Afro 8 mijë euro për ngrohjen e kësaj shkolle në Malishevë

0

Komuna e Malishevës  do të investojë në shkollën fillore “Migjeni” në fshatin Lumishtë në mënyrë që të sigurohet ngrohja në këtë objekt.

Për këtë tashmë është dhënë kontrata për ndërtimin e dhomës për ngrohjen qendrore të shkollës, shkruan Ndërtimi.info

Kontrata në vlerë afro 8 mijë euro (7,809.82€) i është dhënë kompanisë N.P.T “Beli’ nga Malisheva, e cila planifikohet të nënshkruhet më datën 11 të këtij muaji.

Për këtë kontratë Komuna e Malishevës kishte parashikuar mbi 8 mijë euro (8,035.00€), ndërsa ishin pranuar dy tenderë nga operatorët ekonomik.