Connect with us

Ambienti

Shumë kompani ndërtimi po paguajnë për të mbjellë pemë për të ‘kompensuar’ emetimet e karbonit

Published

on

Gjersa shumë kompani ndërtimi po paguajnë për të mbjellë pemë për të ‘kompensuar’ emetimet e tyre të karbonit, një ndërtues në perëndim të Anglisë ka shkuar direkt në përfundimin logjik dhe sapo ka blerë të gjithë pyllin.

Beard Construction ka blerë 180 hektarë tokë pyjore pranë Bristolit për të kompensuar ndikimin e saj mjedisor me sekuestrimin e karbonit.

Përderisa pemët ruajnë dy herë më shumë karbon sesa lëshojnë, biznesi i përdor ato për të ‘anuluar’ ndotjen e shkaktuar nga aktivitetet e tyre të përditshme tregtare. Beard thotë se llogaritjet e hershme sugjerojnë se blerja e saj e re, Wrington Warren nën kodrat Mendip, do të ‘kompensojë’ të gjithë gjurmën e karbonit të kompanisë.

Zëvendëskryetari Neil Sherreard, i cili menaxhoi blerjen, tha: “Beard krenohet me qasjen e saj ambicioze ndaj ndërtimit dhe ky investim i madh buron nga ajo frymë pioniere. Realiteti i reduktimit të karbonit në sektorin tonë është nëpërmjet kompensimit të mbetur dhe kjo blerje do të na bëjë të bëjmë një hap të madh përpara.

“Kjo demonstron seriozitetin e përpjekjes sonë të vazhdueshme për të pasur sa më pak ndikim në mjedis. Ne e shohim këtë si një angazhim afatgjatë. Përveç kompensimit të gjurmës sonë mjedisore, ne do të sigurojmë që ky pyll të mbijetojë dhe të lulëzojë për brezat e ardhshëm. Dhe ne shpresojmë që ky mjedis i bukur natyror mund të luajë gjithashtu një rol kyç në mirëqenien e popullit tonë.”/Media Ndërtimi.

Ambienti

 “Çabratit” i shtohen kapacitetet për menaxhimin e mbeturinave

Published

on

Kompania Regjionale e Mbeturinave “Çabrati” ka përfituar nga Grandi i Performances për Mjedis të pastër nga Komuna e Gjakovës një kamion kiper Trucks – Autongarkues i cili do ta fuqizojë kompaninë publike në Komunën e Gjakovës, me shërbime edhe më cilësore.

23 komuna kanë përfituar grantin e performancës për mjedis të pastër dhe nga këto institucione kërkohet angazhim edhe më i madh për agjendën e gjelbër dhe përmirësimin e mëtejmë të sektorit të mjedisit dhe veçanërisht të mbeturinave.

Continue Reading

Ambienti

Shënohet Dita Botërore e Edukimit Mjedisor, në Mitrovicë

Published

on

Gjatë ditës së sotme, është shënuar dita ndërkombëtare e Edukimit Mjedisor, me aktivitetin e organizuar nga organizata Kosovar Youth Council  –  KYC.

Ky aktivitet kishte për qëllim vetëdijësimin e shoqërisë për edukimin mjedisor në mënyrë  të veçantë dimensionit shoqëror të problemeve mjedisore duke u përqendruar në krijimin e vetëdijes, njohurive, aftësive dhe motivimit për të adresuar, zgjidhur dhe parandaluar.

Aktiviteteve i’u bashkangjitën Drejtoria e Mjedisit në krye me drejtorin z. Egzon Sadiku, zyrtarë të Drejtorisë për Kulturë, Rini dhe Sport, nxënësit e shkollave të mesme të Komunës së Mitrovicës, grupi i ambientalistëve, kompania e pastrimit “Uniteti” dhe vullnetarë të tjerë.

Aktivitetet e pastrimit u shtrinë në lagjën Tjegullore, pastrimin e hapsirave për rreth lumit Lushta dhe hapsirat tek lumi Sitnica./Media Ndërtimi.

Continue Reading

Ambienti

Gjykata vendos të mos pranojë padinë e mjedisorëve për aeroportin e Vlorës

Published

on

Gjykata Administrative e Shkallës së Parë vendosi të mos e shqyrtojë padinë e ngritur në nëntor 2022, që kërkon pavlefshmërinë e kontratës së aeroportit të Vlorës në Vjosë-Nartë. Padia u ngrit nga organizatat mjedisore PPNEA (Qendra për Ruajtjen dhe Mbrojtjen e Mjedisit Natyror në Shqipëri) dhe AOS (Shoqata Ontologjike e Shqipërisë)

Në vendimin e për mospranimin e shqyrtimit të padisë thuhet se shoqata mjedisore nuk mund t’i ngrenë padi akteve administrative sipas nenit 15/germa d “Për planifikim e territorit”, në bazë të së cilës është nxjerrë vendimi nga KKT për miratimin e lejes së aeroportit.

“Mospranimin e kërkesëpadisë ne nuk e prisnim fare, ishte surprizë e madhe”, – thotë për Citizens Channel ornitologu Zydjon Vorpsi nga PPNEA, i cili argumenton se një vendim i tillë nënkupton regres për sistemin gjyqësor në Shqipëri.

“Kjo gjë ishte rregulluar ndër vite; legjitimimi i organizatave mjedisore për të paditur objekte të tilla brenda zonave të mbrojtura në ruajtje të mjedisit ka filluar 10 vite përpara”, – vijon më tej Vorpsi, duke iu referuar rastit të hidrocentralit të Poçemit në Vjosë dhe Zall-Gjoçaj, kauza të cilat janë trajtuar nga i njëjti gjyqtar, ku janë marrë vendime në favor të organizatave mjedisore që kanë ngritur padinë.

“Indikatorë të tillë tregojnë se po ushtrohet presion mbi gjyqësorin për sa i përket çështjes”, – shkruhet në një reagim zyrtar nga PPNEA. “Por ne nuk tërhiqemi dhe e kemi apeluar këtë vendim. Në vazhdim, ne kemi depozituar dhe një apelim kundër Këshillit të Ministrave të Shqipërisë”, – thuhet më tej në deklaratë.

Vorpsi çmon se ngadalësimi i procesit mjedisor është në dëm të mjedisit. “Kjo është manovër për të fituar kohë, sepse tani çështja është apeluar, duhet të kishin filluar seancat dhe koha po kalon dhe po punohet nga ça ne kemi parë në terren”.

Konventa e Bernës (Traktati Ndërkombëtar për Ruajtjen e Natyrës), i kërkoi qeverisë shqiptare në muajin dhjetor të vitit të shkuar “Ndalimin e ndërtimit të Aeroportit” në afërsi të Lagunës së Nartës dhe të Grykëderdhjes së Vjosës.

Ndalimi i punimeve u propozua nga Kryetari i Komitetit Drejtues së Konventës së Bernës, Znj. Merike Linnamägi, pasi shumica e anëtarëve të kësaj Konvente kishin kërkuar më herët “mbajtjen e një qëndrimi të fortë” për shkak të situatës urgjente në terren.

Reagimi u mbështet në konkluzionet e një grupi ekspertësh ndërkombëtarë, të cilët, me nxitjen e Byrosë së Bernës, së bashku edhe me dy konventa të tjera ndërkombëtare për mbrojtjen e shpendëve dhe të habitateve (AEWA dhe CMS), vizituan kantierin në fund të gushtit.

Çfarë ka ndodhur me Vjosë-Nartë?

Më 26 nëntor u mor vendimi i ndryshimit të sipërfaqes së Peizazhit të Mbrojtur Vjosë-Nartë dhe krijimi i një zonë të re, të quajtur “Peizazh i Mbrojtur Pishë Poro-Nartë”, një territor i krijuar nga bashkimi i dy njësive të mëparshme: Peizazhi i Mbrojtur Vjosë-Nartë dhe Rezervat Natyror i Menaxhuar/Park Natyror Pishë Poro.

Qeveria shqiptare ka hequr një territor prej 310 ha nga zona e mbrojtur, pikërisht aty ku kanë filluar punimet për ndërtimin e aeroportit të Vlorës.

Në Vjosë-Nartë, sipas të dhënave të siguruara nga PPNEA, numërohen 200 lloje shpendësh, prej tyre 33 janë të listuar me status me status kërcënimi në Listën e Kuqe të Shqipërisë; 8 lloje mbajnë statusin e Rrezikimit Kritik (CR); 9 lloje klasifikohen si të rrezikuara (EN); 13 lloje janë cilësuar me status të Përkeqësuar (VU) si dhe 3 lloje mbartin statusin e Rrezikut të Ulët (LR).

123 lloje po ashtu janë të listuar në shtojcën II të “Konventës së Bernës”. Shqipëria është po ashtu pjesë e Rrjetit të Zonave me Interes të Veçante Ruajtjeje (Emerald Network) ku 43 lloje listohen në shtojcën e parë të saj./Media Ndërtimi.

Continue Reading

Trending