Në kuadër të Aktivitetit për Qeverisje Pronësore, USAID-i në bashkëpunim me Agjencinë Kadastrale të Kosovës kanë organizuar punëtori dy ditore me Komunën e Ferizajt për të prezantuar të arriturat, sfidat e rekomandimet për ZKK-në në fushën e të drejtave pronësore për rritjen e cilësisë së shërbimeve kadastrale.

Në punëtori përveç përfaqësuesve të Agjencia Kadastrale e Kosovës, përfaqësuesve nga Aktiviteti për Qeverisje Pronësore i USAID-it dhe ZKK-së Ferizaj pjesëmarrës ishin edhe zyrtarë nga drejtori të tjera komunale si ajo e Administratës, Pronësore-Juridike dhe Urbanizmit.

Temë qendrore diskutimi ishin gjetjet në Raportin e USAID-it për ZKK-në e Ferizajt, në lidhje me organizimin e brendshëm të ZKK-së, rrjedhën e punës së lëndëve, respektimi i afateve kohore, kushtet e punës, mungesa e stafit, etj.

Nga kjo punëtori ZKK-ja do të ketë të listuara hapat që duhet të ndërmarrë në drejtim të ngritjes së cilësisë së shërbimeve për qytetarë, llojin dhe natyrën e kërkesave që duhet drejtuar drejtorive tjera dhe zyrës së kryetarit për përkrahje, mënyrën e riorganizimit dhe ndryshimeve në staf, e pozita brenda ZKK-së dhe rekomandime të tjera që lidhen me përshpejtimin e punës brenda ZKK-së.

Në anë tjetër AKK-ja do ofrojë mbështetjen dhe përkrahjen e vazhdueshme për ZKK-të, por gjithashtu do të monitorojë edhe implementimin e ndryshimeve në gjetjet e prezantuara në këtë takim dhe në përgjithësi funksionimin dhe aktivitetin e ZKK-ve./Media Ndërtimi.

Ditën e mërkurë, dt. 15.03.2023, ora 16:00, rikthehet cikli i seminareve mbi projektet arkivuese në lëmin kulturor shqiptar dhe praktikat arkivore në institucionet artistike shqiptare gjatë tridhjetë viteve të fundit. Cikli i seminareve mbi marrëdhëniet mes arkivit, artit post-socialist dhe kulturës

bashkëkohore organizohet nga Departamenti i Studimit të Artit në Institutin e Antropologjisë Kulturore dhe Studimit të Artit (IAKSA).

Të ftuarit e parë për vitin 2023 janë Vincent W.J. van Gerven Oei dhe Ylber Marku, të cilët do të flasin mbi projektin e tyre të përbashkët “Arkitektura komuniste shqiptaro-kineze”, realizuar në bashkëpunim me fotografin Marco Mazzi më 2015.

Arkivi fotografik i këtij projekti, i cili konsiston në më shumë se katër mijë imazhe digjitale, është pjesë e fondit të Qendrës së Dokumentacionit Artistik që prej vitit 2021.

Më poshtë gjeni një përshkrim të shkurtër të projektit “Arkitektura komuniste shqiptaro-kineze”:

“Përgjatë viteve 1960 e deri në prishjen e aleancës me Kinën më 1978, Shqipëria ishte fortesa e vetme e maoizmit në Evropë dhe vëllazëria shqiptaro-kineze kremtohej në të dyja vendet me

parulla, ekspozita dhe shkëmbime kulturore. Kinemaja shqiptare ishte gjerësisht e njohur në Kinë, duke qenë e vetmja filmografi e huaj që u lejua të shfaqej gjatë Revolucionit Kulturor

Kinez. Megjithatë, për Shqipërinë aleanca me Kinën pati një rëndësi akoma më të madhe ekonomike. Burimet e konsiderueshme që Kina vuri në dispozicion të shtetit shqiptar mbështetën dhe nxitën përpjekjet e tij për industrializim, nëpërmjet realizimit të projekteve të shumta industriale dhe infrastrukturore. Kjo bëri që industria të shndërrohej në mishërimin e zhvillimit

socialist si dhe në një mjet të rëndësishëm mobilizimi social. Zhvillimi industrial u shndërrua, gjithashtu, në një ndër stimujt kryesorë të zhvillimit urban në Shqipëri. Ndërtimi i qyteteve të reja përreth projekteve industriale kontribuoi në arritjen e qëllimit politik të transformimit të një vendi kryesisht rural në një shoqëri urbane të klasës punëtore.

Megjithatë, pas ndarjes shqiptaro-kineze dhe largimit të ekspertëve kinezë më 1978, shumë projekte mbetën të papërfunduara. Fundi i sistemit komunist solli ndryshime rrënjësore që çuan

në shpërbërjen përfundimtare të të gjitha projekteve industriale të ndërtuara sipas planifikimit qendror. Rrjedhimisht, edhe zonat urbane që ishin ngritur përreth këtyre projekteve pësuan ndryshime të thella që shpesh çuan në shpopullimin e tyre ose zbrazjen nga banorët vendas. Sot, rrënojat e këtyre enteve industriale përbëjnë një dëshmi të atij që dikur ishte progresi socialist.

Qëllimi i projektit ‘Arkitektura komuniste shqiptaro-kineza’ ishte krijimi i një arkivi digjital të kësaj trashëgimie.”

Takimi zhvillohet ditën e mërkurë, dt. 15 mars 2023, në sallën “Rrok Zojzi” pranë Institutit të Antropologjisë Kulturore dhe Studimit të Artit në Tiranë./Media Ndërtimi.

Italia dhe Shqipëria kanë ndarë disa momente të rëndësishme historike duke konsoliduar lidhje të ngushta kulturore, politike dhe socio-ekonomike. Afërsia gjeografike ishte një nga faktorët që favorizoi këto marrëdhënie. Në këtë drejtim konferenca e titulluar:
“Shqipëria në mijëvjeçarin e tretë. Arkitektura, Qyteti dhe Territori”, ndonëse nuk pretendon të jetë shteruese për çështjet e shumta që po hulumtohen nga universitete të ndryshme italiane dhe shqiptare, synon të nxisë një debat për arkitekturën dhe urbanistikën në Shqipëri, i cili prej kohësh është treguar me interes të madh kulturor.

E gjithë kjo me besimin se proceset e zhvillimit të Shqipërisë moderne, në të cilat kanë kontribuar studiues, arkitektë dhe inxhinierë, italianë dhe shqiptarë, do të mblidhen së bashku në debat për të hetuar aspekte të ndryshme, madje edhe më shumë se sa është bërë. deri tani.

Më tej, do të diskutohen disa aspekte problematike të gjendjes bashkëkohore, si bashkëjetesa në dimensione globale dhe lokale që kanë ndikuar në transformimin e realiteteve të sotme territoriale. Për këto arsye të gjithë folësit janë të bindur se Shqipëria edhe sot paraqitet si një laborator studimor interesant.

Ngjarja organizohet të mërkurën, më 8 mars 2022 nga ora 9, në Universitetin Politeknik të Tiranës./Media Ndërtimi.