Connect with us

Aktuale

Rinovimi i stadiumit “Adem Jashari”, shpresë për rilicencimin e tij nga UEFA

Published

on

Një rinovim i mundshëm i stadiumit të Mitrovicës “Adem Jashari” do t’i hapte rrugë Federatës së Futbollit të Kosovës që të kërkonte nga UEFA rilicencimin e këtij stadiumi.

Aktualisht ky stadium i takon kategorisë së dytë, por për rilicencimin e tij nga UEFA do të duhej t’i përkiste kategorisë së katërt sipas rregullores së UEFA-s dhe FIDIC.

Në një njoftim të FFK-së thuhet se edhe pse shpallja dhe përfundimi i tenderit për rinovimin e stadiumit “Adem Jashari” është bërë nga Ministria e Kulturës Rinisë dhe Sportit, rinovimi ende nuk ka filluar.

“FFK e sheh si mundësi që ta kërkojë rilicencimin e këtij stadiumi nga Komisioni i UEFA-s, në mënyrë që ai të shfrytëzohet për ndeshjet parakualifikuese për Ligën e Kampionëve, ku me shumë mundësi FFK prapë do të jetë organizatore e ndeshjeve të grupit”, thuhet në njoftim.

Kurse mundësia e kërkesës për rilicencim do të shqyrtohet në javët në vazhdim.

“Gjithsesi në javët në vazhdim pas kalimit të situatës së pandemisë do të shqyrtohen mundësitë nëse do të kërkohet rilicencimi nga UEFA apo do të fillojë realizimi  i projektit të MKRS-së për rinovimin e tërësishëm”, përfundon njoftimi.

Në anën tjetër Ibër Alaj, drejtor i Departamentit të Sportit të Ministrisë së Kulturës, Rinisë dhe Sportit, në një prononcim për KOHA.net ka thënë që punimet në këtë stadium nuk kanë filluar për arsye të situatës së krijuar nga pandemia COVID-19.

“Punimet nuk kanë filluar akoma për arsye të koronavirusit Covid – 19, pasi tash i kemi bërë të gjitha parapërgatitjet, duke përzgjedhur mbikëqyrjen e punimeve. Por në këtë situatë pandemie, të gjitha palët e përfshira në realizimin e projektit, prioritet e kanë shëndetin. Në momentin e krijimit të kushteve, do të fillohet me punime”, ka thënë Alaj.

Për rinovimin i cili do të mundësonte edhe shfrytëzimin e stadiumit edhe si stadium alternativ i Kombëtares së Kosovës, ishte njoftuar vitin e kaluar nga Komuna e MItrovicës përmes një njoftimi në të cilin thuhej se investimin për rinovim do t’a bëjë Ministria e Kulturës Rinisë dhe Sportit, kurse shpronësimet përrreth Komuna e Mitrovicës.

“Hartuesit e projektit kanë prezantuar projektin madhor për renovimin e stadiumit “Adem Jashari”, i cili do të kushtojë mbi 12 milionë euro. Projekti parasheh renovimin e tërësishëm të stadiumit, të ketë parking publik, parkingun për VIP, parkingun për media, park rekreativ, fushat tjera ndihmëse si dhe hapësirën për tifozët musafir”, thuhej në njoftimin e lëshuar nga Komuna e Mitrovicës në Nëntor të 2019-ës.

Click to comment

You must be logged in to post a comment Login

Leave a Reply

Aktuale

KAWA Group, tashmë pjesë e industrisë së ndërtimit në Mbretërinë e Bashkuar

Published

on

Kompania e njohur e ndërtimit KAWA Group, sapo ka inauguruar hapësirën në qendër të Londrës.

Përmes një ceremonie festive është hapur hapësira më e re e KAWA Group, e cila edhe zyrtarisht do të operoj në Mbretërinë e Bashkuar,

KAWA Group do të bëj eksportin e shtëpive modulare, kabinave, kontejnerëve, përpunimin e kuzhinave, dyerve dritareve dhe gjithçka tjetër rreth produkteve të drurit e metalit.

https://www.facebook.com/profile.php?id=61554337212013

https://www.instagram.com/kawagroup.uk/

Këtë vit, KAWA Group do të shënoj vitin jubilar, 15 vjetorin e themelimit, ndërsa si kompani vazhdon të jetë liderë në tregun e ndërtimeve.

Përgjatë viteve, KAWA i ka shtuar gamës së gjerë të ndërtimeve, njësi tejet inovative të banimit dhe biznesit.

Pas zyrës së hapur në Londër, KAWA Group shumë shpejt pritet që rrjetin e operimit ta zgjeroj edhe në qendrat kryesore të Evropës./Media Ndërtimi

Continue Reading

Aktuale

Përfaqësuesit e personave me nevoja të veçanta kërkojnë t’iu sigurohet transporti për punë

Published

on

Në Komisionin për Qeverisje Lokale, Administratë Publike, Zhvillim Rajonal dhe Media është mbajtur dëgjim publik për ndryshim plotësimin e Ligjit për zyrtarët publik. Kërkesa për votimin e këtij projektligji patën personat me aftësi të kufizuar, të cilët me anë të saj kërkojnë transport dhe mundësimi i punës online.

Përfaqësuesi i personave me aftësi të veçanta, Gentrit Zeqiri, është shprehur se mungesa e kushteve për transport po ua vështirëson krijimin e kushteve për punë të këtyre zyrtarëve.

“Propozimi i parë ka qenë sigurimi i transportit të zyrtarëve me nevoja të veçanta nga shtëpia në punë dhe anasjelltas dhe propozimi i dytë, është të ju lejohet zyrtarëve me aftësi të veçanta të punojnë edhe nga shtëpia së paku 3 ditë në javë. Sa i përket propozimit të parë është t’iu sigurohet transporti për shkak të mungesës së qasjes ku kemi shume raste, ankesa të këtyre zyrtarëve përkundër faktit që pranohen në shumë punë…për shkak të transportit ata detyrohen t’i lënë këto punë për shkak të vështirësive që kanë”, tha Zeqiri.

Për Zeqirin është e rëndësishme edhe mundësimi i punës online për këta zyrtarë, sipas tij kërkesa e këtij grupi është të mundësohet puna nga shtëpia së paku për tri ditë./Media Ndërtimi

Continue Reading

Aktuale

Mbi 70 biznese promovohen në panairin “Pan Expo Group-Kosova 2024”

Published

on

Është hapur Panairi i Përgjithshëm Ndërkombëtar “Pan Expo Group-Kosova 2024”, në Prishtina Mall, për herë të parë në Kosovë, ku po marrin pjesë mbi 70 biznese nga vendi, rajoni dhe më gjerë.

Qëllimi i këtij panairi është që kompanitë pjesëmarrëse të ndajnë eksperiencën e tyre me njëra- tjetrën, të mund të shpalosin ofertat e tyre, si dhe të tërheqin klientë dhe bashkëpunëtorë rinj.

Përveç kësaj, qëllim tjetër i këtij organizimi është promovimi i ndërmarrësisë, inovacionit si dhe edukimit të gjeneratave të reja për iniciativën e lirë në biznes.

Organizimi i këtij panairi u vlerësua shumë i rëndësishëm edhe nga vetë bizneset pjesëmarrëse, për çka edhe u shprehën të kënaqur me mundësinë e dhënë për të promovuar produktet dhe shërbimet e tyre.

Drejtoresha e “Pan Expo Group”, Elisa Stefa tha se pavarësisht sfidave të kaluara për organizmin e një panairi të tillë, është e kënaqur me pjesëmarrjen, kualitetin dhe cilësinë e bizneseve. Ajo tregoi se në këtë panair po marrin pjesë biznese nga Kosova, Shqipëria, Maqedonia e Veriut, Mali i Zi dhe vende të tjera jashtë rajonit.

Panairi “Pan Expo Group-Kosova 2024” do të jetë i hapur deri më datën 19 maj. Përgjatë ditëve të panairit do të ketë showroom-e, prezantime live, seminare, aktivitete dhe konferenca./Media Ndërtimi

Continue Reading

Trending