Connect with us

Aktuale

Zbulohet vendi i shenjtë 2600-vjeçar në Romë, mendohej se ishte varri i mbretit që themeloi qytetin

Published

on

Një varr i lashtë, që besohet se ishte edhe “banesa e fundit” e mbretit legjendar të Romës, Romulit, është zbuluar për publikun për herë të parë përmes fotografive. Edhe pse specialistët konfirmuan se nuk bëhet fjalë për varrin e themeluesit të qytetit “të përjetshëm”, ata thanë se objekti, i cili daton në shekullin VI para erës sonë, ishte një varr ku romakët e lashtë adhuronin kultin e tij.

“Nuk bëhet fjalë për varrin e Romulit, por më tepër për një vend ku kulti i tij festohej”, thotë Alfonsina Russo, drejtore e Parkut Arkeologjik të Koloseut. Megjithatë, kur pyetet nga gazetarët nëse Romuli ka ekzistuar vërtet, ajo thotë: “Sigurisht që legjendat kanë një bazë të vërtetë dhe unë jam e bindur që qyteti ka një themelues. Ky është një zbulim i rëndësishëm sepse u rizbulua pas 120 vitesh. Është një emocion i madh”. Për momentin vendi nuk mund të vizitohet nga njerëzit, për shkak të punimeve, që pritet të vazhdojnë edhe për 2 ose 3 vite, sipas Russos.

Varri u zbulua në zonën e Forumit Roman, por brenda tij nuk u gjetën kocka apo ndonjë mbishkrim për të vërtetuar teorinë se ishte zbuluar varri i Mbretit themelues.

Sipas legjendës, Romuli dhe vëllai i tij Remi mendohet se kanë lidhje me princin trojan Enea, por edhe Perëndinë romake të luftës, Marsin. Kur lindën, Amuliu, një rival i gjyshit të tyre, mbret i Alba Longa, një qytet i lashtë në zonën e Lacios, mori fronin dhe urdhëroi që dy binjakët të hidheshin në lumin Tiber.

Legjenda thotë se ata u gjetën nga një ujkonjë që i ushqeu me qumështin e saj. Kur u rritën ata zbuluan të vërtetën dhe rrëzuan Amuliun për të rivendosur në fron gjyshin e tyre Numiutor. Më pas vendosën të themelonin një qytet të ri, por pas një konflikti Remi vdiq, i vrarë nga i vëllai, Romuli, ose ndjekësit e tij.

Vdekja e tij mbetet mister, sikurse edhe themelimi i qytetit të ri, Romës. Romuli mendohet se udhëhoqi si Mbret për 37 vite, deri sa u zhduk papritur. Sipas legjendës ai u vra nga senatorët. Një version thotë se trupi i tij u gjymtua ndërsa një tjetër se u ngrit në parajsë falë Marsit/A2CNN.

 

Aktuale

Ndërroi jetë arkitekti modernist Zvi Hecker

Published

on

Zvi Hecker, një arkitekt me origjinë polako-izraelite, ndërroi jetë më 25 shtator 2023.

Ai ishte i mirënjohur për qasjen e tij arkitekturore që i kushtoi rëndësi të madhe përdorimit të gjeometrisë dhe asimetrisë.

Nga viti 1955 deri në vitin 1957, Zvi Hecker ndoqi një kurs studimi për pikturë në Institutin e Artit dhe Dizajnit Avni, pasi filloi një kurs profesional si arkitekt. Hecker ishte banor i Berlinit dhe Tel Avivit. Ai mori pjesë aktive në zhvillimin strategjik të iniciativave për komunitetin hebre gjerman, përveç angazhimit në disa projekte ndërkombëtare.

Zvi Hecker ka mbajtur pozicione mësimdhënëse në disa institucione akademike të respektuara në vende të ndryshme, duke përfshirë Kanadanë, Shtetet e Bashkuara, Izraelin dhe Austrinë. Këto institucione përfshijnë Universitetin Laval në Kanada, Universitetin e Teksasit në Arlington dhe Universitetin e Uashingtonit në St./Media Ndërtimi

Continue Reading

Aktuale

Rritet nafta ne tregjet globale, çmimi arrin gati 100 dollarë për fuçi

Published

on

Çmimi i naftës po i afrohet 100 dollarë për fuçi.

Të hënën kontratat feature te naftës brent u rritën duke arritur ne 93.9 dollarë për fuçi. Ky shtrenjtim në tregjet ndërkombëtare ka ardhur për shkak të shkurtimeve të prodhimit të naftës nga dy prodhuesit kryesore, Rusia dhe Arabia Saudite.

Çmimet janë rritur me rreth 10% në javët e fundit ndërsa pikëpyetjet janë të mëdha se si do të vijojnë më tej, në një kohë që dy vendet kanë zgjatur shkurtimet e furnizimit deri në fund të vitit, transmeton abcnews.al.

Javën e kaluar, Moska ndaloi përkohësisht eksportet e benzinës dhe naftës në shumicën e vendeve me qëllim stabilizimin e tregut të brendshëm, duke nxitur shqetësimet për furnizimin me këto lëndë.

Megjithatë, çmimet e larta të naftës kanë favorizuar Rusinë e cila ka rritur të ardhurat. Kremlini mblodhi 17.1 miliardë dollarë nga eksportet e naftës së papërpunuar gjatë gushtit, nga 15.3 miliardë dollarë që arkëtoi në korrik sipas Agjencisë Ndërkombëtare të Energjisë./Media Ndërtimi

Continue Reading

Aktuale

65 euro një metër dru në tregun e Prishtinës

Published

on

Qytetarët i shohin drutë si alternativë për ngrohje gjatë dimrit.

Ministria e Ekonomisë ka lansuar thirrjen për subvencionimin e pajisjeve efiçiente për ngrohje për shtëpi dhe banesa. Përmes kësaj thirrjeje, qytetarët do të subvencionohen deri në 2 mijë euro. Afati do të jetë i hapur për aplikim deri më 22 nëntor të këtij viti. Ndërkaq, përmes kësaj thirrjeje po synohet që të kursehet energjia elektrike. Por, ka qytetarë që ngrohjen për dimër kanë vendosur ta bëjnë me dru.

Familja Demolli ka vendosur që edhe këtë vit të ngrohet me dru, pavarësisht që brenda në shtëpi i kanë të vendosura edhe nxehëset.

Ngrohjen me dru ata po e shohin si alternativën më të lirë e më të mirë.

Ngrohjen me dru Vesel Demolli e sheh si alternativë edhe për vitet e ardhshme.

Në Prishtinë, një metër dru, aktualisht po kushton 65 euro.

E, prapa kamerave të RTK-së, shitësit kanë treguar se interesimi i qytetarëve për të blerë dru ka qenë shumë i madh. Ndërsa, një metër dru kushton nga 60 deri në 65 euro.

Për të kursyer energjinë elektrike, e për të mos ndotur ajrin, Ministria e Ekonomisë ka lansuar thirrjen për subvencionimin e pajisjeve efiçiente për ngrohje.

Por cilat janë pajisjet që do të subvencionohen?

Pompa termike – 30% e vlerës investive apo deri në 2 mijë euro

Kondicioneri – 40 për qind apo deri në 400 euro Kaldaja me biomasë – 70 për qind, apo deri në 1 mijë e 200 euro

Stufa individuale me biomasë – 70 për qind apo deri në 435 euro

Ministrja e Ekonimise Artane Rizvanolli, dhe Alessandro Bianciardi nga Zyra e BE-së në Kosovë, kanë thënë se janë duke besuar se është duke u ngritur vetëdija e qytetarëve për rëndësinë për të kursyer energjinë që të ketë një të ardhme më të qëndrueshme.

Ndërsa për njohësin e energjetikës, Fatos Aliun, subvencionimet e efiçiencës konsiderohen si të pamjaftueshme.

Në lidhje me këtë, e pyetur nga RTK, ministrja Rizvanolli ka thënë se janë duke investuar edhe në ngritjen e kapaciteteve prodhuese./Media Ndërtimi

Continue Reading

Trending