Connect with us

Aktuale

24 hektarët e Manastirti të Deçanit mbesin për 16 vjet në kontekst gjyqësor

Published

on

Sipas vendimit të Gjykatë Kushtetuese të Kosovës, Manastiri i Deçanit është pronar i 24 hektarëve tokë dhe pyll. Ajo e refuzon vendimin e Kolegjit të Apelit të Dhomës së Posaçme të Gjykatës Supreme të Kosovës, të vitit 2015, për kthimin e lëndës në Gjykatën Themelore në Deçan.

Gjykata Kushtetuese përcakton gjithashtu se vendimi i mëparshëm i Gjykatës së Lartë nga viti 2012, i cili vërtetonte të drejtën e pronësisë së Manastirit mbi tokën në kontest, është “res judicata” (aktvendim i plotfuqishëm).

Kontesti gjyqësor rreth çështjes se kujt i takojnë 24 hektarë tokë dhe pyll – ndërmarrjeve shoqërore “Apiko” dhe “Iliria” apo Manastirit mesjetar të Deçanit – ka zgjatur 16 vjet.

Në vitin 2016, Gjykata Kushtetuese e Kosovës ka marrë vendim në favor të Manastirit të Deçanit, por ai nuk është zbatuar, ndonëse vendimet e Gjykatës Kushtetuese janë përfundimtare dhe detyruese për të gjitha palët.

Tash e disa vite, bashkësia ndërkombëtare u ka bërë thirrje institucioneve të Kosovës që ta zbatojnë këtë vendim të Gjykatës Kushtetuese dhe ta lejojnë Manastirin që ta regjistrojë tokën në kadastër.

Manastiri i Deçanit ka edhe një kontest me autoritetet lokale në Deçan, e që ka të bëjë me ndërtimin e rrugës kryesore Deçan – Plavë, shkruan Radio Evropa e Lirë.

Punimet për ndërtimin e kësaj rruge po zhvillohen përmes zonës së mbrojtur të Manastirit dhe ato janë ndërprerë disa herë, me kërkesë të Qeverisë së Kosovës ose bashkësisë ndërkombëtare.

Zbatimi i vendimit të Gjykatës Kushtetuese të Kosovës nga viti 2016 është duke u vonuar.

Shtetet e Quint-it shprehin shqetësimin e tyre lidhur me moszbatimin e vendimit, sa i përket tokës së Manastirit të Deçanit, duke thënë se mosrespektimi i vendimit të Gjykatës Kushtetuese minon zotimin e Qeverisë së Kosovës për zbatimin e sundimit të ligjit dhe respektimin e gjyqësorit të pavarur.

“Zbatimi i këtyre vendimeve paraqet përgjegjësi themelore demokratike, të domosdoshme për konsolidimin demokratik të Kosovës dhe integrimin e ardhshëm euroatlantik”, thuhet në reagimin e përbashkët të ambasadorëve të Francës, Gjermanisë, Italisë, Mbretërisë së Bashkuar dhe Shteteve të Bashkuara. Quint-i e fton Qeverinë e Kosovës që t’i lërë anash mospajtimet politike dhe “t’i përqafojë përgjegjësitë e saj demokratike”, si dhe “t’i zbatojë plotësisht të gjitha vendimet e Gjykatës”./Media Ndërtimi.

Aktuale

Aliu: Kufizimet nuk do të vlejnë për banorët e Parkut kombëtar ‘Bjeshkët e Nemuna’

Published

on

Ministri i Mjedisit, Planifikimit Hapësinor dhe Infrastrukturës, Liburn Aliu, në Komisionin për Mjedis ka thënë detaje për planin hapësinor të Parkut Kombëtar “Bjeshkët e Nemuna”.

“Parku nacional është shpallë me ligj i miratuar në Kuvend. Sipas ligjit parashihet zoonimi brenda parkut që nënkupton 3 zona që janë strikte dhe veprimtaria është e ndaluar brenda tyre, janë zona që në përqindje janë pakë tek të cilat ka bimë me rëndësi. Zonimi bëhet në bazë të studimeve”, tha ai.

“Plani hapësinor është marrë nga parlamenti i Kosovës më vitin 2014 dhe në 2016 është dorëzuar drafti i parë. Ky draft i ka kaluar të gjitha diskutimet publike dhe kemi arritur në fazën kur vie në Kuvend për miratim”- shtoi ai.

“Ngjeshja e ndërtimeve në parkun nacional e degradon natyrën. Sa i përket prerjeve të pyjeve lejohet por bëhet bazuar në plane. Pikëvështrimi i menaxhimit të pyjeve e ka motiv mbrojtjen e natyrës”- ka theksuar ai.

Kryetarja e komisionit për Bujqësi, Fitore Pacolli Dalipi e ka pyetur ministrin Aliu për kërkesën e banorëve për vendosjen e laurës se a do të vlejë për ata.

“Parqet nacionale nënkuptojnë mbrojtjet. Kufizimet nuk do të vlejnë për banorët, ata do të kenë qasje sepse ata banojnë aty. Nuk do paguajnë hyrje dalje kur të vendoset laura”, është përgjigjur Aliu.

Deputeti i Lidhjes Demokratike të Kosovës (LDK) Besian Mustafa ka pyetur ministrin Aliu për disa shqetësime të tij lidhur me këtë plan.

“Nëse keni si info sa % të pronave private sa janë në zonën e tretë? Çka ndodhë me ndërtimet ekzistuese që banorët thonë se janë tradicionalisht aty me dekada çka ndodhë me to qoftë në zonën e dytë apo të tretë?”-, ka pyetur ai.

Luan Nushi, drejtor i Instituti për planifikim hapësinor tha se parku kombëtar është park unik në botë se ka brenda vendbanime, sipas tij banorët e kanë keqkuptuar ligjin me plan.

“Pronat tradicionale 47 për qind e ndërtimeve e që janë 6 mijë janë në pronë publike e sipas banorëve është pronë tradicionale e kur bisedon me ta nuk ka kurrfarë dëshmie. Marrë parasysh që po dojna me zhvillu këtë park për me zhvillu turizmin, stanet nuk kemi me i hek”- tha ai.

“Ka qenë keqkuptim me tendencë sepse ka pas interesim për shitje të pronave. Kanë dalë prej temës dhe jemi mundu që krejt kërkesat me i përfshi maksimalisht. Plani hapësinor merret veç me zonimin dhe planifikim të parkut”- theksoi ai.

Deputetja e Partisë Demokratike të Kosovës (PDK) dëshiroi të dijë më shumë për kapacitetet inspektuese kundër degradimit për këtë park.

Ministri Aliu tha që ministria që ai drejton nuk ka kapacitete të mjaftueshme për ta mbrojtur këtë park.

“Janë dy aspekte prerja e pyjeve dhe ndërtimet. Ministria nuk ka kapacitete të mjaftueshme të parandaloj prerjen, me ligjin e ri shpresojë të na shtohen kapacitetet. Përgjegjës për mbrojtjen është Ministria. Prerje më të mëdha ka në Sharr se sa tek Bjeshkët e Nemuna, ndërkaq ndërtime ka më shumë në Bjeshkë të Nemuna se sa në Sharr”, tha ai.

Banorët e Rugovës kanë shprehur shumë kundërshtime lidhur me Planin Hapësinor për Parkun Kombëtar ‘ Bjeshkët e Nemuna’, i propozuar nga Ministria e Planifikimit Hapësinor dhe Infrastrukturës./Media Ndërtimi.

Continue Reading

Aktuale

Gjeologu italian për tërmetin në Turqi: Toka lëvizi tri metra në disa dhjetëra sekonda

Published

on

Carlo Doglioni, kreu i Institutit Kombëtar Italian të Gjeofizikës dhe Vullkanologjisë, ka bërë disa deklarata befasuese në lidhje me tërmetin me magnitudë 7.7 që goditi Turqinë dhe epiqendra e të cilit ishte Kahramanmaraş.

Dhe duke folur për mediat italiane, Carlo Doglioni raportoi se “toka u zhvendos 3 metra”, pas tërmetit në Turqi, deklaratë që është publikuar edhe nga mediat turke, përcjell Telegrafi.

Deklarata vjen nga Italia, nga ku, pas tërmetit është lëshuar edhe paralajmërimi për cunami ndërsa në jug të Italisë është bërë deklarata “mos iu afroni plazheve” – por që autoritetet italiane e hoqën pas pak kohësh, transmeton Telegrafi.

I njohur si numri një i institucionit dhe një nga figurat më të njohura në vend, shkencëtari tha: “Ky rajon është një rajon me aktivitet shumë të lartë sizmik. Turqia lëvizi 3 metra në pak sekonda në vijën e thyerjes prej 150 kilometrash”.

“Ndodhi që ajo që ne e quajmë pllaka arabe të lëvizte rreth 3 metra përgjatë një drejtimi verilindje-jugperëndim në lidhje me pllakën e Anadollit”, ka thënë ndër tjerash ai.

Edhe Carlo Doglioni konfirmoi pamundësinë për të bërë parashikime.

“Për fat të keq, ne ende nuk jemi në gjendje të parashikojmë tërmetet”, shpjegoi gjeologu për Sky TG24.

Dhe më pas ai shtoi: “Por këto imazhe dramatike, të tmerrshme na kujtojnë se është thelbësore të jemi të vetëdijshëm se mund të ketë një tërmet dhe se prandaj duhet të ndërtojmë në një mënyrë antisizmike. Parandalimi është arma e parë kundër tërmeteve. Edhe nëse një ditë do të mund t’i parashikojmë, gjëja më e rëndësishme do të jetë të kemi shtëpi të sigurta”.

Continue Reading

Aktuale

ZRRE paralajmëron shqyrtimin e tarifave të energjisë elektrike

Published

on

Zyra e Rregullatorit për Energji (ZRRE) ka paralajmëruar shqyrtim të tarifave të reja të energjisë elektrike për vitin 2023.

Kryetari i Bordit të ZRRE-së, Ymer Fejzullahu para Komisionit parlamentar për Ekonomi tha se janë plotësuar të gjitha kushtet ligjore për këtë shqyrtim të tarifave.

Mirëpo, ai nuk dha detaje se sa mund të shtrenjtohet energjia elektrike.

“Aktivitet për të cilën shumicën e vëmendjes e merr ZRRE-ja për çdo vit, është paraparë që të bëhet shqyrtimi i tarifave të energjisë elektrike dhe termike për vitin 2023, si një proces i rregullt, për të cilën ZRRE-ja e bën për çdo vit, për dy operatorët dhe për furnizuesin e rregullt që është KESCO”, tha Zejnullahu.

Duke paraqitur planin e punës për vitin 2023, ai është shprehur se prioritet gjatë këtij viti është edhe rritja e konkurrencës në sektorin e energjisë , por edhe tregu i përbashkët me Shqipërinë./Media Ndërtimi

Continue Reading

Trending