Connect with us

Aktuale

Lekaj: Abdixhiku po merr vendime për interesa të ngushta klanore dhe partiake

Published

on

Ish-ministri i Infrastrukturës, Pal Lekaj i quan të dëmshme dhe të kundërligjshme vendimet për anulimin e tenderit 110 milionësh për Autostradën e Gjilanit dhe bartjen në listën tepricë të ish-sekretarit të kësaj ministrie, Betim Reçica.

Lekaj thotë se ministri Abdixhiku i ka marrë këto vendime për interesa të ngushta klanore dhe partiake. Krahasa saj, për KosovaPress, ai u shpreh se qeveria Kurti po mundohet të shkatërrojë një sistem që është ndërtuar që 20 vite.

“Sa i përket vendimit të ministrit, së pari tek ai duhet të mbizotërojë fuqia e ligjit. Të ndjek procedurat ligjore dhe mos të marrë vendime për interesa të ngushta klanore apo partiake. Nuk mendoj që ministri dhe qeveria Kurti kanë ardhur për të shkatërruar një sist em që e kemi ndërtuar që 20 vite dhe t’i atakojë vendimet. Ajo që mund të them se qeveria është konutitet dhe jo që do të fillojë gjithçka nga fillimi. Ne, nëse mendojmë që të zhvillojmë të gjitha proceset dhe të niset nga unë atëherë kemi gabuar dhe kemi dështuar pasi jemi duke atakuar një sistem të shërbyesve civilë dhe në këtë rast të projekteve. Në këtë rast mendoj se askush nuk ka qenë i çmendur të merr një vendim, një procedurë pa e pas mbështetjen e kornizës buxhetore afatmesme dhe ligjore. Kështu që, po del në pah interesi i klaneve dhe kësaj qeverie. Nuk ka bërë mirë, qytetarët do të thonë. Unë kërkoj nga organet kompetente që të thonë të veten”, thotë Lekaj.

Duke folur për bartjen në listën tepricë të ish-sekretarit në Ministrinë e Infrastrukturës sa drejtonte, Lekaj paralajmëron se Reçica do të apelojë këtë vendim në Gjykatën Kushtetuese.

“Vendimet e Qeverisë si tepricë janë disa ligje që e mbrojnë shërbyesin civil. Në këtë rast sekretarin e shtetit. Është kushtetuese që nuk ke të drejt për teke individuale të largosh dikë. Prandaj unë mendoj që vet sekretari do të apelojë këtë vendim”, thotë ai.

Për projektet që ishin paraparë në Qeverinë Haradinaj, si ai i Autostradës së Dukagjinit, deputeti aktual i AAK-së thotë se do të kundërshtojnë çdo vendim që merret kundër autostradës.

“Është e pavend që të atakohen 624 mijë banorë të asaj ane. T’i qitësh si nuk ekzistojnë në Kosovë. Ne jemi këtu për të kundërshtuar edhe këtë vendim që është i pavend. Qytetarët e asaj ane janë mjaft të mllefosur”, thotë ai.

Javën e kaluar, ministri i Infrastrukturës dhe Ambientit, Lumir Abdixhiku anuloi tenderin prej 110 milionësh për Autostradën e Gjilanit. Si dhe qeveria në mbledhjen e fundit gjithë sekretarët e përgjithshëm të ministrive që janë prekur nga riorganizimi i vendosën në listën tepricë të shërbyesve civilë.

Click to comment

You must be logged in to post a comment Login

Leave a Reply

Aktuale

Aktakuzë ndaj dy zyrtarëve të Komunës së Suharekës për projektin e Ndërtimit dhe renovimit të objekteve sportive e kulturore

Published

on

Prokuroria Themelore në Prizren, Departamenti i Krimeve të Rënda, sot më datë 20.06.2024, ka ngritur aktakuzë kundër të pandehurve B. B., dhe B. K., për shkak se sipas Prokurorisë në bashkëkryerje kanë kryer veprën penale “Keqpërdorimi i pozitës apo autoritetit zyrtar”.

Sipas aktakuzës, të pandehurit B. B., dhe B. K., kanë cilësinë e personave zyrtarë.

Sipas Prokurorisë i pandehuri B. B. në cilësinë e menaxherit të kontratës, për projektin: “Ndërtimi dhe renovimi i objekteve sportive dhe kulturore”, ndërsa i pandehuri B. K. në cilësinë e Mbikëqyrësit të projektit të njëjtë.

Gjithnjë sipas aktakuzës prej datës 22.05.2018  e deri më datë 22.10.2018, në Suharekë, të akuzuarit i kanë tejkaluar detyrat e tyre zyrtare lidhur me këtë projekt.

“Gjatë kësaj kohe në kundërshtim me Rregullat dhe udhëzuesit operativ të Prokurimit Publik, pa miratimin e kryetarit të Komunës së Suharekës, i pandehuri B. K., ndryshon, ndërsa i pandehuri B. B., i aprovon paramasat dhe parallogaritë gjatë ekzekutimit të punimeve”.

Tutje, në aktakuzë thuhet se të akuzuarit – poligonet sportive në fshatin Peqan, Sllapuzhan dhe Buzhalë, në vend të rrethojave të poligoneve sportive me profil metalik të plastifikuar ndryshojnë paramasat në rrethoja – profile metalike të zinkuara, në poligonin sportiv në fshatin Buzhalë, ndryshojnë paramasën dhe parallogarinë, ashtu që në vend të shtrimit të fushës sportive me beton, bëjnë shtrimin e fushës sportive me barë natyror.

“Me këto veprime Komunës së Suharekës i shkaktojnë dëm të material në shumë prej 6 mijë e 839 euro, ndërsa operatorit ekonomik me seli në Prishtinë, i mundësojnë përfitim të dobisë materiale në shumë prej 6 mijë e 839 euro|.

Lidhur me çështjen, prokurori i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartcekur për veprën penale për të cilën akuzohen të shpallen fajtorë dhe të dënohen sipas ligjit./Media Ndërtimi

Continue Reading

Aktuale

Shpëlarja e parave e financimi i terrorizmit, rrezik nga Projektligji për kripto-asetet – BQK-ja do t’i mbikëqyr

Published

on

Komisioni për Ekonomi, Industri, Ndërmarrësi dhe Tregti të enjten ka mbajtur dëgjim publik për Projektligjin për kripto-asetet, me ç’rast u theksua nevoja për  miratimin e ligjit në Kuvend, raporton Ekonomia Online. Anëtarja e Komisionit për Ekonomia, Mimoza Kusari-Lila, tha se ky projektligj ka filluar nismën me dëgjimin e parë publik në muajin gusht të vitit 2021, ndërsa ka vazhduar në korrik 2022, teksa shtoi se këtë projektligj e ka mbështetur edhe Këshilli i Evropës.

“Janë bërë më shumë se dy vite kur nisma për kripto-asetet është filluar, deri më tani në këtë proces janë mbajtur dy dëgjime publike, i pari është mbajt në gusht 2021 për të diskutuar për idenë, i dyti është mbajt një vit më pas në korrik 2022-ës për një draft. KE-ja, përmes ekspertëve ka mbështetur grupet e punës, fokusi ka qenë të punohet kundër pastrimit të parave. Ky ligj ka për qëllim ruajtjen e kripto-aseteve”, tha Kusari-Lila.

Përfaqësuesi i BQK-së, Ervin Mala, tha se kanë filluar diskutimet për organizimin dhe ndarjen e resurseve dhe akteve ligjore.“Banka Qendrore do të ketë rolin për monitorimin e të gjithë operatorëve që do të merren në këto asete”, tha ai.

Deputeti nga AAK-ja, Pal Lekaj, tha se Qeveria duhet të ketë monitorimin e kësaj paraje në mënyrë që të mos keqpërdoret.

“Sa i përket kriptove, janë globale dhe ne duhet patjetër t’i standardizojmë ligjet në fjalë, ne duhet të kemi një licencim të tyre e kontroll, nuk besoj se ka dikush kompetencë tjetër përveç BQK-së. Qeveria duhet të ketë monitorim të parasë, të mos ketë shpëlarje të parave dhe të mos financohet terrorizmi. Duhet të regjistrohen individët qe kanë të bëjnë me asetet të mbrohen të dhënat dhe të ruhen transaksionet”, tha Lekaj.

Vyrtyt Ibrahimaga, avokat, tha se në draftin e parë janë përfshirë kushte që iu mungon rregullimi me akte nënligjore./Media Ndërtimi

Continue Reading

Aktuale

Më shumë se 100 breshka “gjigante” u desh të largohen nga strofullat në vendin ku po ndërtohet një fabrikë e Hyundait në Savannah

Published

on

Ndërtimi i fabrikës së prodhimit të automjeteve elektrike të Hyundai Motor Company, me vlerë 7.6 milionë dollarë, pranë Savannah, është bërë një lajm kombëtar.

Dhe lajmi nuk ka të bëjë me prodhimin e ndonjë veture apo diçka të tillë, por diçka krejt tjetër.

Kjo pasi që breshkat që jetonin në zonë ishin hequr nga vendi në koordinim me Shërbimin e Peshkut dhe Kafshëve të Egra të SHBA-së dhe Divizionin e Burimeve të Jetës së Egër të Georgias.

Në total, 106 breshka u mblodhën dhe u transportuan rreth 30 milje në bazën e ushtrisë Fort Stewart, tha Rick Lavender, një zëdhënës i WRD, një agjenci brenda Departamentit të Burimeve Natyrore.

Breshkat Gopher, të cilat mund të arrijnë deri në 40 centimetra në gjatësi dhe zakonisht jetojnë 40 deri në 60 vjet, klasifikohen si të kërcënuara në pjesë të Alabama, Luiziana dhe Mississippi, por jo në seksionin lindor të gamës së tyre, që përfshin Georgia, Florida, Karolina e Jugut dhe një pjesë e Alabamës./Media Ndërtimi

Continue Reading

Trending