Lista e shumave të cilat i kanë ndarë shtetet për rindërtimin e Shqipërisë

Published

3 years ago

February 17, 2020

“Ndërtim i 2 mijë shtëpive”, ky është premtimi i Emirateve të Bashkuara për Shqipërinë në seancën e dytë të Konferencës së Donatorëve.

Po kështu, përpos tyre, Emiratet do të dhurojnë edhe 70 milionë euro për t’i ardhur në ndihmë Shqipërisë sa i takon procesit të rindërtimit si pasojë e tërmetit që goditi vendin më 26 nëntor.

Më poshtë do të gjeni listën e shteteve ndihmuese shoqëruar me shumën monetare përkatëse.

Holanda– 3 milionë euro grante

Danimarka– 2.7 milionë euro

Polonia– 2.7 milionë euro

Greqia– 2.5 milionë euro dhe ndërtim i 200 banesave

Gjermania– 11 milionë euro

Suedia– 5.6 milionë euro

Bosnja dhe Hercegovina– 100 mijë marka

Britania e Madhe– 1 milion paund

Kroacia– 1 milion euro

Kosova– 200 mijë euro në formën e granteve

Lihtenshtajni- 50 mijë euro të tjera për procesin e rindërtimit

Algjeria- 50 mijë euro për procesin e rindërtimit

UNICEF- 500 mijë euro për shkollat

Italia– 65 milionë euro

Sllovakia– 250 mijë euro

Austria– 1 milion euro

Franca– 60 milionë euro hua

Sllovenia– 300 mijë euro

Çekia– 9.5 milionë korona çeke

Maqedonia e Veriut– 97 mijë euro

Finlanda– 300 mijë euro

Luksemburgu– 150 mijë euro

Spanja– 25 mijë euro

Bullgaria– 100 mijë euro

Hungaria– 250 mijë euro

Irlanda– 300 mijë euro

Mali i Zi– 500 mijë euro

Serbia– 2 milionë euro grante

Zvicra– 9 milionë euro grante

Katari– 5 milionë dollarë

SH.B.A- 5 milionë dollarë (ndër to 3.9 për familjet që kanë më shumë nevojë, 600 mijë dollarë për Kryqin e Kuq dhe 800 mijë dollarë për monumentet kulturore)

Japonia- 2.5 milionë euro

Azerbajxhani– 500 mijë euro

ndërkohë që BE– 100 milionë euro dhe KE– 15 milionë euro.

Miratohet ndërtimi i qendrës kompjuterike prej 260 milionë eurosh në Gjermani

Published

14 hours ago

June 9, 2023

Ndertimi Media

Qeveria gjermane i ka dhënë dritën jeshile një aplikacioni planifikimi për një qendër të re kompjuterike 260 milionë euro në Bavari, me ndërtimin që do të nisë së shpejti.

Ministri i Shkencës Markus Blume miratoi planin për Qendrën e Informatikës me Performancë të Lartë të Bavarisë Veriore.

Objekti i ri në Friedrich-Alexander-Universität Erlangen-Nürnberg (FAU) do të jetë partner i Qendrës Superkompjuterike Leibniz (LRZ) në Garching.

Kjo do të thotë gjithashtu se Shteti i Lirë i Bavarisë ka investuar tashmë më shumë se 1.5 miliardë euro në projekte të reja ndërtimi në FAU që nga viti 2019./Media Ndërtimi

Indeksi i Kostos së Ndërtimit në Kosovë pëson rënie për (-1.3%)

Published

14 hours ago

June 9, 2023

Ndertimi Media

Agjencia e Statistikave të Kosovës (ASK), ka publikuar këtë të enjte Indeksin e Kostos së Ndërtimit për tremujorin e parë të vitit 2023.

Indeksi i tërësishëm i Kostos së Ndërtimit në Kosovë thuhet se ka pasur rënie për (-1.3%) në tremujorin e parë të vitit 2023, krahasuar me tremujorin e katërt të vitit 2022.

Rënie më të madhe kishte: transporti (-6.9%); materialet (-1.4%); dhe pagat (-0.4%).

Ndërsa, rritje kishte te: kostot e tjera (1.4%); makineritë (0.9%); dhe energjia (0.5%).

Ndërkaq, krahasuar tremujori i parë i vitit 2023 me të njëjtën periudhë të vitit paraprak, Indeksi i Kostos së Ndërtimit kishte rritje për 3.3%.

Indeksi i tërësishëm i Kostos së Ndërtimit në Kosovë pati rritje për 3.3% në TM1 2023, krahasuar me tremujorin e parë të vitit 2022.

Rritja kryesisht u vërejt te: transporti (16.4%); makineritë (11.1%); kostot e tjera (10.1.%); pagat (2.8%); dhe materialet (2.4%).

Ndërsa, kishte rënia te energjia me (-14.9%)./Media Ndërtimi.

Shqetësuese ndërtimi i Moteleve afër shtëpive të banimit në Prishtinë!

Published

15 hours ago

June 9, 2023

Ndertimi Media

Ndërtimi i moteleve pranë shtëpive të banimit, po i shqetëson banorët e disa lagjeve të kryeqytetit.

Kohëve të fundit, në shumë qytete të Kosovës shihen ndërtime të shpeshta e të shumta të moteleve.

Një motel ka nisur të ndërtohet në lagjen Arbëria në Prishtinë, ndërsa disa banorë në adresë të portalit Ndërtimi.info kanë dërguar disa fotografi, ku shihet se afër shtëpive të banimit të kenë nisur së ndërtuari këto njësi të shndërruara në “Vila”.

Të njëjtat, kryesisht po përdoren për pushime të shkurtra.

Ndërtuesit, apo pronarët e tyre, nuk po zgjedhin vende se ku po i ndërtojnë ato. Në shumë raste, objekte të tilla janë fare pranë shtëpive të banimit në zona rurale e urbane. Këto ndërtime po dalin të jenë shqetësuese për banorët e atyre shtëpive fare pranë.

Baki Hoti, udhëheqës në Unionin e Turizmit në Kosovë, tha ditë më parë në Klan Kosova se është duke u punuar në një Udhëzim Administrativ që rregullon operimin e hoteleve e moteleve.

Hoti tha se edhe si Union e kanë një anëtarë në grupin punues, për çka do t’i shtyjnë tutje disa kritere për këto motele.

I pyetur se “A do të ketë ndërtime të moteleve të tilla afër objekteve të banimit?”, Hoti, u shpreh se “absolutisht jo”. Ai shtoi, se përmes këtij Udhëzimi Administrativ do të rregullohen kriteret se ku mund të ndërtohen ato, si në qytete si në fshatra, me çfarë kritere dhe kushte./Media Ndërtimi