Connect with us

Aktuale

Shoqata e Ndërtimtarëve sugjeron mbylljen e punishteve

Published

on

Ministria e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike të Republikës së Kosovës, ka ndërmarrë disa masa për funksionimin e bizneseve, në kohën kur vendi po përballet me pandeminë Covid-19. Mirëpo, kushtet e përcaktuara për funksionimin e kompanive, nga sektori i ndërtimtarisë po konsiderohen të parealizueshme. Derisa, alternativë më e mirë shihet ndërprerja e tërësishme e punimeve në punishte.

Kryetari i Shoqatës së Ndërtimtarëve të Kosovës, Faton Hoxha ka thënë për Ndërtimi.info se është e pamundur tu përmbahet kushteve të vendosura nga ministria.

“Ata kanë lejuar të punohet në ndërtim, duke iu përshtatur kushteve që i kanë vendos ata, por kjo është pothuajse e pamundur. Është goxha problem me iu përmbajt atyre kushteve të higjienës edhe me punu”, ka thënë Hoxha, teksa ka shtuar që “në këto kushte është më mirë që të ndërpritet puna në punishte”, ka shtuar ai.

Sipas kryetarit të Ndërtimtarëve, kompanitë e ndërtimit po kanë vështirësi të funksionojnë sipas kushteve të përcaktuara nga ministria.

“Kompanitë po kanë telashe, punëtorët po hezitojnë me dalë në punë, edhe me dalë me punu, po duhet me iu përmbajt kushteve të higjienës, që në punishte është e pamundur”, ka theksuar Hoxha.

Hoxha ka thënë se kjo çështje duhet të definohet, duke shtuar se nëse ndërpritet puna pa vendim të qeverisë, kompanitë do të kenë pasoja.

“Nëse nuk ka vendim të qeverisë, ne mundemi të penalizohemi sepse kemi penallti nëpër kontrata. Kërkesa është që me definu ose ne të vazhdojmë me të vjetrën dhe secili inspektor që vjen mundet me na dënu. Nëse e ndërprejmë punën pa një vendim të qeverisë, atëherë kontratorët tonë dhe investitorët mund të na penalizojnë për mospërmbushtje të afateve. Në njëfarë forme është ‘hup se të vrava, zhdryp se vrava’”, ka shtuar Hoxha.

Ndryshe, ndërtimtaria është një nga sektorët ku puna në grup është e theksuar, duke bërë që të ketë kontakt mes punëtorëve. Në këtë sektor punohet edhe me mjete nga metali, derisa metali është një nga materialt në të cilat Covid-19 mbijeton më gjatë. /ndertimi.info/

Aktuale

Nis Konferenca Shkencore Ndërkombëtare e arkitekturës në AAB

Published

on

Edicioni i pestë i Festivalit të studentëve të Artit dhe Arkitekturës do të organizohet mes datave 24-28 Maj në Kolegjin AAB.

Kemi nderin dhe kënaqësinë të ju njoftojmë me Folësit kryesorë të Konferencës Shkencore Ndërkombëtare të arkitekturës

“Në mes të identitetit, transformimit dhe teknologjisë”, e cila mbahet me 24 Maj, në Kolegjin AAB, Objekti #5, në sallën QENDRA MEDIALE, nga ora 11:00.

Ju prezantojmë folësitë e mirënjohur ndërkombëtar si:

🔸FILIP CLAES, dizajner i enterierit dhe profesor në Thomas More University of Applied Sciences, Mechelen, Belgjikë,

🔸DIJANA VUČINIĆ, arkitekte dhe themeluese e Institutit APSS, DVARP

🔸ANDREA GRILETTO, arkitekt, drejtor i Assorestauro, Shoqatës Kombëtare Italiane për restaurimin urban, arkitekturor, arkeologjik dhe artistik./Media Ndërtimi

Continue Reading

Aktuale

Në Fakultetin e Inxhinierisë mbajti ligjëratë zv. Ambasadori i Kroacisë Dr.sc. Nedeljko Špilek

Published

on

Nën organizimin e Departamentit të Komunikacionit dhe Transportit të Fakultetit të Inxhinierisë Mekanike, në ambientet e Qendrës së Inovacionit të FIM u mbajt ligjëratë e hapur nga Dr.sc. Nedeljko Špilek, zëvendës Ambasador i Republikës së Kroacisë.

Ai prezantoi temën: “Përzgjedhja e vendndodhjes së terminalit intermodal në kryqëzimet hekurudhore të Zagrebit me metodën AHP duke përdorur kriteret teknologjike.”

Gjatë prezantimit të tij, Dr. Špilek shpjegoi qartë rëndësinë e planifikimit strategjik dhe qasjes shkencore në përzgjedhjen e vendndodhjes për terminalet intermodale. Ai theksoi se metoda AHP (Analytic Hierarchy Process) mundëson marrjen e vendimeve komplekse përmes analizës së disa kritereve, ku faktorët teknologjikë janë thelbësorë për zgjedhjen optimale të vendndodhjes.

Ligjërata u prit me interes të madh nga pjesëmarrësit dhe nxiti diskutime të frytshme mbi aplikimet praktike të kësaj metodologjie në fushën e logjistikës dhe transportit./Media Ndërtimi

Continue Reading

Aktuale

UP-ja renditet në vendin e 14-të në renditjen botërore për arkitekturë dhe inxhinieri civile

Published

on

Universiteti i Prishtinës është renditur i 14-ti në renditjen botërore universitare të platformës ndërkombëtare INSPIRELI për arkitekturë dhe inxhinieri civile, në një renditje që ka përfshirë 1320 universitete nga e mbarë bota.

Kjo renditje është falë suksesit të vitit të kaluar të studentëve të vitit të pestë të Fakultetit të Arkitekturës të UP-së, të cilët arritën rezultate të shkëlqyeshme në konkursin ndërkombëtar të studentëve “Inspireli”, duke fituar vendin e parë në tri nga gjashtë kategoritë me projektet e tyre në kuadër të resortitturistik “Miris Garden” në Zarë të Kroacisë.

Projektet fituese, të cilat u përzgjodhën nga 163 projekte konkurruese prej 38 vendeve të ndryshme, u punuan nga Besjana Ramadani, Alma Sylejmani dhe Adissa Hajdari – qendër tregtare (mentore: prof. ass. dr. Arta Xhambazi); Era Pelaj, Ermonda Gashaj dhe Elton Bajramaj – projekti i hotelit (mentore: prof. ass. dr. Rozafa Basha); si dhe Lendrit K. Krasniqi, Lirigzon Olluri dhe Albion Hetemi – projekti i apartamenteve (mentore: prof. ass. dr. Rozafa Basha).

Ky konkurs, i nisur nga “Inspireli”, ofroi jo vetëm një mundësi të rëndësishme arsimore, por edhe rriti ndjeshëm ekspozimin global të studentëve ndaj zhvillimit të praktikës arkitekturore.

“INSPIRELI World Architecture University Ranking” mbështetet në aktivitetin e studentëve dhe suksesin ndërkombëtar në kontekst krahasimtar global./Media Ndërtimi

Continue Reading

Trending