Infrastrukturë

24 familje në Fier shpronësohen për t’i hapur rrugë një projekti që nuk ekziston as në letër

Published

5 months ago

November 23, 2023

Në vitin 2019, 24 familjeve që banojnë në qendër të Fierit iu komunikua se do të shpronësohen për t’i hapur rrugë projektit ”Rehabilitimi i lumit Gjanicë”, “Rikonceptimi i qendrës së qytetit” dhe “Ndërtimi i Stadiumit të Lojërave me Dorë”,

“Në momentin e parë të takimit me kryetarin e bashkisë na u tha se do të ndërtoheshin pallate 20 katëshe dhe ne do të merrnim pjesën tonë aty. Madje e kemi të regjistruar”, – tha për Citizens Channel Valentina Skënderaj, një nga banoret e prekura nga projekti.

Në mars të vitin 2021, banorëve iu erdhi një shkresë që i lajmëroi se duhet të linin shtëpitë për t’u shpronësuar. Për shkak të proceseve gjyqësore dhe rezistencës së tyre, shembjet nisën më shumë se dy vjet më vonë, në tetor të këtij viti, ku u rrëzuan 12 objektet e para.

“Pse s’më tregon projektin urbanistik të zhvillimit? Unë dua të shoh, në shtëpinë time çfarë do ndërtohet? Projekti duhet të mbaj datën dhe firmën e asaj periudhe që na ka nxjerr nga shtëpia, projekti nuk duhet të mbaj datën e djeshme, pardjeshme, kur ne kemi dal prej vitesh jashtë”, – vijon Skënderaj.

Banorët pohojnë se Bashkia Fier i ka propozuar kompensimin me vlerë 60% të vlerës së pronës së tyre për mungesë buxheti.

“Ca do bëj me 15 milionë unë, ça do marr, hë ça do marr, më thuaj mua ça do marr! Merret shtëpia me aq lekë? ”, – thotë Fatbardha Laze, një tjetër banore.

Sipas vendimit të Këshillit të Ministrave vlera e përgjithshme e shpronësimit, prej 124 395 382 (njëqind e njëzet e katër milionë e treqind e nëntëdhjetë e pesë mijë e treqind e tetëdhjetë e dy) lekësh, do të përballohet:

27 088 361 (njëzet e shtatë milionë e tetëdhjetë e tetë mijë e treqind e gjashtëdhjetë e një) lekë, nga buxheti i Bashkisë Fier;

97 307 021 (nëntëdhjetë e shtatë milionë e treqind e shtatë mijë e njëzet e një) lekë, nga shpenzimet e miratuara në zërin “shpenzime kapitale me financim të brendshëm” të programit “Planifikimi urban” në Ministrinë e Infrastrukturës dhe Energjisë, për vitin 2022.

Shembje shtëpiash pa projekt urbanistik

Citizens Channel iu drejtua Bashkisë Fier për të mësuar konkretisht çfarë parashikohet të ndërtohet në hapësirën ku po shemben shtëpitë, por institucioni u përgjigj se kërkesa për shpronësim dhe vendimet janë bërë nga Këshilli i Ministrave, kështu që dhe projekti apo zbatimi i tij bëhet prej Qeverisë.

Më pas ju drejtuam Ministrisë së Infrastrukturës dhe Energjisë e cila e delegoi sërish kërkesën tek Bashkia e Fierit.

“Lidhur me projektin Rehabilitimi i lumit Gjanicë”, “Rikonceptimi i qendrës së qytetit” dhe “Ndërtimi i Stadiumit të Lojërave me Dorë”, pala ankuese duhet të drejtohet pranë Bashkisë Fier, në cilësinë e vetë subjektit kërkues të shpronësimit dhe institucionit kompetent për ndjekjen, zbatimin dhe realizimin e këtij projekti“, është përgjigja e Ministrisë.

Në një kërkim të thjeshtë për çmimet e apartamenteve në qendër të Fierit, për të parë nëse banorët mund të përballojnë nëj apartament të ri, me 60% të kompensimit të parashikuar nga Bashkia Fier, duket se është pothuajse e pamundur./Media Ndërtimi

Infrastrukturë

Nënshkruhet marrëveshje për energji më të pastër me MCA-Kosova

Published

1 day ago

May 3, 2024

Ndertimi Media

Një hap i rëndësishëm në peizazhin energjetik të Kosovës është shënuar, pasi u nënshkruan marrëveshjet kyçe ndërmjet Qeverisë dhe MCA-Kosova.Ministria e Ekonomisë nënshkroi Marrëveshjen e Entit Zbatues (IEA) me MCA-Kosova për Aktivitetin

Multifunksional të Ruajtjes së Energjisë (MFES), ndërsa Ministria e Mjedisit, Planifikimit Hapësinor dhe Infrastrukturës nënshkroi një Memorandum Mirëkuptimi me (Millenium Challenge Acount – Kosova) MCA-Kosova për Energjinë dhe Aktivitetin e Mbështetjes së Politikave Klimatike në kuadër të Programit Kompakt.

Këto marrëveshje janë thelbësore për zbatimin e suksesshëm të aktiviteteve të Kompaktit, të cilat

janë komponentë integrale të strategjisë së Kosovës për rritjen e sigurisë energjetike dhe kalimin në burime më të pastra të energjisë.“Pothuajse 2 milionë njerëz do të përfitojnë nga Programi Kompakt, investim ky në energji, më i madhi në 50 vitet e fundit. Deri në përfundim, Kosova pritet të ketë më së shumti ruajtje të baterive për kokë banori në botë”, tha Florina Duli – Sefaj, kryeshefe ekzekutive e e MCA- Kosova.implementojmë programin me sukses dhe në kohë, e që Kosova të merret si shembull i suksesit kur flitet për programet e MCC-së”, ka theksuar Ministrja e Ekonomisë Artane Rizvanolli.

Në mars të vitit 2024, Qeveria e Kosovës ndërmori një hap të rëndësishëm duke krijuar strukturën e pronësisë së Ndërmarrjes Publike “Korporata për Ruajtjen e Energjisë” (KRE).

KRE është vendosur të zotërojë dhe operojë rreth 125 MW për dy orë (ekuivalente me 250 MWh) të një ose më shumë sistemeve të ruajtjes së energjisë së baterive dhe sistemeve të tjera potenciale të ruajtjes së energjisë elektrike.

Ministri Liburn Aliu ka theksuar se bashkë me Ministrinë e Ekonomisë dhe MCC-në, po fillojmë bashkëpunimin për një qasje sistematike për llogaritjen e gazrave serrë, kështu për të ndihmuar për Agjencinë për Mbrojtjen e Mjedisit të Kosovës dhe sektorin e tyre të ri për inventarin e GS./Media Ndërtimi

Infrastrukturë

Gjysmë milioni euro për infrastrukturën e Artanës

Published

1 day ago

May 3, 2024

Ndertimi Media

Zëvendësministri i Infrastrukturës, Hysen Durmishi, ka thënë se po vazhdojnë nënshkrimin e memorandumit për komunën e Artanës, të cilën komunë e kanë financuar 502,000.00€.

Ai ka bërë me dije se qëllimi i këtij memorandumi është bashkëfinancimi i projekteve infrastrukturore të cekura si më poshtë:

“Ndërtimi i Urave në fshatrat Llabjan (Brus-Abazaj-Zebincë-Makresh / lagjja Bajraj); Asfaltimi i rrugëve lokale për fshatrat: Parallov; Llabjan; Kufcë; Makresh i Ulët; Makresh i Naltë; Pasjak; Vllasali; Novobërdë; Koznic; si dhe Bushincë”, ka treguar Durmishi./Media Ndërtimi

Infrastrukturë

Italianët zgjedhin Shqipërinë si destinacionin ideal për t’u çlodhur buzë detit

Published

1 day ago

May 3, 2024

Ndertimi Media

Ekzistojnë ende disa vende ku ju mund të shkoni me pushime në plazh sa herë të doni gjatë gjithë verës me çmime të përballueshme, shkruan Antonio Pilato në një artikull të botuar në revistën italiane “Solo Finanza”.

Vera po afron dhe për ata që nuk kanë planifikuar ende asgjë, ne rekomandojmë të zgjidhni dhe eksploroni Shqipërinë. Pa shpenzuar shumë para ju mund të pushoni në breg të detit dhe të shijoni çdo lloj rehatie.

Kjo është një mundësi ‘e bujshme’ e zbuluar nga portali i njohur (pirateinviaggio.it) i cili ditët e fundit ka ndarë me ndjekësit e tij destinacionet më të mira për vitin 2024, që nuk duhen humbur.

Shqipëria, një nga destinacionet në trend – edhe verën e kaluar – ofron për udhëtarët diell, det të kristaltë, plazhe që të lënë pa frymë dhe shumë shërbime të tjera me kosto dukshëm më të ulëta se ato që ofrohen në Itali, transmeton ATSh.

Saranda, një qytet i bukur bregdetar ofron hotele (me tre yje) ku mund të akomodoheni si “zotërinj të vërtetë”. Akomodohuni në hotelin “Vila Era Beach” për vetëm 20 euro nata. Hoteli është praktikisht në plazh dhe gjithashtu në paketë përfshihet vakti i mëngjesit. Vendndodhja mbetet padyshim ‘një pikë e fortë’, por edhe dhomat kanë hijeshinë e tyre. Ato janë të mëdha, komode dhe ideale si për çifte ashtu edhe për grupe turistësh. Disa nga hotelet, gjithashtu kanë një kopsht ose një tarracë të vogël.

Koha më e mirë për të vizituar Shqipërinë është fundi i majit deri në fund të shtatorit. Tashmë turistët italianë dhe jo vetëm kanë zgjedhur Shqipërinë si destinacionin ideal për t’u çlodhur buzë detit falë çmimeve të saj të përballueshme./Media Ndërtimi