Connect with us

Aktuale

Reka e Lekaj përplasen rreth korridorit rrugor të Serbisë nëpër Kosovë për Shqipëri

Published

on

Ministri i Integrimeve Evropiane, sot në seancën e Kuvendit të Kosovës, Blerim Reka, është munduar ta sqarojë deklaratën e tij të dhënë për një televizion, ku ndër të tjera thotë se Kosova mund t’i japë qasje Serbisë për në Detin Adriatik.

Reka tha se kjo sakrificë do të bëhej vetëm nëse Kosovës do t’i kërkohej për ta siguruar ulësen në Organizatën e Kombeve të Bashkuara.

“Në pyetjen se për ulësen në OKB a duhet të japim territor, përgjigja ishte e qartë dhe e prerë: nuk ka territor për ulëse në OKB, sepse integriteti territorial dhe sovraniteti shtetëror janë të garantuara me Kushtetutë dhe janë të panegociueshme. Në insistimin se cili do të ishte kompromisi, them: ndoshta mund t’i lejojmë si kompromis të fundit daljen në Detin Adriatik, përmes autostradës së Kosovës, Serbisë, por kur e themi t’i lejojmë, jemi ne ata që vendosim dhe për çka ia lejojmë është ulësja në OKB”, tha Reka, raporton Express.

Ndërkohë ai shtoi se ish-ministri i Infrastrukturës në Qeverinë Haradinaj, Pal Lekaj, kishte përmendur koridorin qysh nga viti 2017.

“Ministri i qeverisë suaj Pal Lekaj, në vitet 2017, 2018, 2019, po citoj: Prezantohet projekti i autostradës Prishtinë-Merdarë-Nish, citoj: jam i lumtur se viti 2018 do të përmbyllet me lajme të mira sic është realizimi i kësaj autostradës, 20 dhjetor 2018. Më 25 dhjetor 2017, Lekaj flet për autostradën Prishtinë-Merdarë-Nish, ja çka përfiton Kosova, dhe vetëm në një fjali, ministri juaj përdor fjalën koridor, Kosova përmes këtij koridori do të ketë qasje të shpejtë me koridoret kryesore të rajonit dhe me koridoret e Evropës”, ka thënë Reka.

Mirëpo i shpejtë ishte edhe reagimi i Lekajt. Ai tha se asnjeherë nuk është menduar që Serbisë t’i jepet një korridor i tillë dhe se projekti në fjalë ka qenë panevropian.

“Më vjen keq që në këtë moment që gjendet Kosova, ne merremi me fjalë mashtruese, që asnjëherë në bindjen time ka qenë që ne të japim korridore, apo t’i lejojmë Serbisë që të ketë dalje në Adriatik. Është për t’u çuditur se si mund të manipulohet me projekte që janë panevropiane. Nëse nuk e ka lexuar ministri ka qenë diçka për procesin e Berlinit dhe në këtë marrëveshje kanë hyrë të gjitha autostradat panevropiane, por asnjëherë nuk është menduar që të ketë korridor për Serbinë”, tha Lekaj.

Në fund të kësaj replike foli shkurtimisht edhe një herë ministri Reka, i cili tha se korridorin për Serbinë e ka gjetur nga qeveritë e kaluara, nuk e ka sjellë ai.

“Korridorin nuk ua solla unë, e gjeta te ju”, tha në fund Reka.

Click to comment

You must be logged in to post a comment Login

Leave a Reply

Aktuale

Era Thaqi do ta përfaqësojë Kosovën në Olimpiadën Ndërkombëtare të Fizikës

Published

on

Era Thaqi ka vizituar NASA-n në vitin 2022, ndërsa këtë vit është pranuar në dy universitete amerikane. Së shpejti ajo do ta përfaqësojë Kosovën edhe në Olimpiadën Ndërkombëtare të Fizikës, në Japoni.

Në fund të klasës së nëntë, Era kishte filluar të interesohej për kodimin dhe mbajtjen e kurseve të ndryshme.  Me këtë rast i janë ofruar disa mundësi.

Prej këtyre mundësive ajo ka veçuar vizitën në Amerikë, në Virginia Tech University dhe në Agjencinë amerikane të hapësirës – NASA.

Mirëpo, ky nuk është suksesi i vetëm i saj, pasi ajo është pranuar në dy universitete amerikane, me bursë të plotë.Studimi në Amerikë është një realizim ëndrre për të, pasi ajo që e vogël e kishte menduar që të studionte atje.Aplikimi në universitetet amerikane ka filluar që prej gushtit të vitit 2022, ku ajo ka treguar procedurat nëpër të cilat ka kaluar, duke u testuar në ese, dhe teste të standardizume.

18-vjeçarja ka aplikuar në 7 universitete amerikane (4 prej tyre bëjnë pjesë në grupin ‘Ivy League Universities’) dhe është pranuar në dy prej tyre, në Universitetin e Princeton dhe Brown. Si rezultat, ajo ka treguar se cila është fusha që ka zgjedhur ta studiojë në Princeton.

“Studioj në fushën e Inxhinierisë Elektrike dhe Kompjuterike, edhe kam vendos me bë një kombinim me neruo-shkencën, për shkak se po du me gjet lidhjen ndërmjet këtyre dy fushave që mundet me pas efekt në zgjidhjen e problemeve” – ka thënë Thaqi për Kallxo.com.

Lajmin se është pranuar në këto univeristete e kishte marrë më 30 prill, dhe kjo e ka emocionar atë, duke u ndjerë jashtëzakonisht e lumtur pasi që ia ka arritur qëllimit dhe i është shpërblyer puna që ka bërë për një kohë të gjatë.Se a mendon që do t’i ndihmojnë mësimet e deritanishme nga shkollimi në Kosovë, Era ka thënë se për nga pjesa teorike mendon që do t’i ndihmojnë, mirëpo në pjesën praktike ajo është dashur vet të interesohet./Media Ndërtimi

Continue Reading

Aktuale

Ekspozita “Vizione të aktivizimit të potencialeve të lumit Vjosa” mbahet në Tiranë

Published

on

Në sheshin “Nënë Tereza” në Tiranë, të mërkurën më 7 qershor 2023, në ora 10:30, do të mbahet ekspozita “Vizione të aktivizimit të potencialeve të lumit Vjosa”

Kjo ekspozitë vjen si rezultat i punës studimore të bërë nga një grup profesorësh dhe studentësh nga Fakulteti i Arkitekturës e Urbanistikës së Universitetit Politeknik të Tiranës dhe nga Departamenti i Arkitekturës në Pescara, të Universitetit “G. d’Annunzio” të Chieti-Pescara, Itali., në bashkëpunim me Agjensinë Kombëtare të Planifikimit të Territorit, AKPT në Shqipëri./Media Ndërtimi

Continue Reading

Aktuale

Ambasadori suedez: Nuk kam informacione se diaspora kosovare po i shpërlan paratë në blerjen e banesave

Published

on

Ambasadori suedez në Kosovë, Jonas Westerlund, ka thënë se ka shumë persona nga diaspora kosovare në Suedi që blejnë banesa në Kosovë. Ai mohoi se ka informacione se në këtë mënyrë mërgimtarët po shpëlajnë paratë.

Ambasadori në emisionin “Kallxo Përnime” ka thënë se do të ishte shumë më mirë nëse ata mund të mbështesin investimet.

“Unë mendoj se vërtetë po i mbështes disa prej ideve të qeverisë aktuale për të krijuar një lloj fondi, një fond sovran, i cili do të mund të kontribuojë me këtë. Por unë jam me fat në kuptimin që diaspora në Suedi nuk më ka pyetur të paktën për këtë” – tha ai.

Ai ka shtuar se ka shumë njerëz që po pyesin se si mund të investojnë në Kosovë.

“Sa i përket korrupsionit, unë nuk kam informacion, unë e di që po financojmë aktivitete kundër korrupsionit në vend, por nuk kam asnjë informacion më të detajuar për këtë” – tha Westerlund

Continue Reading

Trending