Connect with us

Aktuale

Inspektorati në Lipjan ndalon punimet pa leje në një biznes

Published

on

Inspektorati i Komunës së Lipjanit gjatë së shtunës ka nisur një aksion për parandalimin e ndërtimeve pa leje brenda qytetit. Ndërkohë, inspektorati ka hasur në një biznes i cili po e dëmtonte hapësirën publike, parkingjet dhe trotuaret pranë objektit të komunës në rrugën “Isa Olluri”.

Po ashtu ky biznes pa ndonjë leje nga komuna po tentonte të ndryshonte edhe pamjen e jashtme të biznesit dhe prishjen e mureve të objekti pa ndonjë leje paraprake, derisa në pjesën e epërme të objektit jetojnë rreth 50 familje në banesa kolektive.

Sipas Inspektoratit të komunës aksioni është duke vazhduar edhe në pjesë të tjera të qytetit për ta monitoruar situatën pasi që shpeshherë ndërtime të tilla po ndodhin gjatë ditëve të vikendit.

Imer Rrustemi, drejtor i inspektoratit në komunën e Lipjanit ka thënë se mëngjesi i së shtunës ka rezultuar me parandalimin e dëmtimit të pronës publike në rrugën “Isa Olluri”.

Sipas tij, pronarët e bizneseve në raste të tilla nuk kanë të drejtë të bëjnë asnjë prishje të mureve për shkak të rrezikut të familjeve në banesa kolektive.

“Këtu është një objekt kolektiv, kurse në pjesën e lokaleve pronarët nuk kanë të drejtë të bëjnë ndryshime dhe prishje të mureve apo bazës së betonit. Ne e kemi parandaluar një veprim të tillë dhe e kemi njoftuar edhe Policinë e Kosovës sepse po ashtu ky biznes ka dëmtuar edhe pronën publike, parkingjet dhe trotuaret”, ka thënë Rrustemi.

Sipas tij, për këtë vepër të jashtëligjshme, gjobat do të jenë shumë të larta për pronarin dhe biznesin i cili pa ndonjë leje nga komuna ka dëmtuar pronën publike dhe ka rrezikuar dhjetëra familje që jetojnë në banesa kolektive.

Rrustemi ka njoftuar se dëmtimi i shenjave zyrtare pas ndërprerjes së punimeve është vepër penale dhe sanksionohet me ligjet e Republikës së Kosovës.

Click to comment

You must be logged in to post a comment Login

Leave a Reply

Aktuale

Nis Konferenca Shkencore Ndërkombëtare e arkitekturës në AAB

Published

on

Edicioni i pestë i Festivalit të studentëve të Artit dhe Arkitekturës do të organizohet mes datave 24-28 Maj në Kolegjin AAB.

Kemi nderin dhe kënaqësinë të ju njoftojmë me Folësit kryesorë të Konferencës Shkencore Ndërkombëtare të arkitekturës

“Në mes të identitetit, transformimit dhe teknologjisë”, e cila mbahet me 24 Maj, në Kolegjin AAB, Objekti #5, në sallën QENDRA MEDIALE, nga ora 11:00.

Ju prezantojmë folësitë e mirënjohur ndërkombëtar si:

🔸FILIP CLAES, dizajner i enterierit dhe profesor në Thomas More University of Applied Sciences, Mechelen, Belgjikë,

🔸DIJANA VUČINIĆ, arkitekte dhe themeluese e Institutit APSS, DVARP

🔸ANDREA GRILETTO, arkitekt, drejtor i Assorestauro, Shoqatës Kombëtare Italiane për restaurimin urban, arkitekturor, arkeologjik dhe artistik./Media Ndërtimi

Continue Reading

Aktuale

Në Fakultetin e Inxhinierisë mbajti ligjëratë zv. Ambasadori i Kroacisë Dr.sc. Nedeljko Špilek

Published

on

Nën organizimin e Departamentit të Komunikacionit dhe Transportit të Fakultetit të Inxhinierisë Mekanike, në ambientet e Qendrës së Inovacionit të FIM u mbajt ligjëratë e hapur nga Dr.sc. Nedeljko Špilek, zëvendës Ambasador i Republikës së Kroacisë.

Ai prezantoi temën: “Përzgjedhja e vendndodhjes së terminalit intermodal në kryqëzimet hekurudhore të Zagrebit me metodën AHP duke përdorur kriteret teknologjike.”

Gjatë prezantimit të tij, Dr. Špilek shpjegoi qartë rëndësinë e planifikimit strategjik dhe qasjes shkencore në përzgjedhjen e vendndodhjes për terminalet intermodale. Ai theksoi se metoda AHP (Analytic Hierarchy Process) mundëson marrjen e vendimeve komplekse përmes analizës së disa kritereve, ku faktorët teknologjikë janë thelbësorë për zgjedhjen optimale të vendndodhjes.

Ligjërata u prit me interes të madh nga pjesëmarrësit dhe nxiti diskutime të frytshme mbi aplikimet praktike të kësaj metodologjie në fushën e logjistikës dhe transportit./Media Ndërtimi

Continue Reading

Aktuale

UP-ja renditet në vendin e 14-të në renditjen botërore për arkitekturë dhe inxhinieri civile

Published

on

Universiteti i Prishtinës është renditur i 14-ti në renditjen botërore universitare të platformës ndërkombëtare INSPIRELI për arkitekturë dhe inxhinieri civile, në një renditje që ka përfshirë 1320 universitete nga e mbarë bota.

Kjo renditje është falë suksesit të vitit të kaluar të studentëve të vitit të pestë të Fakultetit të Arkitekturës të UP-së, të cilët arritën rezultate të shkëlqyeshme në konkursin ndërkombëtar të studentëve “Inspireli”, duke fituar vendin e parë në tri nga gjashtë kategoritë me projektet e tyre në kuadër të resortitturistik “Miris Garden” në Zarë të Kroacisë.

Projektet fituese, të cilat u përzgjodhën nga 163 projekte konkurruese prej 38 vendeve të ndryshme, u punuan nga Besjana Ramadani, Alma Sylejmani dhe Adissa Hajdari – qendër tregtare (mentore: prof. ass. dr. Arta Xhambazi); Era Pelaj, Ermonda Gashaj dhe Elton Bajramaj – projekti i hotelit (mentore: prof. ass. dr. Rozafa Basha); si dhe Lendrit K. Krasniqi, Lirigzon Olluri dhe Albion Hetemi – projekti i apartamenteve (mentore: prof. ass. dr. Rozafa Basha).

Ky konkurs, i nisur nga “Inspireli”, ofroi jo vetëm një mundësi të rëndësishme arsimore, por edhe rriti ndjeshëm ekspozimin global të studentëve ndaj zhvillimit të praktikës arkitekturore.

“INSPIRELI World Architecture University Ranking” mbështetet në aktivitetin e studentëve dhe suksesin ndërkombëtar në kontekst krahasimtar global./Media Ndërtimi

Continue Reading

Trending