Connect with us

Aktuale

Ali Sefaj, dikur i PDK-së e tash i VV-së merr post nga Abdixhiku

Published

on

Ali Sefaj, njeriu që paragjykonte ndërtimet e hidrocentraleve, është emëruar nga Ministri i Infrastrukturës dhe Ambientit, Lumir Abdixhiku në krye të komisionit për vlerësimin e lejeve për ndërtimin e hidrocentraleve.

Pjesë e këtij komisioni në krye me Ali Sefajn, janë edhe Manduha Gojani, Miradije Gërguri, Florije Kika dhe Behar Tërdevci, raporton Gazeta Insajderi.

Por disa ditë para se të emërohej në pozitën e kryesuesit të këtij komisioni, Sefaj paragjykonte punën e lejeve të dhëna për hidrocentralet.

Përmes një shkrimi në profilin e tij në Facebook, Sefaj kishte shkruar se të gjitha lejet për hidrocentrale janë në kundërshtim me ligjin.

“Te gjitha lejet për hidrocentralet janë dhënë në kundërshtim me nenin 78 te Ligjit te Ujërave. Sipas nenit 78 i Ligji të Ujërave e drejta ujore: për hidrocentrale, ambalazhues të ujit, hurdha të peshqve fitohet me koncesion përmes konkursit publik. Dhe për asnjerin nga hidrocentralet nuk ka pasur konkurs për koncesion”, kishte shkruar Sefaj.

Por ky qëndrim i Sefajt kishte evoluar. Mendimi i tij lidhur me ndërtimin e hidrocentraleve është zbutur, shkruan Insajderi.

Disa ditë para se ai të emërohej në krye të këtij komisioni, kishte deklaruar se duhet të hartohet në mënyrë të detajuar një raport për secilin hidrocentral.

Sefaj kishte thënë se shteti nuk duhet të marr vendime arbitrare rreth ndërtimeve të hidrocentraleve.

“Pas një analize te hollësishme komisioni duhet të hartoj një raport të detajuar për secilin hidrocentral me te gjeturat dhe ti rekomandoj Sekretarit të MIA -s, qe të ndërmarr veprimet: revokimin e pelqimeve, pezullimin e aktiviketeve, obligimin për rehabilitimin e shtratit të lumit dhe respektimin e minimumit biologjik”, kishte shkruar Sefaj.

Përveç kësaj Sefaj tashmë ishte bindur se hidrocentralet janë fakt që ekzistojnë.

“Hidrocentralet tani me janë fakt qe ekzistojnë, shteti nuk duhet të ndermarr veprime arbitrare, por vetëm te kërkoj kthimin e ligjshmërisë duke respektuar Ligjin e Ujërave dhe Ligjin për Mbrojtjen e Natyrës”, kishte shkruar Sefaj.

Militanti i Albin Kurtit, Ali Sefaj dikur ishte edhe militant i flaktë i Hashim Thaçit, tash president i vendit, shkruan Insajderi.

Sefaj, ishte një njeri i afërt i presidentit Thaçi, ai ishte shpërblyer në mënyrë të dyshimtë nga Thaçi – në kohën kur ai shërbente si kryeministër i vendit – në vitin 2009, kur me vendim të tij ishte emëruar kryesues i Bordit të Kompanisë së Ujitjes “Drini i Bardhë”. Insajderi kishte siguruar vendimin e ish-kryeministrit Hashim Thaçi, përmes së cilit kishte nënshkruar për emërimin e Ali Sefajt si kryesues të Bordit të Ujitjes “Drini i Bardhë”.

“Në Bordin e Ndërmarrjes Publike, Kompania e Ujitjes ‘Drini i Bardhë’ emërohen këta kandidatë: 1. Ali Sefaj – kryesues, 2. Fadil Kabashi, 3. Beqir Metaj, 4. Shkodran Gaxherri”, thuhej në vendimin e lëshuar nga Zyra e Kryeministrit të Kosovës më 23 prill të vitit 2009, të nënshkruar nga kryeministër Hashim Thaçi.

Paraprakisht, asokohe kryeministri Thaçi kishte anuluar vendimet për emërimin e anëtarëve të Bordit të kësaj Ndërmarrjeje Publike, të zgjedhur në muajin prill të vitit 2008. Një vit më vonë, përmes ndryshim-vendimit për anëtarët e Bordit të Kompanisë së Ujitjes “Drini i Bardhë”, ai kishte emëruar Ali Sefajn në pozitën e kryesuesit të Bordit të Ndërmarrjes.

Aktuale

Amerika dhe Turqia, partnerë kryesorë të Kosovës për eksport dhe import

Published

on

Kosova vazhdon të këtë deficitin e lartë tregtar. Në muajin janar 2024 deficiti ka shkuar në 319,7 milionë euro, krahasuar me deficitin prej 291,5 milionë euro në vitin 2023. Eksporti i mallrave në muajin janar ishe 60,3 milionë euro, ndërsa importi 380,0 milionë euro.

Shtetet e Bashkuara të Amerikës mbeten partneri më i rëndësishëm për raporte tregtare me Kosovën.

Amerika përveç si aleat strategjik është edhe partneri kryesor për eksport të mallrave të Kosovës, raporton Revista Monitor.

Në janar të këtij viti, vlera e mallrave të eksportuara me vendet e botës arritën në 20.1 milionë euro, ose 33.4 për qind.

Eksportet e mallrave me këto shtete kanë një shifër simbolike, mirëpo siç bën të ditur Agjencia e Statistikave të Kosovë, partnerë më të rëndësishëm me vendet e botës për eksport ishin SHBA-të me 14,6 për qind dhe Zvicra me 9,3 për qind në muajin janar 2024.

Të dhënat nga Tregtia e Jashtme të Mallrave në Kosovë tregojnë se eksportet e Kosovës në vendet e BE-së arritën në 18,4 milionë euro, ose rreth 30,5% e eksporteve të përgjithshme, me një rënie prej 6,9%.

“Partnerët kryesorë për eksportin e mallrave në BE ishin: Gjermania (8,8%), Italia (4,7%), Holanda (3,1%), etj”.

Ndërsa, importet e Kosovës nga vendet e BE-së ishin rreth 164,4 milionë euro, ose 43,3% e importeve të përgjithshme, me një rritje prej 10,1%.

“Importet me pjesëmarrje me të lartë ishin nga: Gjermania (12,8%), Greqia (7,2%), Italia (3,7%), etj.”.

Ndërsa, Turqia edhe këtë vit vazhdon të mbetet partner kryesor për import të mallrave.

Vetëm gjatë muajit janar 2024, importet e Kosovës me vendet e tjera të botës arritën në 158 milionë euro, ose 41.6 për qind.

“Vendet me pjesëmarrje më të lartë për import në këtë grup ishin: Turqia (15,4%) dhe Kina (11,3%)”, thuhet në raportin ASK-së për Tregti me jashtë.

Ndërsa, eksportet e Kosovës me vendet e CEFTA-s arritën në 21.8 milionë euro, ose 36,1 për qind të eksporteve të përgjithshme, me një rënie prej 16,2 për qind.

“Partnerë kryesorë për eksport nga vendet e CEFTA-s ishin: Maqedonia e Veriut (12,4%), Shqipëria (11,8%), Serbia (6,3%), Mali i Zi (3,9%)”, thuhet në raportin e ASK-së për muajin janar.

Ndërsa, importet nga vendet e CEFTA-s arritën në 57,7 milionë euro, ose 15,2% të importeve të përgjithshme, me një rënie prej 5,8 për qind.

“Vendet me pjesëmarrje më të lartë për import ishin: Shqipëria (7,6%), Maqedonia e Veriut (4,7%), Serbia (1,9%)”, thuhet në raport.

Ndërkaq, ajo që mbetët shqetësues është se edhe këtë vit ka nis një rënie e vlerës së mallrave të eksportuara në vend.

Eksporti i mallrave në muajin janar të këtij viti kishte vlerën 60.3 milionë euro, ndërsa importi 380 milionë euro, që është një rënie prej 3 për qind për eksport, si dhe një rritje prej 7.4 për qind për import, duke krahasuar me periudhën e njëjtë të vitit 2023.

Sipas të dhënave të grupeve kryesore të eksportit: 25,4% e përbëjnë metalet bazë dhe artikujt prej tyre; 19,3% e përbëjnë artikuj të ndryshëm të prodhuar; 13,1% e përbëjnë plastika, goma dhe artikujt prej tyre; 8,3% e përbëjnë ushqimet e përgatitura, pijet dhe duhani; 6,2% e përbëjnë makineria dhe pajisjet mekanike dhe elektrike, etj”, thuhet në raportin “Statistikat e Tregtisë së Jashtme (STJ), Janar 2024”.

Sipas raportit të Agjencisë së Statistikave të Kosovës, të dhënat nga Tregtia e Jashtme të Mallrave në Kosovë tregojnë për një deficit tregtar më të lartë për 9.9 për qind në muajin janar 2024, në raport me periudhën e njëjtët të vitit 2023, gjegjësisht në vlerë prej 319,7 milionë euro, krahasuar me deficitin prej 291,5 milionë euro në vitin 2023. Sipas ASK-së, eksporti mbulon importin me 15.9 për qind.

Sipas të dhënave të grupeve kryesore për import: 17,2% e përbëjnë produktet minerale; 11,6% e përbëjnë ushqimet e përgatitura, pijet dhe duhani; 11,6% e përbëjnë makineria dhe pajisjet mekanike dhe elektrike; 11,2% e përbëjnë mjetet e transportit; 9,3% e përbëjnë metalet bazë dhe artikujt prej tyre, etj./Media Ndërtimi

Continue Reading

Aktuale

Suedia interesohet për fushën e minierave të Kosovës

Published

on

Suedia interesohet për fushën e minierave të Kosovës

Ministrja e Ekonomisë, Artane Rizvanolli ka pritur sot në takim ambasadorin e Suedisë në Kosovë, Jonas Westerlund dhe zëvendësshefin e Misionit, Henrik Riby.

Gjatë takimit, Ministrja Rizvanolli dhe përfaqësuesit e ambasadës suedeze, kanë diskutuan për zhvillimin ekonomik të Kosovës dhe rritjen e bashkëpunimit ekonomik mes dy vendeve.

Me theks të veçantë diskutuan për potencialin ekonomik që ofron Kosova në fushën e minierave dhe forcimin e lidhjeve të Kosovës dhe Suedisë në këtë sektor.

Republika e Kosovës qysh nga kohët më të vjetra ka qenë e njohur për pasuritë e saj të nëntokës. Pasuritë minerale të Republikës së Kosovës janë te shumëllojshme në sasi dhe në cilësi dhe kanë rëndësi të madhe ekonomike.

Rezervat e resurseve minerale kryesore janë linjiti me 12.5 miliardë ton,plumbi dhe zinku 59 milionë ton, nikeli 13 milionë ton, boksitet 2.7 milionë ton, magnezitet 4.1 milion ton./Media Ndërtimi

Continue Reading

Aktuale

Asahi Glass Company, fabrika më e madhe në botë e qelqit, zgjedh Kosovën për samitin e saj në nivel ballkanik

Published

on

E njohur si AGC, prodhuesi kryesor i xhamit në botë, Asahi Glass Company rrallë zgjedh Kosovën si mikpritëse për Samitin e nivelit ballkanik. Selia evropiane e kompanisë është e vendosur në Belgjikë dhe është e njohur për projektet e rëndësishme globale që përfshijnë xhamin e saj, që shtrihen nga Nju Jorku në Tokio. Z. Ivan Zaykov, menaxher për tregjet ballkanike në AGC Flat Glass në Evropë, e thekson samitin si një nga takimet më të rëndësishme dhe më të vlefshme për fabrikën në lidhje me marrëdhëniet me klientët.

Ai thekson se Kosova tradicionalisht nuk është konsideruar si vend stabil për takime të tilla të nivelit të lartë. Duke marrë parasysh shitjet mbresëlënëse prej 12 miliardë dollarësh të AGC në treg, rëndësia e ngjarjes është parësore, duke inkurajuar pjesëmarrjen e të gjithë aktorëve në biznesin e ndërtimit. Z. Zaykov thekson se zgjedhja e vendit pritës luan një rol të rëndësishëm në suksesin e takimit. Duke e njohur këtë arritje, z. Zaykov ia atribuon suksesin bashkëpunimit efektiv ndërmjet AGC dhe partnerit të tyre GITOR LLC në Kosovë. Ai pranon rezultatet e paparashikuara të tregut të dy viteve të mëparshme, duke ia vlerësuar arritjen e përpjekjeve të përbashkëta me Bledianin, një sipërmarrës vizionar dhe një biznesmen shumë i aftë, si dhe motrën e tij Bleonën.

  1. Zaykov thekson, “Unë angazhohem shpesh në diskutime me Bledin, duke e njohur atë si një biznesmen të frikshëm në kuptimin më pozitiv të termit dhe një sipërmarrës vizionar,” ndërsa shton njohuri për pronarin e kompanisë me bazë në Kosovë. Z. Zaykov thotë se takimi i ardhshëm synon të kapërcejë ngjarjen e një viti më parë duke prezantuar teknologjinë më të fundit globale në ndërtim, veçanërisht në xhami. Fokusi do të shtrihet në diskutimin e politikave të gjelbra evropiane dhe mbarëbotërore, duke shfaqur prezantime mbi ndërtimin e shtëpive pasive dhe qytetet me energji pozitive.

Duke parashikuar mbi 200 të ftuar specialë nga Shqipëria, Maqedonia e Veriut, Bullgaria, Serbia dhe Mali i Zi, z. Zaykov përmend profilet e ndryshme, duke përfshirë biznesmenë, përpunues xhami, arkitektë, inxhinierë, përfaqësues të shtetit dhe stafin drejtues të AGC në Evropë.

 

Continue Reading

Trending