Connect with us

Arkitekturë

Projektohet muzeu i arktikës së Norvegjisë

Published

on

Një nga praktikuesit më përparimtarë dhe profesionalë të arkitekturës në të gjithë botën, Henning Larsen, ka zbuluar planet për Muzeun Universitar të Arktikut Norvegjez i cili do të evokojë një kaskadë fenerësh prej qelqi në brigjet e Tromso-s, qytet në veri të Norvegjisë, shkruan Dezeen, transmeton Ndërtimi.info.

Muzeu Universitar i Arktikut të Norvegjisë do të përmbajë një përzierje të artefakteve kulturore dhe arkiva të historisë natyrore të cilat i posedon në pronësi Universiteti i Tromso-s.

Ndërsa i ofron universitetit mjete të përmirësuara, ambicia e Henning Larsen është të përdorë projektin si një mundësi për t’i ofruar qytetit një monument të ri kulturor. Prandaj, propozimi i prioritizon lidhjet e forta me rrethinën e tij dhe ka një formë të guximshme që i ngjan një “grupi të fenerëve me ngjyra të ndezura”.

 

“Projekti bashkon dy programe që kanë qenë të bëra për objekte të ndara: muzeu dhe objektet kërkimore,” tha studio për Dezeen. “ kështu që ndërtesa e re do të ju mundësojë kërkuesve që të punojnë më nga afër me koleksionet”, kanw shtuar nga kjo studio.

“Për më tepër, muzeu është vendosur sot në majën jugore të ishullit, mjaft larg nga qendra e qytetit. Kështu që lëvizja e lokacionit të muzeut do të sjellë prezencë të kulturës në qendër, ndërsa të kundërtën do t’a bënte vendosja e saj në ndonjë skaj”, vazhdoi studio.

“Bregu ujor në Tromso është mjaft industrial dhe ka qenë kështu për shumë kohë me radhë. Përderisa industria fillon të bëhet më pak prezente në qytet ose së paku më pak prezente në qendër të qytetit, mundësia për rritjen e hapësirës publike dhe jetën kulturore vetëm sa rritet”, kanw potencuar ata

Ky muze u dizajnua nga Henning Larsen në bashkëpunim me COWI, Borealis dhe SLA.

Kur të komletohet do të ketë 19,700 metra katrorë dhe do të shtrihet në pjerrtësinë krahas dyqanit ekzistues të koleksioneve të universitetit.

Prioritet i Henning Larsen për shtrirjen e objektit të ri është lidhja që do të ketë me qendrën e qytetit për arsye të tërheqjes së vizitorëve, po ashtu të sigurohet se gjatë gjithë kohës të ketë çasje në një pjesë të qytetit. Për të arritur këtë nëpër qendër të muzeut do të kalojë një shteg i cili ka dalje në pjesën kryesore të qytetit. Pastaj dy shtigje tjera do të kenë prerje me shtegun kryesor dhe ata do të lidhin me lagjet e afërta.

Në plan muzeu ndahet në katër vëllime të dallueshme që i ngjajnë një tërfili me 4 gjethe, ndarje që do zvogëlojë ndikimin vizual të muzeut. Katër volumet do të unifokohen me materialin ndërtues që përfshin një bazë të fortë prej guri e cila futet në kodër. Mbi të, katet e sipërme do të jenë të mbështjellura me qelq ngjyrq qumështi për të krijuar dukjen e fenerit.

Përbrenda muzeu do të përmbajë një numër të ekspozitave dhe mjeteve kërkimore. Në tavanin e hollit më të madh të ekspozitave do të jetë i varur një skelet i një  balene të kaltër. Diku në hapësirat e tij muzeu do të ketë sallë me 200 vende, dhoma të studimeve dhe hapësira të arkivit. Punimet e brendshme do të jenë prej drurit për të bërë një “ thyerje të vogël” të dizajnit të jashtëm.

Si pjesë të projektit, Henning Larsen ka punuar shumë me SLA-në për të zhvilluar hapësirës shtrirëse të muzeut. Kjo përfshinë një amfiteatër të madh me pjerrtësi shkallore për të dyfishuar hapësirën e cila do të jetë e nevojshme për ngjarje dhe tubime publike. Aty gjithashtu do të ketë kopshte dhe oborre që do të përdoren për ekspozimin e “një koleksioni të gjallë rë botanikës dhe gjeologjisë” nga Tomoso dhe regjioni Arktik.

“ Peisazhi është me të vërtetë pjesë e muzeut, është një mundësi fantastike për të tërhequr vizitorë në koleksionin e brendshëm dhe të jashtëm të muzeut”, spjegoi studioja.

Henning Larsen është një firmë e arkitekturës e cila është themeluar në vitin 1959 në Kopenhagë nga arkitekti danez Henning Larsen. Sot kjo kompani udhëhiqet nga Mette Kynne Fandsen dhe Louis Becker dhe është shpërblyer së fundmi me Çmimin Evropian për Arkitekturë.

 

 

 

 

Arkitekturë

Rizhvillimi “i shëmtuar” në Liverpool, fiton çmimin për ndërtesën më të keqe të Britanisë

Published

on

Rizhvillimi i Lime Street në Liverpool nga studio britanike Broadway Malyan është emëruar ndërtesa e re më e keqe në vend në Kupën Carbuncle të këtij viti.

Organizuar nga revista e Mbretërisë së Bashkuar The Fence, gjyqtarët zgjodhën rizhvillimin e Lime Street si “ndërtesën e re shumë të keqe në Britani”, që kur konkursi u zhvillua për herë të fundit në 2018.

“Që nga shikimi i parë, dy nga paneli ynë e kishin këtë si përzgjedhjen e tyre numër një, dhe ndërsa lista e gjatë u ngushtua në një listë të ngushtë, kjo pjesë e tmerrshme e fatkeqësisë arkitekturore vazhdoi të qëndronte jashtë,” tha The Fence në njoftimin e çmimit.

Përfunduar në vitin 2019, dizajni i rizhvillimit të Broadway Malyan përmban panele metalike të gdhendura që përfshijnë një fasadë të rrugës që çon nga stacioni i trenit Liverpool Lime Street.

Panelet e gdhendura përshkruajnë ndërtesat shekullore që u shkatërruan për t’i hapur rrugë rizhvillimit, i cili tani përmban një hotel dhe strehim studentësh.

I ringjallur nga The Fence për vitin 2024, Carbuncle Cup synon të identifikojë ndërtesat më të këqija të Mbretërisë së Bashkuar. Ajo u drejtua çdo vit midis 2006 dhe 2018 nga revista e arkitekturës Building Design (BD)./Media Ndërtimi

Continue Reading

Arkitekturë

Arkitektura e kontrollit: Peizazhet e çuditshme postmoderne të Koresë së Veriut

Published

on

Rrokaqiejt postmodern bashkëjetojnë me monumente socialiste në shtetin e izoluar. Shumë prej fotografive janë të publikuara nga Agjencia Qendrore Koreane e Lajmeve dhe nuk kanë datë se kur janë bërë.

Ndërtesat e larta e shumëngjyrëshe shihen përreth një monumenti të vjetër në Phenian në Korenë e Veriut, 11 shtator 2018, shkruan Radio Evropa e Lirë.

Pamje gjatë natës e distriktit Songhua në lindje të Phenianit, në Korenë e Veriut. Fotoja është publikuar nga Agjencia Qendrore Koreane e Lajmeve (KCNA), por nuk ka datë se kur është bërë.

Udhëheqësi i Koresë së Veriut, Kim Jong Un, gjatë një vizite në një zonë të zhvilluar banimi në rrethin Huaseong në Korenë e Veriut, në këtë foto të publikuar më 6 prill 2024 nga Agjencia Qendrore Koreane e Lajmeve, KCNA.

Pamje e përgjithshme gjatë ceremonisë së hapjes së Fermës së Serës Ryonpho për të shënuar përvjetorin e themelimit të Partisë së Punëtorëve në pushtet, në Korenë e Veriut, në këtë foto pa datë, e cila u publikua më 11 tetor 2022 nga KCNA-ja./Media Ndërtimi

Continue Reading

Arkitekturë

Historia e teknikave të hartimit të hartave në arkitekturë

Published

on

Duke u angazhuar me teknika të ndryshme, hartimi arkitektonik është një hetim ndërdisiplinor në të cilin rrëfimet hapësinore dhe vizuale kryqëzohen për të prodhuar njohuri arkitekturore. Duke ofruar njohuri të zgjeruara për qytetin, hartat alternative shfaqin lidhjen midis topologjisë, hapësirë-kohës dhe kujtesës kolektive për të kuptuar më tej gjërat, konceptet, kushtet, proceset ose ngjarjet që lidhen me atë vend specifik. Si proces i konvertimit të të dhënave në paraqitje hapësinore, hartimi arkitektonik është një hetim urban.

Hartbërja arkitekturore është tregimi i hapësirave kalimtare që shpalosen në kohë brenda sferave urbane. Mënyrat e rrëfimit hartografik janë shfaqur, evoluar dhe avancuar në kërkim të një kuptimi më të thellë hapësinor të qytetit që nga fillimi i praktikës arkitekturore. Megjithatë, ky artikull ka të bëjë me hartën moderne hapësinore dhe teknikat alternative të krijimit të hartave.

E përmendur si puna pioniere në hartimin hapësinor modern nga Felix Mayer, The Nuova Pianta di Roma dokumenton të gjitha ndërtimet e qytetit me një metodë të veçantë por me ndikim. Duke përdorur një perspektivë ortogonale në planimetrinë e tij të figurës, me përdorimin e çeljes dhe konturimit të detajuar, Nolli arrin të krijojë një fluks midis ndërtesave dhe rrugëve, shesheve dhe oborreve të lëna në të bardhë. Përtej regjistrimit të hapësirave pozitive dhe negative, dallimi midis ndërtesave antike dhe postantike dhe dallimet në lartësi midis strukturave tregohen thellësisht.

Hartbërja arkitekturore në studimin e hapësirës shkon përtej përshkrimit të gjendjes ekzistuese; në të kundërt, është një shprehje imagjinative e angazhimit brenda procesit hartografik. Një shembull i jashtëzakonshëm i një angazhimi të tillë mund të shihet në hartën kognitive të Guy Debord, një seri hartash ose udhërrëfyes psikogjeografikë të Parisit, që ilustron leximin e alternuar të qytetit dhe mënyrën e rrëfimit të realitetit të tij imagjinativ. Hartat janë rezultate të të dhënave të Debordit për bredhjet e tij përgjatë qytetit.

Një teknikë bashkëkohore për krijimin e hartave është shtresimi, i cili përfshin mbivendosjen e shtresave të ndryshme të pavarura mbi njëra-tjetrën. Sipas Corner, fokusi i ngushtë i masterplanit të vetëm ose i planit të zonimit, të cilat të dyja grupojnë, prioritizojnë dhe izolojnë elementët përbërës të tyre, nuk mund të japin një thellësi dhe kompleksitet të tillë. Çdo shtresë ka një kornizë, informacion dhe strukturë organizative specifike për përdorimin ose funksionin e synuar.

Nga ana tjetër, një larmi e konsiderueshme burimesh në internet përfshijnë cadmapper.com, mapacad.com dhe schwarzplan.eu, osm2world.org dhe Google Earth përdoren shumë në metodat e hartimit të hartave që mundësojnë përfaqësime me cilësi të lartë në hartimin e hartave arkitekturore. Arritjet në teknologji dhe përparimet në AI do të lejojnë dizajnerët urbanë, arkitektët, arkitektët e peizazhit dhe studentët e fushave të tejkalojnë teknikat e hartimit të hartave dhe të shtyjnë kufijtë e krijimtarisë në mënyrat e përfaqësimit./Media Ndërtimi

Continue Reading

Trending