Connect with us

Aktuale

Shpallen fituesit e “Fairy Tales 2020”

Published

on

Edicioni i shtatë i garës së arkitektëve për tregimet më të mira, të prezantuara përmes veprave të tyre, “Fairy Tales 2020” i ka shpallur fituesit me tregimet më të mira.

Tri vendet e para për edicionin e sivjetëm të “Fairy Tales 2020” e kanë këtë renditje:

Vendi i parë: “The Year Without a Winter (Viti pa një Dimër)” nga Tamas Fischer dhe Carlotta Cominetti

“Ne e shkruam tregimin tonë duke menduar për momentin kur bota ka për tu ndalur dhe njerëzit kanë për të ndryshuar shprehitë e tyre për të shmangur kolapsin dhe për të mbrojtur vetveten nga një ngjarje e panjohura sikurse nga ndryshimi i fortë e i papritur klimatik. Tani e kuptojmë se si tregimi ynë mund t’i përshtatet situatës që bota po përjeton sot: në pritje, mërzitja, vetmia, pendimet, mediat sociale si e vetmja rrugëdalje. Por çka ne vërtetë dëshiruam të ngrijmë theksin në, është se si situatat emergjente mund të çojnë në një pikë kthese. Situatat e vështira i bëjnë njerëzit të mendojnë më shumë dhe të përdorin kreativitetin ndryshe. Prej që ka filluar pandemia ne kemi folur për një ngjarje që e ndryshon jetën, e cila është saktësisht subjekti i tregimit tonë. Jetët tona do të ndyshojnë, por për të mirë” kanë thënë Tamás Fischer dhe Carlotta Comineti

Vend i dytë: “SYMBIOSIS (Simbioza)” nga Aleksandr Čebotariov dhe Laura Kuršvietytė

“Tregimi jonë është një përpjekje naive për të adresuar çështjen e llojeve të ndryshme të krizave që po përjetojmë – jo vetëm ekologjike, por sociale dhe ekzistenciale gjithashtu. Në rutinën e jetës së përditshme, duke u bazuar në kapitalizëm, ne priremi ta humbim vetveten në punët tona, pyjet tona në fusha e tregti. Ne i harrojmë kapacitetet tona, sikur se ndjenjat, e organizmave tonë natyral dhe shumë gjëra të tjera. Ne jemi inspiruar më së shumti nga The Sëamp School, një pavilion lituanez në Bienalen e 16 të Venecies për Arkitekturë, ku punuam vullnetarish, në kreatorët e saj Nomeda dhe Gediminas Urbonai, dhe pas saj jetesa në një ambient urban të Brukselitn na i ka stimuluar mendimet tona, të mbledhura në Venecie” kanë thënë Aleksandr Čebotariov dhe Laura Kuršvietytė

Vendi i tretë: “Lloronas of Juárez” nga Albert Orozco dhe Edward Rivero

“ “Llonoras of Juarez” është një rrëfim i dhunës së vazhdueshme ndaj emigrantëve, specifikisht grave dhe fëmijëve, e cila zbatohet përmes kufijve kombëtarë nga shtetet koloni-vendosëse. Përmes një analize kryqëzuese, ne përdorim protestën përmes artit, narrativës historike dhe urbanizmit të peisazhit për të ri-menduar se si do të dukeshit mjediset përrreth kufirit Meksikë-SHBA nëse ne do të lëviznim në drejtim të marrëdhënieve më të mira për tu lidhur me tokën. Specifikisht, projekti jonë kritikon politikat raciste të emigrimit, ideologjitë gjinore dhe logjikat ksenofobe që takohen në dizajnin dhe ndërtimin e kufijve dhe të burgjeve. Ne i kushtojmë vëmendje urgjencës së heqjes së qendrave të paraburgimit të cilat burgosin komunitetet e emigrantëve nëpër Shtetet e Bashkuara, përmes një storie të peripecive dhe rezistencës të portretizuar nga protagonist i sories sonë. Ne shpresojmë të ëndërrojmë në solidarizim me emigrantet, aktivistëte të drejtave të migracionit, kritikët shkollarë, artistët, dizajnerët, po ashtu edhe me organizatorë të tjerë të komunitetit të cilët vazhdojnë t’i rezistojnë ndërtimit të perandorisë drejt zhvillimit të një të ardhme pa kufij” kanë thënë Albert Orozco dhe Edward Rivero./Ndërtimi.info/

 

 

 

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Aktuale

ATK mblodhi 50 milionë euro më shumë se vitin e kaluar

Published

on

Administrata Tatimore e Kosovës përmes konferencës për media sot ka prezantuar rezultatet dhe të arriturat për gjashtë muajt e parë të vitit 2024. Drejtori i Përgjithshëm i ATK-së Ilir Murtezaj, gjatë kësaj konference theksoj treguesit kryesorë të mbledhjes së të ardhurave, efikasitetin e shërbimeve dhe progresin në përmbushjen e objektivave strategjike.

Drejtori Murtezaj tha se ATK-ja ka arritur rezultate mbresëlënëse në mbledhjen e të hyrave gjatë periudhës janar-qershor 2024, duke theksuar se të hyrat e mbledhura kanë tejkaluar pritshmëritë, duke arritur në 473.3 milionë euro, që tregon rritje prej 50.1 milionë euro më shumë krahasuar me të njëjtën periudhë të vitit të kaluar.

“Ky sukses i atribuohet përmirësimit të proceseve të mbledhjes dhe angazhimit të shtuar të tatimpaguesve në përmbushjen e obligimeve të tyre. Gjatë kësaj periudhe, ATK-ja ka zbatuar 15,442 aktivitete intensive për parandalimin e evazionit tatimor dhe edukimit tatimor. Këto aktivitete kanë ndihmuar në rritjen e ndërgjegjësimit të obligimeve tatimore, duke kontribuar në përmirësimin e pajtueshmërisë dhe uljen e evazionit fiskal. Këto aktivitete kanë rezultuar me 1.5 milionë euro gjoba, 43.8 milionë euro tatim shtesë, 9.8 milionë euro janë konstatuar mungesë në stoqe, si dhe 3,809 punëtor janë formalizuar si të punësuar”, tha ai.,

Sipas tij, një ndër arritjet kryesore të ATK-së ka qenë avancimi i proceseve të digjitalizimit. Implementimi i platformave të reja elektronike ka thjeshtuar ndjeshëm procedurat për dorëzimin e deklaratave tatimore dhe pagesave, të cilat që nga lancimi i EDI janë: 25.1 milionë E-deklarime, me gjithsej 164,293 tatimpagues të regjistruar në platformë. Kjo ka rezultuar në një rritje të efikasitetit dhe transparencës, duke bërë të mundur që bizneset të përmbushin obligimet e tyre në mënyrë më të lehtë dhe më të shpejtë.

“ATK-ja ka forcuar bashkëpunimin me institucionet e tjera publike dhe organizatat ndërkombëtare, duke krijuar partneritete që kanë për qëllim luftimin e evazionit fiskal dhe përmirësimin e administrimit tatimor. Këto bashkëpunime kanë rezultuar në shkëmbimin e informacionit dhe praktikave më të mira, duke kontribuar në përmirësimin e vazhdueshëm të shërbimeve të ATK-së. Administrata Tatimore e Kosovës mbetet e përkushtuar në vazhdimin e përmirësimit të shërbimeve dhe rritjen e mbledhjes së të hyrave, duke kontribuar kështu në stabilitetin financiar dhe zhvillimin ekonomik të vendit. Ne falënderojmë të gjithë tatimpaguesit për bashkëpunimin dhe mbështetjen e tyre dhe ju inkurajojmë që të vazhdoni të përmbushni obligimet tuaja tatimore”, tha ai./Media Ndërtimi

Continue Reading

Trending