Connect with us

Aktuale

Veseli fton partitë ta votojnë pakon prej 320 milionësh: 280 mijë vende pune janë në rrezik

Published

on

Kryetari i PDK-së, Kadri Veseli përmes një letre ka ftuar partitë politike ta votojnë pakon prej 320 milionë eurosh në seancën e jashtëzakonshme që do të mbahet nesër.

Ai ka thënë se Pakoja prej 179.6 milionë eurosh e miratuar nga Qeveria nuk është mjaftueshme dhe se qytetarëve dhe bizneseve u duhet më shumë mbështetje.

Letra e plotë:

Unitet për qytetarët

Rreziku që po na kanoset si shoqëri, në këtë kohë pandemie, është shumëdimensional, ndërsa ky është momenti kur të gjithë duhet të jemi racionalë në ballafaqimin tonë me situatën e shkaktuar nga Covid-19.

Përveç brengës shëndetësore për qytetarët, shteti ynë duhet të fokusohet edhe në pasojat socio-ekonomike – të cilat mund të jenë fatale, nëse nuk ndërmerren menjëherë hapat e duhur preventivë.
Tashmë ekonomia globale po rrezikohet nga një recesion i madh, shumë më i madh sesa ai i viteve ‘30.
Po ashtu, çdo ditë bëhet e ditur se rritja ekonomike do të bjerë dukshëm, deri 2-4 për qind, ndërsa edhe remitencat do të ulen ndjeshëm.

Institutet dhe ekspertët kompetentë që merren me çështjet ekonomike, thonë se Kosova është duke humbur mbi 10 milionë euro çdo ditë. Humbja totale deri më tash është mbi 250 milionë euro.
Nëse shteti ynë nuk është i gatshëm që të marrë përgjegjësinë e ndërhyrjes për ta shpëtuar ekonominë e vendit, atëherë 280 mijë vende të punës në sektorin privat do të rrezikohen dhe qindra ndërmarrje të mesme e të vogla do të shuhen. Prodhuesit, për shkak të tkurrjes së ekonomisë vendore dhe ndërkombëtare, do t’i humbin tregjet e domosdoshme për eksport të produkteve të tyre.
E vërteta është se ne jemi shumë vonë me masat ekonomike.

Masat e propozuara nga Qeveria janë të pamjaftueshme dhe gjysmake (pakoja prej 170 milionë eurosh), si dhe në kundërshtim me Kushtetutën e Kosovës dhe ligjet në fuqi për menaxhimin e financave publike.
Të gjithë e dimë se vetëm Kuvendi i Kosovës mund ta miratojë buxhetin, plotësojë edhe ndryshojë atë në masën që është e nevojshme, për ta shpëtuar ekonominë e Kosovës.

Duke e konsideruar betejën me Covid-19 si përgjegjësi të të gjitha partive politike, duke e konsideruar përpjekjen për qëndrueshmëri ekonomike të vendit tonë si detyrë dhe imperativ, Partia Demokratike e Kosovës ka bërë propozimin e saj për pakon 320 milionë euro, me tri burime të sigurta, duke mos rrezikuar stabilitetin makro-fiskal.

Me qëllimin më të mirë të bashkëpunimit, edhe si obligim për qytetarët, PDK u ka bërë ftesë të gjitha partive në Kuvend që më 14 prill të bëhemi bashkë për ta kaluar pakon për rimëkëmbjen e ekonomisë sonë, duke qenë e hapur për plotësimet e mundshme.

Qytetarëve të Kosovës gjithmonë duhet t’ua krijojmë perspektiven për një të ardhme stabile, përtej çdo dallimi politik dhe çdo kalkulimi elektoral.

Prandaj, ftoj të gjitha partitë politike që më 14 prill ta bëjmë atë që qytetarët presin ta bëjmë për ta.
Nuk është as koha dhe as çështja që duhet të na ndajë. Përkundrazi.

Click to comment

You must be logged in to post a comment Login

Leave a Reply

Aktuale

Si të bëheni arkitekt në Inteligjencën Artificiale?

Published

on

Inteligjenca artificiale është larg të qenit një koncept i huaj dhe i ri. Arkitektët kanë eksploruar AI që nga vitet 1960, duke u thelluar në koncepte të tilla si shkrimi, arkitektura parametrike, algoritmet evolucionare, automata celulare, fraktale dhe sistemet L. Skriptimi është i ngjashëm me krijimin e një ekuacioni që gjeneron rezultate të projektimit në vend të vlerave numerike.

Në arkitekturë, një arkitekt i AI është përgjegjës për zhvillimin e skripteve, studimin e algoritmeve, sigurimin që rezultatet e projektimit plotësojnë nevojat e projektit dhe krijimin e algoritmeve kur është e nevojshme. Me fjalë të thjeshta, AI Architects janë projektues që ndërtojnë sisteme të inteligjencës artificiale për të zgjidhur problemet. Kompanitë në ditët e sotme varen nga arkitektura gjeneruese dhe mjetet e AI për të përfunduar projektet e tyre komplekse; Këtu nevojiten arkitektë të AI që kanë një kuptim të qartë në teknologjinë e informacionit dhe inteligjencën artificiale për të kontrolluar zgjidhjet e AI brenda organizatës duke siguruar që projekti të funksionojë pa probleme.

Roli i përgjithshëm i AI Architects është të përmirësojë operacionet e biznesit duke hartuar plane të detajuara për sistemet e AI, duke bashkëpunuar me anëtarët e ekipit si inxhinierë dhe shkencëtarë kompjuterikë për të siguruar një proces të qetë dhe për të mbikëqyrur zbatimin duke siguruar që zgjidhjet e AI që ata ofrojnë janë në përputhje me projekti duhet të prodhojë rezultate të sakta dhe të dobishme.

Është e rëndësishme të pranohet se inteligjenca artificiale nuk mund të zëvendësojë kurrë intuitën dhe ndjeshmërinë njerëzore në arkitekturë. Gjithmonë mbani mend se ju e kontrolloni mjetin, jo anasjelltas. Prandaj, është e nevojshme të shfrytëzojmë përparimet e vazhdueshme në teknologji, e cila ka qenë e vazhdueshme për 70 vitet e fundit, në dobinë tonë duke krijuar asistentë robotikë që na ndihmojnë të arrijmë të pamundurën duke ndikuar pozitivisht në mjedis, i cili ka nevojë të dëshpëruar për t’u marrë në konsideratë. dhe kujdesi./Media Ndërtimi

Continue Reading

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Trending