Connect with us

Infrastrukturë

Që 2 vjet Fabrika e kromit në Gjakovë vazhdon të jetë e mbyllur

Published

on

Fabrika e pasurimit të kromit në Devë tash e dy vjet e gjysmë vazhdon të jetë e mbyllur. Përveç mungesës së lëndës së parë dhe çmimit të ulët në treg të koncentratit të kromit, edhe renta minerare e ngritur në 9 për qind nga Ministria e Financave në Shqipëri, ka bërë që kjo fabrikë të mos përpunojë më as edhe një gram krom.

Kjo fabrikë në Gjakovë, e cila gjendet vetëm 15 kilometra afër pikës kufitare në Qafë Prush, është furnizuar historikisht me lëndë të parë, import 100 përqind nga Shqipëria, në zonat e Hasit dhe Tropojës.

Për t’u vënë në funksion kjo fabrikë, drejtues të saj dhe biznesmenë të tjerë për minerale të ngurta nga Shqipëria kërkojnë që kjo rentë minerare që aplikohet nga autoritetet e Shqipërisë të hiqet në tërësi, ashtu siç ka vendosur ekzekutivi atje për përpunuesit e kromit brenda Shqipërisë.

Ekzekutivi i Shqipërisë në fillim të vitit 2021, pati ndryshuar ligjin për taksat kombëtare dhe kështu ka pezulluar renten minerare, për tre vjet zero vetëm për përpunuesit e mëtejmë të mineralit të kromit, në uzinat e ferrokromit dhe fabrikat e pasurimit të kromit.

Kjo nismë sipas qeverisë kishte ardhur për t’iu dalur në ndihmë industrisë minerare atje e cila është prekur nga efektet e pandemisë Covid-19.

Derisa, Ministria e Financave e Qeverisë së Shqipërisë dhe dogana e këtij shteti, nuk janë përgjigjur për KosovaPress lidhur me kërkesat e fabrikës së kromit në Gjakovë.

Pronari njëherësh edhe administratori i përgjithshëm i fabrikës së pasurimit të kromit në Gjakovë, Bukurosh Koçi thekson për KosovaPress, se importimi i lëndës së parë nga Shqipëria paraqet vështirësi për punën e tij në Kosovë.

Koçi thotë se taksa rentë minerare në eksport që shteti shqiptar aplikon për blerjet që bëhen nga fabrika e tij, janë shumë të larta.

Koçi shton se renta është 9 përqind mbi çmimin e referencës dhe jo për çmimin e blerjes, çka rëndon importuesin, në këtë rast fabrikën e pasurimit të kromit në Devë, në mënyrë të drejtpërdrejt.

“Në vitin 2022, në janar, ne u bëmë gati të fillojmë punën, por për arsye të mungesës së lëndës së parë ne nuk arritëm të fillojmë. Dhe shkaku tjetër është, sepse qeveria shqiptare ka vendosur një rentë për mineralin e varfër 9 për qind të vlerës së mineralit, kjo nuk është 9 për qind e faturës ose vlerës që ne e blejmë, por është më shumë, sepse bazohet tek një çmim reference që vendos një komision i caktuar nga Ministria e Financave. Sot në Qafë Prush ka mbi 20-30 mijë ton krom që nuk mund të importojmë ne, për arsye se renta është një vlerë shumë e madhe, dhe për këtë ne nuk mund ta marrim, për arsye se rezultojë me humbje. Kështu që nëse kjo rentë do të jetë më e ulët siç është në Shqipëri, e cila është bërë zero për tri vjet, ne do të ishim të gatshëm të fillojmë të blejmë dhe të vendosim fabrikën në punë. Kjo i përket pjesës së Shqipërisë”, thekson Koçi.

Investitori nga Shqipëria në Gjakovë, po kërkon nga Qeveria Shqipërisë të hiqet në tërësi renta minerare sikur për fabrikat e pasurimit të kromit që operojnë në Shqipëri.

Koçi më tej ka thënë se vënia në punë e kësaj fabrike, do t’i fuste në funksion rreth 20 miniera në zonën Hasit, Tropojës dhe Kukësit.

“Mendoj se do të ishte mirë të ishte zero renta, njësojë sikur në Shqipëri për tre vjet që është bërë zero. Dhe kjo është një ndihmë e madhe, sepse menjëherë i vuri në efiçiencë të gjitha fabrikat, ose një pjesë të madhe të këtyre fabrikave në punë”, thotë ai./Media Ndërtimi.

Infrastrukturë

Gjykata Supreme kërkon objekt me qira prej 1500 m², po largohet nga objekti milionësh

Published

on

Objekti i ofruar duhet te ka sipërfaqe te shfrytëzueshme prej se paku 1500 m².

Gjykata Supreme ka njoftuar të gjithë të interesuarit së janë duke kërkuar objekt me qira.Në njoftim, ata theksojnë se kanë nevojë për një objekt që përshin rreth 40 zyra dhe një sallë gjykimi.

Edhe pse objekti i Pallatit të Drejtësisë është një projekt shumë milionësh, përsëri po del të jetë i pamjaftueshëm për të gjitha institucionet e drejtësisë.

Instanca më e lartë e sistemit të rregullt të gjyqësorit, Gjykata Supreme është në kërkim të një hapësire mbi 1500 m² për mbarëvajtjen e punëve.

Pallati i Drejtësisë, një investim prej 30 milionë eurosh shumica e të cilave donacion i BE-së, është inauguruar në mars të vitit 2015, shkruan Kallxo.com.

“Objekti i ofruar duhet te ka sipërfaqe te shfrytëzueshme prej se paku 1500 m².” – thuhet në ftesën publike të Gjykatës Supreme.

Ky projekt, që nga inaugurimi i tij, pati mjaft ankesa, ku disa herë punëtorët janë alivanosur e kanë hyrë në grevë shkaku i mungesës së ajrit.

Punëtorët madje kanë protestuar për kushtet e punës në këtë objekt.

Në këtë objekt janë të akomoduara të gjitha instancat e sistemit gjyqësor e në gusht të këtij viti iu shtua edhe Gjykata Komerciale./Media Ndërtimi.

Continue Reading

Infrastrukturë

Tubacioni i projektit të Arabisë Saudite vlerësohet në 1.1 trilion dollarë

Published

on

Industria e ndërtimit të Arabisë Saudite vazhdon të udhëheqë rajonin e Lindjes së Mesme dhe Afrikës së Veriut (MENA), pavarësisht nga kushtet makroekonomike që ndikojnë në sektor në nivel global, sipas Raportit të Inteligjencës së Tregut të Ndërtimit të KSA të JLL TM4 2022.

Arabia Saudite thuhet se ka dëshmuar vlerën më të lartë të çmimeve të projektit në vitin 2022, duke demonstruar përkushtimin e saj për të transformuar vendin në përputhje me Vizionin e saj 2030.

Është raportuar se, që nga tetori i vitit 2022, Mbretëria e Arabisë Saudite (KSA) mban një pjesë të tregut prej 35% me një vlerë të regjistruar 31 miliardë dollarë çmime kontratash kundrejt një totali të përgjithshëm MENA prej 87 miliardë dollarësh, siç gjurmohet nga kompania botuese e mediave Projektet MEED – dikur Digest Ekonomik i Lindjes së Mesme.

Vlerësohet se vlera e tubacionit të vendit për projektet e paakorduara është 1.1 trilion dollarë. Kjo përfshin projekte që nga faza e studimit deri te oferta e kontraktorit kryesor.

Përafërsisht 70% përbëhen nga projekte të sektorit të ndërtimit me banim, kulturor, argëtim dhe mikpritje në ballë, që është forca shtytëse e strategjisë Vizioni 2030.

Vlera totale e projekteve të dhëna në Arabinë Saudite midis 2021 dhe 2025 do të arrijë një total prej 569 miliardë dollarësh, me 85 miliardë dollarë (15%) të dhëna deri më sot përgjatë viteve 2021 dhe 2022 (fundi i tetorit)./Media Ndërtimi.

Continue Reading

Infrastrukturë

Kosova dhe Shqipëria kanë themeluar kompani të përbashkët në Bursën e Energjisë Elektrike

Published

on

Shqipëria dhe Kosova janë ndër vendet e para të prekura nga rritjetet e çmimeve të energjisë. Bashkëpunimi i dy vendeve konsiderohet si çelësi për të përballuar krizën e çmimeve të energjisë elektrike e cila i shtohet çështjes së pavarësisë energjetike, duke vazhduar drejt zhvillimit te qëndrueshëm, me cilësi të lartë dhe kosto sa më të ulët për konsumatorin.

Në një raport të publikuar rreth “Bashkëpunimit Kosovë-Shqipëri në fushën e energjisë: si të përfitohet më shumë nga komplementariteti?”, shkruan se të dyja vende kanë themeluar si shoqëri aksionare të përbashkët Bursën Shqiptare të Energjisë Elektrike (ALPEX) në pronësi të operatorëve të sistemit të transmetimit  ku do të operojë në tregjet e ditës përpara dhe brenda ditës si në Shqipëri ashtu edhe në Kosovë, duke treguar modelin unik evropian.

Gjithashtu të dy vendet kanë themeluar tregun e përbashkët të energjisë dhe janë dakorduar për bashkëpunim në përmbushjen e nevojave te balancimit të energjisë.

“Bashkëpunimi duhet të pasurohet dhe avancohet duke i realizuar marrëveshjet e bashkëpunimit lidhur me tregun e përbashkët energjetikë, funksionalizimin e Bursës Energjetike ALPEX, planifikimin e balancimeve të nevojave dhe të përmbushjes së tyre”, shkruan në raportin e publikuar nga Instituti Riinvest.

Sistemet energjetike të Kosovës dhe Shqipërisë kanë nevojë që të rrisin qëndrueshmërinë, feksibilitetin dhe sigurinë e furnizimit. Aktualisht përpos infrastrukturës dhe infrastruktura legale e cila kishte marrëveshjet midis dy qeverive  nuk ka projekte të përbashkëta të gjenerimit të energjisë elektrikë me investime publike dhe private.

Kosova ka një dominim të prodhimit nga linjitit, po ashtu është në një pozicion më thelbësor se Shqipëria lidhur me kalimin e rrjeteve ndërkombëtare, të pa shfrytëzuar sa duhet lidhur me elektricitetin apo edhe pa ndërlidhur me gazsjellësit ndërkombëtarë.

Shqipëria mundë të bashkëpunojë me Kosovën për prodhimin e gazit dhe kimizimin e thëngjillit për zhvillimet teknologjike, ku me një investim të përbashkët mund ti rivitalizojmë blloqet e temocentralave.

“Të dy vendet mund të bashkëpunojnë lidhur me shfrytëzimin e potencialeve të linjitit në Kosovë për prodhim të gazit dhe kimizimin e thëngjillit në pajtim me zhvillimet teknologjike e kërkesat e Agjendës së Gjelbër. Një projekt i investimeve të përbashkëta mund te jetë edhe rivitalzimin e blloqeve ekzistuese të termocentraleve të TC “Kosovës A” për një periudhë 15-20 vite të tranzicionit energjetik”, shkruan tutje në këtë raport.

Shumë shpejt, pritet që Bursa Shqiptare ALPEX, do të jetë likuide dhe për kompanitë publike pjesë të bursave rajonale, duke përfshirë opsionet e bashkimit me rajonin, dhe vendet e BE-se si Italia dhe Greqia. Kjo do të bëjë që energjia elektrike të ndjekë sinjalin e çmimeve, në një treg referencial shumë më të gjerë dhe të besueshëm.

Në propozim-projektin e Strategjisë së Kosovës për periudhën 2022-2031, është theksuar rëndësia e bashkëpunimit lidhur me integrimin e tregut që do bëhet në vitin 2023, si dhe funksionalizimit të plotë të bursës ALPEX.

Sa i përket investimeve të përbashkëta, është theksuar se do të investohet në termocentralet me gaz natyror, lidhur me opsionin e shfrytëzimit të infrastrukturës së gazit të planifikuar në Shqipëri.

Më herët po ashtu është finalizuar krijimi i bllokut të përbashkët të balancimit të dy zonave rregulluese Shqipëri-Kosovë. Ku u realizua përmes një angazhimi të madh me ndihmën e ENTSO-E duke tejkaluar kundërshtitë e Serbisë./Media Ndërtimi.

 

Continue Reading

Trending