Ndërtim

Vasfije Krasniqi, e zhgënjyer se shtëpia ku u përdhunua s’u kthye në muze

Published

3 years ago

February 17, 2020

Shtëpia në të cilën Vasfije Krasniqi – Goodman ishte përdhunuar nga serbët gjatës kohës së luftës ka filluar të rrënohet. Pronari i parcelës, përveçqë nuk e ka lejuar ekipin ta xhironte vendin, ai madje ka thënë se në atë shtëpi nuk ka ndodhur asgjë. Derisa për KTV-në Vasfije Krasniqi ka thënë që së bashku me familjarët kanë dashur që ajo shtëpi të kthehej në muze.

Në përvjetorin e 12-të të Pavarësisë së Kosovës, monumenti New Born ka marrë pamje të re, duke i përkujtuar të mbijetuarit e dhunës seksuale gjatë luftës, raporton KTV-ja.

Por, pak më larg nga kryeqyteti, në Babimoc të Obiliqit shtëpia në të cilën u përdhunua Vasfije Krasniqi ka filluar të rrënohet nga pronari i ri.

Një person i cili është paraqitur si pronar i asaj parcele, përveçqë nuk e ka lejuar ekipin e televizionit të xhironte aty, ai e ka mohuar se shtëpia të cilën edhe ka filluar ta rrënonte është vendi që është keqtrajtuar Vasfija. Ai megjithatë ka pranuar se shtëpinë e ka blerë nga një serb.

E Vasfije Krasniqi – Goodman për KTV-në, duke treguar se është ndier keq për këtë, ka thënë se ka dashur që të blente shtëpinë për ta rikthyer në muze, mirëpo nuk ia doli.

Krasniqi ka kërkuar përkrahje më të madhe nga institucionet, në përgjithësi për gratë e dhunuara gjatë luftës.

Udhëheqësja e Qendrës Kosovare për Rehabilitimin e të Mbijetuarve të Torturës, Feride Rushiti, ka thënë se mosreagimi për rrënimin e shtëpisë paraqet neglizhencë të institucioneve.

E mbijetuara e dhunës seksuale gjatë luftës, e para që foli publikisht për tmerrin e përjetuar, Vasfije Krasniqi – Goodman, ka kritikuar gjithashtu mosnderimin e askujt nga institucionet tek monumenti i heroinave në Prishtinë. Megjithatë, në orët e pasdites këtë monument e vizitoi kryetarja e Kuvendit, Vjosa Osmani.

Në prill të 2019-s, 20 vjet pas ngjarjes, Vasfije Krasniqi – Goodman kishte vizituar vendin ku ishte përdhunuar gjatë luftës, duke përkujtuar tmerrin e asaj kohe, dhe po nga ai vend u kishte bërë thirrje institucioneve që 14 prilli të mbetet si simbolikë, ku edhe do të përkujtoheshin 20 mijë personat e përdhunuar gjatë luftës në Kosovë.

Ndërtim

Miratohet ndërtimi i qendrës kompjuterike prej 260 milionë eurosh në Gjermani

Published

13 hours ago

June 9, 2023

Ndertimi Media

Qeveria gjermane i ka dhënë dritën jeshile një aplikacioni planifikimi për një qendër të re kompjuterike 260 milionë euro në Bavari, me ndërtimin që do të nisë së shpejti.

Ministri i Shkencës Markus Blume miratoi planin për Qendrën e Informatikës me Performancë të Lartë të Bavarisë Veriore.

Objekti i ri në Friedrich-Alexander-Universität Erlangen-Nürnberg (FAU) do të jetë partner i Qendrës Superkompjuterike Leibniz (LRZ) në Garching.

Kjo do të thotë gjithashtu se Shteti i Lirë i Bavarisë ka investuar tashmë më shumë se 1.5 miliardë euro në projekte të reja ndërtimi në FAU që nga viti 2019./Media Ndërtimi

Ndërtim

Indeksi i Kostos së Ndërtimit në Kosovë pëson rënie për (-1.3%)

Published

13 hours ago

June 9, 2023

Ndertimi Media

Agjencia e Statistikave të Kosovës (ASK), ka publikuar këtë të enjte Indeksin e Kostos së Ndërtimit për tremujorin e parë të vitit 2023.

Indeksi i tërësishëm i Kostos së Ndërtimit në Kosovë thuhet se ka pasur rënie për (-1.3%) në tremujorin e parë të vitit 2023, krahasuar me tremujorin e katërt të vitit 2022.

Rënie më të madhe kishte: transporti (-6.9%); materialet (-1.4%); dhe pagat (-0.4%).

Ndërsa, rritje kishte te: kostot e tjera (1.4%); makineritë (0.9%); dhe energjia (0.5%).

Ndërkaq, krahasuar tremujori i parë i vitit 2023 me të njëjtën periudhë të vitit paraprak, Indeksi i Kostos së Ndërtimit kishte rritje për 3.3%.

Indeksi i tërësishëm i Kostos së Ndërtimit në Kosovë pati rritje për 3.3% në TM1 2023, krahasuar me tremujorin e parë të vitit 2022.

Rritja kryesisht u vërejt te: transporti (16.4%); makineritë (11.1%); kostot e tjera (10.1.%); pagat (2.8%); dhe materialet (2.4%).

Ndërsa, kishte rënia te energjia me (-14.9%)./Media Ndërtimi.

Ndërtim

Shqetësuese ndërtimi i Moteleve afër shtëpive të banimit në Prishtinë!

Published

14 hours ago

June 9, 2023

Ndertimi Media

Ndërtimi i moteleve pranë shtëpive të banimit, po i shqetëson banorët e disa lagjeve të kryeqytetit.

Kohëve të fundit, në shumë qytete të Kosovës shihen ndërtime të shpeshta e të shumta të moteleve.

Një motel ka nisur të ndërtohet në lagjen Arbëria në Prishtinë, ndërsa disa banorë në adresë të portalit Ndërtimi.info kanë dërguar disa fotografi, ku shihet se afër shtëpive të banimit të kenë nisur së ndërtuari këto njësi të shndërruara në “Vila”.

Të njëjtat, kryesisht po përdoren për pushime të shkurtra.

Ndërtuesit, apo pronarët e tyre, nuk po zgjedhin vende se ku po i ndërtojnë ato. Në shumë raste, objekte të tilla janë fare pranë shtëpive të banimit në zona rurale e urbane. Këto ndërtime po dalin të jenë shqetësuese për banorët e atyre shtëpive fare pranë.

Baki Hoti, udhëheqës në Unionin e Turizmit në Kosovë, tha ditë më parë në Klan Kosova se është duke u punuar në një Udhëzim Administrativ që rregullon operimin e hoteleve e moteleve.

Hoti tha se edhe si Union e kanë një anëtarë në grupin punues, për çka do t’i shtyjnë tutje disa kritere për këto motele.

I pyetur se “A do të ketë ndërtime të moteleve të tilla afër objekteve të banimit?”, Hoti, u shpreh se “absolutisht jo”. Ai shtoi, se përmes këtij Udhëzimi Administrativ do të rregullohen kriteret se ku mund të ndërtohen ato, si në qytete si në fshatra, me çfarë kritere dhe kushte./Media Ndërtimi