Connect with us

Infrastrukturë

Pavarësisht krizës ekonomike në Kosovë, investimet në patundshmëri po shënojnë rritje

Published

on

Shumë sfera jetësore u goditën në fund të vitit 2019, atëherë kur në qytetin Wuhan të Kinës u përhap një virus që sulmonte mushkëritë e që do të njihej si Covid 19.

Brenda një kohe të shkurtër ky virus do të përhapej në gjithë globin, dhe përpos viktimave të shumta që do të shkaktonte, do të ndikonte edhe në dobësimin e ekonomisë në shumë vende të botës.

E ndaj këtij virusi indiferent nuk do të qëndronte as vendi ynë, duke u goditur rëndë ekonomikisht.

Por një industri e cila do të merrte hov zhvillimi është ajo e blerjes së patundshmërive, sidomos të blerjes dhe qiramarrjes së banesave.

Menaxheri i përgjithshëm i një ndër kompanive më të njohura në vend për blerjen e patundshmërive “Pro Real Estate” Milot Mehmeti, thotë se gjatë periudhës 3 vjeçare të pandemisë, kërkesat për blerje dhe qiramarrje të banesave u rrit për 300 përqind.

“Departmenti I hulumtimit dhe zhvillimit ne Pro Real Estate analizon te dhena ne baza mujore. Gjate pandemise kemi pasur ngritje dyfish te kerkeses per blerje dhe qiramarrje kryesisht te banesave dhe shtepive per akomodim. Ne kemi identifikuar disa arsye te cilat kane ndikuar, duke qene se ne Kosove ende jetojme ne bashkesi te medha familjare, pandemia na ka bere te pamundur jetesen e tille, per shkak te nevojes per dhoma dhe banjo shtese. Kjo gjithashtu, ka qene rrjedhoje e trendit te rinise (18-25vjec), te cilet po preferojne te jetojne ndaras prej familjes. Keto kane ndikuar ne ngritjen e kerkeses perblerje dhe qirramarrje. Ne keto tri vite kompania jone ka pasur ngritje mbi 300% te kerkesave tendryshme, prej te cilave afer 72% jane per qiramarrje, ndersa 28% per blerje” thotë Mehmeti.

Por sipas Mehmetit gjatë kësaj periudhe, shkaku i inflacionit çmimi i patundshmërive ka pësuar ngritje.

Ai thotë se “Si rrjedhoje e pandemise dhe bllokimit te zingjirit furnizues ne njeren ane e, ne anen tjeter shtypja e madhe e parase (dollar, euro), duke krijuar inflacion ka ndikuar ne ngritjen e cmimeve te patundshmerise.

Tutje ai thotë se interesimi i diasporës për blerjen e patundshmërive në Kosovë është gjithnjë në rritje.

“Edhe pse kerkesat jane te pergjithshme dhe shtrihen ne te gjitha shtresat, realizimet me se shumti behen prej atyre qe tashme kane patundshmeri ne vendin tone apo mbeshtetje financiare me te madhe.Ne keto statistika te brendshme, ne te dhenat e kompanise rezulton se mbi 40% e blerjeve ne tre muajt e fundit jane bere nga diaspora. Ketu ka efekt edhe sherbimi i Pro Real Estate ndaj klientit, ku ne pranvere i kemi pasur mbi 60 takime te aranzhuara, te cilat jane realizuar ne stinen e veres. Mund te konkludojme se shumica e investimeve jane vendore, por diaspora ka ndikim te larte qofte ne blerje direkte apo indirekte.

Nga ana tjetër, Albin Fazliu nga “Gorilla Real Estate” thotë se deri sa qendrat e qyteteve janë ngulfatur nga ndërtimet, synimet e investitorëve janë investimi në periferi të qyteteve, ku edhe interesimi i qytetarëve për të blerë është më i madh.

“Fokusi i ndertimeve tani është më shumë në periferi, interesimi është në periferi dhe mund të themi se një ndër arsyet kryesore është çmimi, por edhe rehatia dhe qetësia që ofrojnë ndërtimet në periferi të qyteteve” thotë Fazliu./Media Ndërtimi.

Infrastrukturë

Vazhdojnë punimet intensive për ndërtimin e tunelit të Llogarasë

Published

on

Kryeministri Edi Rama ka njoftuar për ecurinë e punimeve në tunelin e Llogarasë. Në një postim në rrjetet sociale, kreu i qeverisë ka ndarë një video dhe thotë se po punohet me ritme të larta.

Sipas tij, kjo vepër në infrastrukturë ul kostot dhe rrit sigurinë rrugore drejt bregdetit të jugut.

“Mirëmëngjes, dhe nga tuneli i Llogarasë ku punohet me ritme të larta për veprën që shkurton kohën, ul koston dhe rrit sigurinë rrugore drejt bregdetit të jugut, ju uroj një fundjavë të mbarë” ka shkruar Rama./Media Ndërtimi

Continue Reading

Infrastrukturë

Punimet për ndërtimin e impiantit të ujërave të zeza në Sferkë të Klinës, drejt përfundimit

Published

on

Në fshatin Sferkë të Komunës së Klinës po vazhdojnë punimet për ndërtimin e impiantit të ujërave të zeza.

Për të parë nga afër punimet që po kryhen për ndërtimin e këtij impianti ishte edhe kryetari i kësaj Komune Zenun Elezaj.

Elezaj tha se ky projekt do të përfundojë brenda një kohe të shkurtër.

““Ndërtimi i impiantit për trajtimin biologjik të ujërave të zeza në fshatin Sferkë ka qenë një nga premtimet e mia elektorale, për të cilin jam zotuar para banorëve të Sferkës e para qytetarëve të Klinës, premtim i cili tashmë po realizohet dhe do të përmbushet brenda një kohe të shkurtër” tha Elezaj.

Ndërtimi i këtij impianti është investim nga buxheti komunal dhe ka një kosto prej 178 mijë euro./Media Ndërtimi

Continue Reading

Infrastrukturë

Komuna e Podujevës shpërblen me kontratë ofertuesin më të shtrenjtë për asfaltimin e disa rrugëve

Published

on

INPO shpreh shqetësimin e thellë lidhur me keqpërdorimin e parasë publike nëpërmjet procedurave të prokurimit nga Komuna e Podujevës, në bashkëpunim me operatorët ekonomik.

Në kuadër të monitorimit sistematik të prokurimit publik, INPO është duke monitoruar aktivitetin e prokurimit me titull: “Asfaltimi i disa rrugëve në fshatrat Orllan-Brainë-Turuqicë-Herticë-Barainë”, me numër të prokurimit 615-22-4693-5-2-1 dhe vlerë të parashikuar 120,000 euro, të udhëhequr nga Komuna e Podujevës.

Për këtë aktivitet të prokurimit kanë ofertuar gjithsej pesë (5) operator ekonomik. Sipas procesverbalit të hapjes së tenderëve Grupi i Operatorëve Ekonomik “Quality Asphalt & World Medium”, me vlerë të ofertës prej 101,730.96 euro, ishte oferta më e lirë. Ndërkaq, fitues i kontratës është shpallur “Rahovica Comerce”, me vlerë të ofertës prej 106,478.30 euro, respektivisht, rreth 5 mijë euro më shtrenjtë se oferta parë më e lirë.

Gjetjet e INPO-s, tregojnë se komisioni për vlerësimin e tenderëve kishte konstatuar se ky Grup i OE-ve “Quality Asphalt & World Medium” është i papërgjegjshëm pasi që nuk e plotëson kërkesën e dosjes së tenderit për kapacitet teknik dhe profesional, respektivisht nuk e plotëson kërkesën për “një (1) Menaxher të projektit – inxhinier i diplomuar ose master i ndërtimtarisë” pasi që sipas këtij komisioni “Menaxheri i emëruar për këtë aktivitet është i punësuar edhe në një kompani tjetër me orar të plotë”.

INPO ka kërkuar qasje në ofertat e të dy (2) ofertuesve respektiv, dhe pas analizimit të tyre vlerëson se vendimi i komisionit ka qenë krejtësisht i pabazuar në ligj dhe i dëmshëm për institucionin e komunës. INPO ka gjetur se Grupi i OE-ve “Quality Asphalt & World Medium” me të gjithë menaxherët e propozuar sipas kërkesave të dosjes së tenderit, ka lidhur parakontrata të vërtetuara me akt noterial. Andaj, arsyetimi i vendimit për eliminimin e Grupit të OE-ve “Quality Asphalt & World Medium”, është i padrejtë dhe paragjykues, rrjedhimisht i kundërligjshëm. Ligji për Prokurim Publik dhe Rregullat e prokurimit nuk e obligojnë operatorin ekonomik që të ketë stafin apo pozitat profesionale të punësuar paraprakisht, por kërkon që OE t’i ofrojë dëshmi të mjaftueshme autoritetit kontraktues se të gjitha kërkesat për kapacitet teknik dhe profesional i përmbush dhe i ofron në shërbim sipas termave të kontratës.

Rrjedhimisht, ky arsyetim sipas vlerësimeve të INPO-s, ka për qëllim manipulimin me procedura të prokurimit dhe favorizimin e OE-ve të caktuar.

Tutje, INPO ka gjetur se pronari i kompanisë “Quality Asphalt” i cili ishte lider i Grupit të OE-ve i shpallur i papërgjegjshëm për kontratë dhe pronari i kompanisë “Rahovica Comerce”, e cila është shpërblyer me kontratë janë vëllezër. Rrjedhimisht, INPO me arsye dyshon se kjo është një skemë e planifikuar dhe e koordinuar në mes të OE-ve dhe Autoritetit Kontraktues. Këtë e argumenton edhe fakti se kundër vendimit të Autoritetit Kontraktues, Grupi i OE-ve “Quality Asphalt & World Medium”, nuk kishte parashtruar fare kërkesë për rishqyrtim apo ankesë në Organin Shqyrtues të Prokurimit.

Andaj, INPO kërkon nga Kryetari i Komunës së Podujevës marrjen e masave të menjëhershme administrative dhe disiplinore brenda përgjegjësive të tij ligjore kundrejt Zyrtarit Përgjegjës të Prokurimit dhe anëtarëve të komisionit për vlerësimin e tenderëve, si dhe të sigurohet se Komuna e Podujevës zbaton me përpikëri ligjin dhe rregullat e prokurimit dhe lufton skemat e manipulimeve që dëmtojnë konkurrencën e lirë dhe trajtimin e barabartë të OE-ve në procedura të prokurimit.

INPO fton organet zbatuese të ligjit që të ndërmarrin masat e nevojshme ligjore kundrejt keqpërdorimit të detyrës zyrtare, keqpërdorimit dhe mashtrimit në prokurimin publik të argumentuar në këtë reagim./Media Ndërtimi.

Continue Reading

Trending