Connect with us

Transport

Porti i Durrësit dhe Tivarit kanë rëndësi strategjike për transportin detar të Evropës  

Published

on

Bashkimi Europian përmes Komunitetit të Transportit vlerësoi së fundmi se, Porti i Durrësit në Shqipëri dhe Porti i Tivarit në Malin e Zi kanë rëndësi strategjike për transportin detar në rajon pasi e lidhin atë me rrjetin kryesor Europian të transportit.

Në rishikimin e fundit të planit Rajonal të Transportit, Bashkimi Europian vuri në dukje se, Shqipëria do të zhvendosë shërbimet e përpunimit të mallrave nga portet e Durrësit dhe Vlorës, por ndërkohë vlerësoi se është e rëndësishme që vendndodhjet të kenë lidhje hekurudhore dhe rrugore.

“Për sa i përket Porteve Detare të Rrjetit Kryesor Europian (TEN-T) Ballkani Perëndimor, ka dy porte detare, përkatësisht Porti i Tivarit në Mal të Zi” thuhet në analizën e Komunitetit të transportit.

Por përveç këtyre, porti i Vlorës në Shqipëri është përcaktuar si i vetmi port detar gjithëpërfshirës i rrjetit të zgjeruar TEN-T në Ballkanin Perëndimor.

BE vë në dukje se, komponentët e infrastrukturës së transportit detar janë përcaktuar në nenin 20 të Rregullores TEN-T, ndërsa nenet 22 dhe 23 përcaktojnë kërkesat e infrastrukturës së transportit detar dhe prioritetet për zhvillimin e infrastrukturës, shkruan monitor.al.

Komponentët e infrastrukturës që lidhen me transportin detar përbëhen nga hapësira detare, kanalet detare, kalatat duke përfshirë infrastrukturën e nevojshme për operacionet e transportit brenda zonës së portit, lidhja e porteve me mënyra të tjera në rrjetin e transportit trans-evropian, diga, etj.

Kërkesat për infrastrukturën e transportit detar sipas Rregullores TEN-T duhet të sigurojë që portet detare të lidhen me linja hekurudhore, linja rrugore, me rrugë ujore të brendshme, përveç rasteve kur kufizimet fizike e pengojnë një lidhje të tillë.

Në raportin vjetor të TEN-T, BE vlerësoi se portet detare në Ballkanin Perëndimor u vlerësuan në pajtueshmëri me kërkesat kryesore infrastrukturore të përcaktuar nga rregullorja TEN-T.

Mospërputhja për Portin e Durrësi i referohet lidhjes së pjesshme hekurudhore, pasi aktualisht vetëm terminali i portit lindor është i lidhur me rrjeti hekurudhor kombëtar, pra dimensioni multimodal i tij për momentin është shumë i kufizuar.

Porti i Durrësit është aktualisht në përputhje me rregulloren e TENT për lidhjen rrugore. Lidhja me rrugët ujore të brendshme nuk është ende e aplikueshme për Portin e Durrësit.

BE thekson se, lidhur me portet e Durrësit dhe Vlorës në Shqipëri, autoritet vendase kanë vendosur që të dy portet ë shndërrohen në marina të mëdha moderne.

Porti aktual tregtar do të transferohet në Portin e Integruar Tregtar i Durrësit ne Porto Romano (9 km në VP të Durrësit) dhe Porti aktual i Vlorës do të transferohet në Portin e integruar Tregtar të Triportit, Vlorë (11 km në veri të Vlorës)./Media Ndërtimi.

Transport

Avioni elektrik për pasagjerë nis fluturimin për herë të parë

Published

on

Avioni i parë i pasagjerëve tërësisht elektrik në botë është ngritur me sukses në qiell.

Kompania izraelite Eviation Aircraft nisi me sukses avionin e quajtur Alice nga pista në Aeroportin Ndërkombëtar të Grant County në Uashington dhe qëndroi në qiell për 8 minuta.

Sipas kompanisë, avioni nuk prodhon emetime karboni, redukton ndjeshëm zhurmën dhe ka më pak kosto.

“Kjo është histori. Ne nuk e kemi parë ndryshimin e teknologjisë së shtytjes në avion që kur kaluam nga motori me piston në motorin e turbinës. Ishin vitet 1950 që ishte hera e fundit që pamë të bashkohej një teknologji krejtësisht e re si kjo”, tha Gregory Davis, president dhe CEO i Eviation, për CNN Business.

Me teknologjinë e baterive të ngjashme me atë të një makine elektrike, ose një celulari dhe 30 minuta karikim, Alice me nëntë pasagjerë do të jetë në gjendje të fluturojë për një orë dhe rreth 440 milje detare.

Avioni ka një shpejtësi maksimale lundrimi prej 287 miljesh në orë. Për referencë, një Boeing 737 ka një shpejtësi maksimale prej 588 milje në orë.

Eviation u themelua në vitin 2015. Kompania shpreson të përdorë informacionin e mbledhur gjatë fluturimit të së martës për të parë hapat e ardhshëm dhe për t’u dorëzuar aeroplanët te klientët deri në vitin 2027./Media Ndërtimi

Continue Reading

Transport

Aeroporti i Singaporit me plan zgjerimi, do të pranojë 50 milionë pasagjerë më shumë

Published

on

Aeroporti Changi në Singapor prej kohësh është konsideruar më shumë si një pikë turistike, se sa thjesht një hapësirë ku njeriu kalon për të hipur në aeroplan dhe për të fluturuar diku tjetër.

Për një dekadë, ky aeroport mbeti i pamposhtur në çmimet vjetore të Skytrax për “Aeroportet më të mira në botë”, duke e humbur kurorën në vitin 2021 ndaj Aeroportit Ndërkombëtar Hamad të Katarit.

Ndërsa më 2022 ajo ra në vendin e tretë duke u kaluar edhe nga aeroporti Haneda i Tokios.

Teksa kufizimet e udhëtimeve shkaku i pandemisë tashmë janë hequr, zyrtarët e Singaporit kanë vendosur një qëllim të ri – zgjerimin e këtij aeroporti.

Dhe kohët e fundit janë zbuluar detaje për Terminalin 5, i cili do të jetë një shtrirje e re sociale për këtë shtet dhe jo vetëm zhvillim infrastrukturor.

Gjatë festimeve të njërës prej ditëve nacionale të këtij shteti, Kryeministri i Singaporit Lee Hsien Loong, tha se Terminali 5 do të shtojë kapacitetin për rreth 50 milionë pasagjerë në vit.

Numër i madh ky konsideruar se katër terminalet e tanishme mund të pranojnë rreth 82 milionë pasagjerë në vit.

Ndërtimi i këtij terminali pritet të nisë brenda dy viteve, me synim që objekti të hapet në mesin e viteve të 2030-ta.

E vendosur në Changi East, terminali i ri do të ketë 1080 hektar, një sistem me tre pista dhe do të lidhet me katër terminalet tjera.

Kryeministri Lee tha se planet për ndërtimin e këtij terminali u ndalën shkaku i pandemisë, kohë kjo e cila u shfrytëzua për rivlersimin e perspektivave afatgjata në transportin ajror.

“Në afat më të gjatë, udhëtimi ajror do të vazhdojë të rritet për shkak të një klase të mesme që po zgjerohet me shpejtësi në rajonin tonë. Prandaj vendosëm të vazhdojmë dhe të rifillojmë projektin T5” tha Lee

Aeroporti Changi u shërbeu 68.3 milionë pasagjerëve në vitin 2019, para pandemisë. Pas lehtësimit të kërkesave të karantinës dhe testimit, trafiku i pasagjerëve arriti në 55% të niveleve para pandemisë në korrik 2022, sipas shifrave zyrtare të aeroportit./Media Ndërtimi

 

Continue Reading

Transport

Po realizohet projekti hekurudhor që lidh Baltikun me Europën

Published

on

Projekti më i madh i njëqind viteve për infrastrukturën në rajonin e Baltikut është duke u realizuar tani.

Projekti hekurudhor “Rail Baltica” prej 870 km. do të lidhë kryeqytetet e Lituanisë, të Letonisë dhe të Estonisë me Varshavën dhe me pjesën tjetër të Europës, duke mundësuar kështu kalimin e trenave nëpër kontinent pa ndërprerje.

Bisedat për një projekt hekurudhor që do të lidhte vendet baltike janë shtuar duke filluar që nga fundi i viteve 1990. Në vitin 2001 u nënshkrua një marrëveshje bashkëpunimi nga ministrat e transportit të Estonisë, të Letonisë dhe të Lituanisë.

Megjithatë, vetëm në vitin 2010 u arrit të nënshkruhej një memorandum nga përfaqësuesit e ministrive të transportit të Polonisë, të Lituanisë, të Letonisë, të Estonisë dhe të Finlandës.

Megjithëse aktualisht duhen shtatë orë për të udhëtuar me makinë nga kryeqyteti i Lituanisë në atë të Estonisë, linja e re pothuajse do ta përgjysmojë këtë kohë, duke e ҫuar atë në vetëm 3 orë e 38 minuta.

Hekurudha do të fillojë në Talin përpara se të kalojë nëpër Pärnu, Riga, Panevėžys dhe Kaunas, për të arritur më pas në kufirin mes Lituanisë dhe Polonisë; do të ketë gjithashtu një lidhje me Vilnius nga Kaunas.

Pas përfundimit të saj, trenat do të mund të udhëtojnë deri në Baltik nga Polonia, me një shpejtësi maksimale prej 234 km/orë për trenat e pasagjerëve.

Megjithëse ky projekt nuk është i lirë dhe vlerësohet të ketë një kosto prej 5.8 miliardë euro, analiza kosto-përfitim e projektit parashikon se ai do të sjellë deri në 16.2 miliardë euro përfitime të matshme./Media Ndërtimi

Continue Reading

Trending