtuar Buletinit Ekonomik.

Kurse për rastin e Bedri Selmanit, Ministria e Drejtësisë ka njoftuar se Qeveria ka nxjerrë vendim për inicim të procedurave ligjore për përzgjedhjen e firmës për përfaqësim të vendit, ndërsa për rastin e tretë të kompanisë Fox Marble LTD, Qeveria e Kosovës ende nuk ka bërë asnjë hap për përzgjedhjen e kompanisë e cila do të mbrojë e interesat e Qeverisë së Republikës së Kosovës.

Vlera e kontratës së përfaqësimit ligjor vetëm në rastin e Mabco Constructions SA të Behgjet Pacollit, sipas Ministrisë së Drejtësisë është 490 mijë euro, deri në përfundim të procedurës së përfaqësimit – pra lëshimit të vendimit nga Tribunali.

Ndërkohë, dy rastet e tjera nuk kanë ende ndonjë vlerë financiare të përcaktuar, se sa do t’i kushtojë shtetit përfaqësimi, pasi procedura ende nuk është përfunduar.

Ndryshe, edhe ish ministri i Drejtësisë, Abelard Tahiri kishte paralajmëruar se tri arbitrazhe ndërkombëtare e presin Kosovën në muajt në vazhdim, e të cilat mund ta dëmtojnë buxhetin e shtetit deri në 150 milionë euro.

“Ministri i ri duhet të ketë shumë kujdes dhe të angazhoj ekipe të mirëfillta për përballje në arbitrazh me këto raste. Në total këto padi arrijnë në 150 milionë euro”, kishte thënë Tahiri.

Aktuale

Kosova përmes AKB-së prezantohet në Panairin e tekstilit në Stamboll

Published

on

Një delegacion i bizneseve nga Kosova i prirë nga Agim Shahini Kryetari i Aleancës Kosovare të Bizneseve po marrin pjesë në Panairin më të madh të tekstilit në Turqi që po mbahet ne Stamboll.

Bëhet e  ditur se në ketë panair po marrin pjesë 750 kompani nga 70 shtete të ndryshme të botës ku edhe Kosova po prezantohet nga Aleanca Kosovare e Bizneseve-AKB.Shahini tha se Kosova është me fat që ka miq nga mbarë bota e në veçanti Turqia është një investitor shumë i madh.

“Një delegacion i bizneseve nga Kosova i prirë nga z. Agim Shahini Kryetari i AKB-së po marrin pjesë në Panairin më të madh të tekstilit në Turqi që po mbahet ne Stamboll. Në ketë panairi po marrin pjesë 750 kompani nga 70 shtete tê ndryshme të botës ku edhe Kosova po prezantohet nga Aleanca Kosovare e Bizneseve-AKB. Kryetari Shahini tha se Kosova është me fat që ka miq nga mbarë bota e në veçanti Turqia është një investitor shumë i madh në Kosovë si në sektorët financiar, energjisë ,infrastrukturës, ndërtimit dhe tregtar, ku bilanci tregtar arrin vlerën mbi 800 milionë euro për vitin 2023. Ju ftoj të vini në Kosovë si vendi me i mirë  dhe potencial për investitorët në Ballkan”, njofton AKB-ja./Media Ndërtimi

Continue Reading

Aktuale

Ministria e Ekonomisë dhe Komuna e Gjilanit nënshkruajnë Marrëveshjen për realizimin e Projektit “Qyteti i Mençur”

Published

on

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Ministrja e Ekonomisë, Artane Rizvanolli dhe kryetari Komunës së Gjilanit, Alban Hyseni, kanë nënshkruar Marrëveshjen e mirëkuptimit, për realizimin e Projektit “Pilotimi i konceptit të Smart City (Neutral Host)”, në Komunën e Gjilanit.

Projekti “Pilotimi i konceptit të “Smart City (Neutral Host)” do të jetë bashkëfinancim i Ministrisë së Ekonomisë dhe Komunës së Gjilanit dhe ka vlerën financiare 550,000,00 euro.

Ministrja Rizvanolli ka theksuar se duke adoptuar teknologji të reja të bazuara në Internet of Things (IoT), po mundësojnë zgjidhje të ndryshme për shfrytëzimin efiçient të energjisë elektrike, sistemin digjital për menaxhimin e trafikut, mbeturinave dhe ofrimin e shërbimeve digjitale komunale.

“Suksesi i këtij projekti do të shërbejë si model për komunat e tjera në Kosovë, për të ofruar zgjidhje të mençura për qytetarët e tyre përmes teknologjive të avancuara”, ka thënë Rizvanolli.

Projekti i “Qytetit të Mençur” i mundëson komunës që të menaxhojë më mirë resurset dhe të ofrojë shërbime më të mira, duke u bazuar në të dhënat të cilat vijnë nga senzorët e ndryshëm dhe në përfundimet që vijnë nga interpretimi i tyre.

Teknologjia e “Qytetit të Mençur” është një mënyrë e lehtë dhe e shpejtë që komunat të ofrojnë shërbime të qëndrueshme dhe të nevojshme për të përcjellë në mënyrë efektive zhvillimin urban, por edhe atë rural.

Po ashtu, teknologjitë ekzistuese me mundësi të zgjeruara, sigurojnë një infrastrukturë të mençur të menaxhimit të sensorëve dhe kontrollit të tyre, e cila lejon qytetet të mbledhin dhe analizojnë të dhënat nga shumë pajisje të lidhura në një mënyrë të efektshme, në mënyrë që autoritetet të marrin vendime të duhura rreth shërbimeve që duhet të ofrojnë.

Continue Reading

Aktuale

Para disa vite punonte në ndërtim, ai mori ftesën nga Kroacia! Kush është sulmuesi që do sfidojë Shqipërinë në Euro 2024?

Published

on

Marco Pasalic është zgjuar nga ëndrra dhe po jeton realitetin. Sulmuesi anësor i Rijekas ka marrë ftesën për të qenë pjesë e Kroacisë në Europianin 2024 që zhvillohet nga 14 qershori – 14 korrik në Gjermani.

Historia e 23-vjeçarit është e denjë për një film, ku në fund mundi dhe djersa triumfojnë përballë sfidave të jetës. I lindur në Karlsruhe (Gjermani), Pasalic u rrit mes jetesës së vështirë dhe dëshirës për futbollin.

I riu, me mbarimin e shkollës së mesme nuk kishte dëshirë të vijonte universitetin, paçka se i ati e këshilloi të ndiqte shkollën. Në të tilla kushte, në moshën 17-vjeçare ai u detyrua të punonte në ndërtim dhe këtë e ka treguar vetë sulmuesi.

“Kam filluar në vitin 2017. Babai më regjistroi në fakultet pas gjimnazit, por unë nuk doja ta mbaroja për shkak të futbollit, më tha që nëse nuk shkoja në shkollë, duhet të shkoja të punojë në ndërtim. Çdo mëngjes në orën 8 mblidheshim unë, vëllai dhe dy punëtorë”, tha ai.

Më pas 23-vjeçari ka treguar edhe vështirësitë e punës.

“Gjëja më e keqe për mua ishte të punoja kur ishte dimër si dhe verës kur jashtë ishte 35 gradë. Pas gjashtë apo shtatë muajsh, fillova të mësohesha. Në fund, bëhet fjalë për të pasur bukë në shtëpi. Kur nuk e bëra si duhet, më goditën me grusht në hundë. Nuk kam kryqëzuar kurrë rrugët me ndërtimtarinë. Po të isha tani në Gjermani dhe vëllai im të kishte nevojë për ndihmë, do ta ndihmoja”, tha Pasalic.

Nga të rinjtë e Karlstruhes, ai kaloi në ekipin e dytë të Stuttgart dhe më pas te Dortmund 2, para se në verën e 2023 të kalonte te Rijeka në Kroaci. Në Grupin B të Euro 2024 Kroacia ka përballë Shqipërinë, Spanjën dhe Italinë./Media Ndërtimi

Continue Reading

Trending