Aktuale

Tahiri: Ky nuk është një buxhet ideal, por i zorit

Published

4 years ago

July 10, 2020

Në seancën e sotme plenare për rishikimin e buxhetit, zëvendëskryeministri i parë, Besnik Tahiri, ka thënë se për shkak të situatës emergjente, ky buxhet po vjen pa një procedurë.

Ai e ka pranuar se ky nuk është një buxhet ideal, por që i përgjigjet situatës emergjente.

Derisa ka bërë të ditur se asnjë këshilltar politik dhe asnjë i emëruar politik nuk është rritur dhe nuk dallon nga rregullorja e punës së kryeministrit Kurti.

“Është shumë e vërtetë që ky nuk është një buxhet ideal, është buxhet emergjent, është buxhet i zorit, është buxhet i cili vjen pa një procedurë se si ndodh një rishikim i buxhetit dhe vjen për me iu përgjigj një situate të cilën e dini edhe ju edhe e din të gjithë qytetarët e Kosovës. Unë jam personi përgjegjës në qeveri që e kanë bërë rregulloren e punës së fushëveprimit të ministrive dhe ju siguroj që asnjë këshilltarë politik dhe asnjë i emëruar politik nuk është rritur dhe nuk dallon nga rregullorja e punës së kryeministrit Kurti, ju siguroj dhe po ashtu ligji për qeverinë është që 1 javë në platformë për konsultim publik, i cili i zvogëlon edhe në bazë të rregullores që ka qenë në qeverinë Kurti edhe të Hotit, të emëruarit politik”, ka thënë Tahiri.

Aktuale

Komuna e Prishtinës subvencionon ujitjen e 200 hektarëve tokë të mbjella me kultura bujqësore

Published

3 days ago

May 10, 2024

Ndertimi Media

Kryetari i Komunës së Prishtinës, Përparim Rama ka nënshkruar Memorandumin e Bashkëpunimit me Faruk Mujkën, kryeshefin ekzekutiv të Ndërmarrjes Hidroekonomike “Ibër -Lepenc” për ujitjen e kulturave bujqësore në kryeqytet.

“Përmes këtij Memorandumi, Kryeqyteti do të ofrojë subvencionimin e ujitjes së 200 hektarëve tokë për fermerët në Kryeqytet. Me këtë bashkëpunim synojmë të përmirësojmë dhe të rrisim produktivitetin e bujqësisë së kryeqytetit duke ua lehtësuar punën bujqve tanë.”, deklaroi kryetari Rama./Media Ndërtimi

Aktuale

“Architech Festival” sjell edicionin e 5-të nga muaji Maj dhe do të zgjasë deri në Shtator

Published

4 days ago

May 10, 2024

Ndertimi Media

Festivali i ArchiTech është zyrtarisht duke filluar nga muaji Maj dhe do të zgjasë deri në Shtator 2024.

Çfarë ju pret në këtë Edicion? Këtë Edicion do të ketë aktivitete inovative, projekte për hapësirat publike, takime me arkitektë/dizajnerë të ndryshëm dhe komunitetin, dhe shumë më tepër! Ky është momenti për tu angazhuar në krijimtarinë arkitekturore se si hapësirat publike përceptohen dhe mund të shfrytëzohen si dhe për të hulumtuar rreth sfidave dhe mundësive që ofron mjedisi ynë urban.

Ne jemi të gatshëm për të ndarë me ju ide dhe kohë për tu takuar e biseduar mbi nevojat, kërkesat dhe ide innovative mbi përkushtimin ndaj një hapësire urbane më të bukur, dinamike dhe funksionale./Media Ndërtimi

Aktuale

Gjermanët punuan 1.3 miliard orë jashtë orarit në vitin 2023

Published

4 days ago

May 9, 2024

Ndertimi Media

Punëtorët në Gjermani punuan rreth 1.3 miliard orë jashtë orarit në vitin 2023, tregojnë të dhënat e publikuara nga Instituti për Kërkime të Punësimit (IAB).Sipas tyre, më shumë se gjysma e kësaj kohe, 775 milionë orë, mbeti pa u paguar.

Ministria e Punës e Gjermanisë tha se mesatarisht, secili punëtor punoi 31.6 orë jashtë orarit në vitin 2023, prej të cilave 18.4 mbetën pa u paguar.

Komentet erdhën në përgjigje të një pyetjeje parlamentare nga Susanne Ferschl, ligjvënëse nga partia e majtë Die Linke.

“Punëdhënësit kursejnë miliarda në paga duke mos i paguar orët jashtë orarit, ndërsa punonjësit vuajnë nga zgjatja e orarit të punës dhe kërkesat e vazhdueshme për fleksibilitet” – tha Ferschl, raporton DPA.

Sipas të dhënave, totali i punës jashtë orarit vitin e kaluar korrespondon me 835.000 vende të punës me kohë të plotë.

Totali i orëve jashtë orarit në vitin 2023 ra për rreth 100 milionë orë nga viti paraprak, kur punëtorët regjistruan gjithsej 1.4 miliard orë jashtë orarit./Media Ndërtimi