Connect with us

Infrastrukturë

Hitachi nxjerr në treg ekskavatorin më të ri

Published

on

Prodhuesi i pajisjeve Hitachi ka lançuar ekskavatorin ZX390TC-7 si pjesë e gamës së tij të ekskavatorëve të mesëm Zaxis-7

Me një motor në përputhje me Stage V dhe teknologjinë Zaxis, kompania tha se makina është prodhuar si rezultat i kërkesës në rritje për makineritë e klasës 40-t që vijnë nga tregu evropian i ekskavatorëve.

Sipas Hitachi, makina siguron “qëndrueshmëri të jashtëzakonshme” për aplikime të rënda dhe projekte prishjeje dhe është përshtatur për të punuar me mjete më të mëdha pune.

Makina është në gjendje të mbajë mjete deri në pesë tonë për shkak të cilindrave të bumit dhe kovës, si dhe një lidhje të përforcuar një klasë më të lartë.

Sistemi i plotë i kontrollit hidraulik i ZX390TC, i cili mund të ndryshohet nga sedilja e operatorit, është i përshtatshëm për çdo lidhje që kërkohet.

Duke komentuar stabilitetin dhe sigurinë e makinës, Hitachi tha se ZX390TC-7 ka një shtresë të poshtme të fortë 25 cm më të gjatë se standardi ZX350LC-7 dhe furnizohet me një kundërpeshë shtesë prej 1.4 t.

Kabina e mbrojtjes nga goditjet anësore dhe specifikimet e prishjes me nivel mbrojtës FOPS 2 dhe xhami sigurie P5A me specifika të larta mbron më tej operatorin gjatë funksionimit. Për të përmirësuar fushën e shikimit nga kabina, sistemi i kamerës Aerial Angle ofron një pamje 270 gradë nga syri i shpendëve./Media Ndërtimi.

Infrastrukturë

‘Qytetarët Aktivë’: Komuna e Prishtinës dështon për procedura të rregullta në oborrin e shkollës “Metro Bajraktari”

Published

on

Komuna e Prishtinës edhe njëherë dështon për procedura të rregullta, transparencë dhe gjithëpërfshirjes, me ndërhyrjen në oborrin e shkollës Metro Bajraktari në hapësirën e gjelbërt , ku tani një pjesë është ndërtuar  parking për kombibus të shkollës.

Me kërkesë të disa prindërve të cilët i janë drejtuar Qytetarëve Aktivë që nga nëntori 2022, e të cilët janë injoruar si nga Drejtoria e shkollës, po ashtu edhe nga Komuna për transparencë lidhur me këtë intervenim.

Qytetarët Aktivë kanë kërkuar qasje në dokumentet publike: vendimi/pëlqimi, kërkesa e shkollës, kërkesa dhe procesverbali i këshillit të prindërve, dokumentet e analizës së intervenimit.

Por deri më tani Znj. Zana Zeqiri – Drejtoreshë e shkollës Meto Bajraktari nuk i është përgjigjur kërkesave asnjëherë, znj. Besiana Musmurati- Drejtoreshë e Arsimit po ashtu nuk është përgjigjur,  vetëm nga Drejtoria e Investimeve Kapitale janë përgjigjur me shkrim për arsyen e intervenimit në hapësirën e gjelbërt të shkollës.

Pas gati disa muajsh me kërkesa, Komuna më në fund jep përgjigje që nuk posedon asnjë dokument zyrtar të vulosur, nënshkruar dhe protokolluar apo kërkesën e prindërve/drejtorisë të shkollës për këtë investim.

Edhe njëherë në vendin tonë dëshmohet se e drejta e qytetarëve është selektive.

Tani mbetet në veprimin e rradhës nga prindërit e kësaj ankese.

Faleminderit Agjencisë për Informim dhe Privatësi për shqyrtimin e së drejtës së qytetarit në qasje për dokumentet publike.

Qytetarët i falemnderojmë për besimin dhe i inkurajojmë të na drejtohen me shqetësimet kolektive të ndërhyrjeve jashtëligjore në mjedis.

Continue Reading

Infrastrukturë

Objekti i ri i shkollës në Vraniq mund të përfundohet në fund të këtij viti

Published

on

Minsitria e Arsmit, Shkencës, Teknologjisë dhe Inovacionit (MASHTI), është deklaruar lidhur me shkollën “Dëshmorët e Kombit” në fshatin Vraniq të Suharekës.

Nga Departamentit të Infrastrukturës në këtë ministri kanë pohuar se sipas kantatës ka qenë e paraparë që me 16 qershor 2022 të përfundojnë punimet për finalizimin e objektit të ri të shkollës “Dëshmorët e Kombit” në Vraniq.

“Më datë 14.06.2022 ka qenë e paraparë me kontratë që të përfundojnë punimet. (Kontrata është 3 vjeçare nga data e nënshkrimit)”- thuhet në përgjigjen e ministrisë.

Mirëpo, MASHTI ka dhënë disa arsyetime se përse një gjë e tillë nuk ka ndodhur ende.

“Vonesa në fillim të punëve për arsye të piketimit, krijimit të kushteve për ndërtim, (krijimi i stabilitetit të objektit për arsye të kategorisë së dobët të tokës si gërmim, ngjeshje, zhavorr, etj); Vonesat janë paraqitur edhe nga Marsi i vitit 2020 kur ka filluar Pandemia Covid 19, nuk është punuar me dinamikë ashtu siç ka qenë e paraparë; Ngritja e çmimeve në treg ka bërë që projekti të ngadalësohet në realizim e sipër, siç jeni të njoftuar për ngritjen çmimeve nga Marsi-Prilli i vitit 2022” – ka qenë përgjigja e ministrisë të cilët kanë bërë të ditur se vlera e kontratës për ndërtimin e objektit të ri në SHFMU “Dëshmorët e Kombit” është 1,182, 931.10 euro.

Gjithashtu, nga MASHTI kanë thënë se nëse nuk ka vonesa për fillimin e punëve, objekti mund të përfundohet në fund të këtij viti.

“MASHTI ka të kontraktuar kompaninë mbikëqyrëse profesionale “ENGGROUP” që ka bërë mbikëqyrjen e punimeve deri më tani. MASHTI në mars të këtij viti do të monitorojë në bashkëpunim edhe me kompaninë mbikëqyrëse dhe punë kryese për fillim të punëve, në të kundërtën mund të formojë komision për shkëputje të kontratës” – ka theksuar MASHTI.

Javën e kaluar Kallxo.com ka vizituar shkollën “Dëshmorët e Kombit” në Vraniq të Suharekës dhe ka raportuar për gjendjen në të cilën ka mbetur ky institucion arsimor.

Karriget e bankat e vjetra e vende-vende të dëmtuara dhe myku nëpër mure e vjetërsia edhe e shkollës edhe nga jashtë ishin disa prej problemeve që kishte evidentuar në këtë institucion shkollor.

Në një prononcim për Kallxo.com Bajram Rraqi, drejtor i kësaj shkolle kishte shpjeguar se një ndër arsyet për gjendjen e saj është vjetërsia që ka objekti i këtij institucioni arsimor i cili është ndërtuar në vitin 1988.

Situatën e shkollës “Dëshmorët e Kombit” në Vraniq e ka cilësuar si shqetësuese edhe Remzi Bajselmani, kreu i Drejtorisë së Arsimit në këtë Komunë. Porse, ai ka thënë se nuk kanë investuar në këtë shkollë ngaqë janë në pritje që nxënësit dhe stafi i kësaj shkolle të dalin në objektin e ri.

Në vitin 2019-të kanë filluar punimet për ndërtimin e ri të objektit shkollor por këto punime ende nuk kanë përfunduar./Media Ndërtimi.

Continue Reading

Infrastrukturë

Në Kosovë janë mbi 300 mijë objekte të ndërtuara pa leje dhe pa pranim teknik

Published

on

Ndërkohë që numri i viktimave nga tërmetet në Turqi e Siri po rritet me kalimin e orëve, në emisionin “Kallxo Përnime” po debatohet se sa është e rrezikuar Kosova nga fatkeqësi të tilla natyrore.

Kreshnik Gashi, redaktor në Kallxo.com, ka folur rreth sigurisë së munguar në ndërtesat e reja që po ndërtohen në qytetet e vendit.

“Fatkeqësia më e madhe është që në Kosovë janë mbi 300 mijë objekte pa leje të cilat nuk kanë pranim teknik. Madje shteti vazhdon t’i lejojë qytetarët të jetojnë në ato ndërtesa të pasigurta. Ata që janë duke na qeverisur nuk e kanë prioritet këtë gjë” – ka thënë Gashi.

Ai më tej ka shtuar që ka objekte të shumta publike të cilat nuk kanë dalje emergjente.

“Objekte të ndryshme nuk kanë vlerësim të rrezikut pra nga dalin njerëzit në raste emergjente. As spitalet s’kanë dalje emergjente. S’kemi plan si të reagojmë në raste emergjente” – ka shtuar më tej ai.

Si pasojë e dy tërmeteve të forta që kanë goditur jugun dhe juglindjen e Turqisë dhe veriun e Sirisë deri më tani kanë vdekur afër 4,000 persona, ndërsa mijëra të tjerë janë lënduar e shumë gjenden nën gërmadha./Media Ndërtimi.

Continue Reading

Trending