Ndërtim
Britania kundër miratimt të Izraelit për ndërtimin e më shumë se 1 mijë shtëpi
Britania e dënoi “fuqimisht” miratimin e qindra njësive të reja të banimit për kolonët hebrenj në Bregun Perëndimor të okupuar.
“Britania dënon ashpër avancimin nga autoritetet izraelite të planeve dhe tenderëve për njësitë e banimit në gjithë Bregun Perëndimor”, thuhet në një deklaratë nga Alistair Burt, ministri i shtetit për Lindjen e Mesme pranë Ministrisë së Jashtme të Britanisë.
“I bëjmë thirrje Izraelit t’i rishikojë këto propozime”, ka thënë Burt.
“Vendbanimet janë të paligjshme sipas të drejtës ndërkombëtare dhe minojnë qëndrueshmërinë fizike të zgjidhjes me dy shtete”, ka shtuar ai.
Sipas raportimeve të mediumeve izraelite, autoritetet e vendit miratuan të enjten ndërtimin e qindra njësive të reja të banimit për kolonët hebrenj në Bregun Perëndimor të okupuar.
“Planet që u miratuan përfshijnë ndërtimin e më shumë se 200 shtëpive në Oranit dhe më shumë se 50 në Petzael në Luginën Jordaneze”, raportoi e përditshmja izraelite Haaretz, transmeton Anadolu Agency (AA).
Sipas Haaretz, njësi shtesë të banimit janë miratuar në vendbanimet Ariel dhe Alfei Menashe, të cilat ndodhen në veri të Bregut Perëndimor.
Haaretz shtoi se autoritetet izraelite po ashtu kanë miratuar plane për “qindra” njësi shtesë banimi në vendbanimet Kfar Adumim dhe Givat Zeev në Bregun Perëndimor.
Më herët këtë javë, Ministri izraelit i Mbrojtjes Avigdor Lieberman u zotua të miratojë ndërtimin e rreth dy mijë e 500 njësive të reja të banimit në gjithë Bregun Perëndimor të okupuar.
Sipas grupit izraelit për paqe, Peace Now, autoritetet izraelite kanë miratuar ndërtimin e gjashtë mijë e 742 njësive të reja të banimit në Bregun Perëndimor dhe Kudsin Lindor në vitin 2017, që paraqet numrin më të madh që nga viti 2013.
Rreth gjysmë milioni izraelitë jetojnë aktualisht në më shumë se 100 vendbanime kolone hebreje të ndërtuara që kur Izraeli pushtoi Bregun Perëndimor dhe Kudsin Lindor më 1967.
-
Infrastrukturë17 hours ago
Komuna e Prishtinës përzgjedh fituesin e kontratës për zgjerimin e rrugës nga Ura e Veternikut deri në hyrje të Graçanicës
-
Infrastrukturë21 hours ago
Komuna e Prishtinës shkel ligjin për ‘tunel transformues’ që pritet të kushtojë 6 milionë euro
-
Infrastrukturë2 days ago
Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Aktuale2 days ago
Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
-
Infrastrukturë2 days ago
Hap dyert ‘Zenova Home’, partneri juaj për mobilimin e shtëpisë
-
Infrastrukturë21 hours ago
Expo-Albania, xhevahir i koleksionit të arkitektëve bashkëkohorë!
-
Infrastrukturë2 days ago
Mospërputhjet në deklarim të pasurisë- Ku u zhdukën banesa dhe garazhi i papërfunduar i presidentes?
-
Aktuale17 hours ago
Një kompani ndërtimi dëmton kabllot e rrjetit nëntokësor në lagjen “Pejton”, mbesin pa energji elektrike një numër i caktuar i konsumatorëve