Connect with us

Aktuale

Opozita në Ferizaj kritikon kryetarin, vetëm 14 projekte të përfunduara

Published

on

Instituti për Studime të Avancuara GAP, nëpërmjet raportit të monitorimit të komunave, ka publikuar edhe premtimet e kryetarit të Komunës së Ferizajt, Agim Aliu, të cilat i ka bërë gjatë fushatës zgjedhore.

Sipas GAP-it, kryetari Aliu ka premtuar gjithsejtë 38 projekte kapitale për katër vjet të mandatit të tij, ndërkohë deri tashti ka përfunduar vetëm 14 prej tyre, ndërkaq 6 projekte janë në finalizim e sipër apo gjysmë të përmbushura, 14 të filluara dhe 4 projekte vazhdojnë të mbesin në letër të pa filluara fare.

Ky raport, sipas opozitës, tregon më së miri për një qeverisje të keqe të kryetarit Aliu.

Muharrem Svarqa, kryetar i LDK-së, Dega në Ferizaj, njëherësh shef i Grupit të Këshilltarëve të LDK-së në Kuvendin Komunal të Ferizajt, ka thënë se çerdhet publike të cilat komuna i ka futur si të arritura, patën filluar nga ish-qeverisja e kaluar e LDK-së, po ashtu edhe disa projekte të tjera janë përvetësuar në këtë mënyrë.

“Dy çerdhe që kanë nisur të ndërtohen nga ish-qeverisja, ekzekutivi i komunës i ka përvetësuar si të arritura të saj. Po ashtu kryetari Aliu nuk i ka emëruar 3 drejtoresha gjatë këtij mandati sepse njëra prej tyre është kryesuese e Kuvendit dhe nuk mund të llogaritet si premtim i arritur. Përkrahja e agrobizneseve përmes kompensimit të kamatave është vetëm vazhdim i projektit të ish-qeverisjes së LDK-së, andaj nuk mund të atribuohet si premtim i përmbushur nga kryetari Aliu. Po ashtu janë zmadhuar edhe shifra dhe statistika në sektorin e bujqësisë sepse Komuna e Ferizajt nuk i ka të mbjella 30 hektarë me arra. Këto improvizime e dëshmojnë më së miri një qeverisje të keqe”, ka thënë Svarqa, raporton KOHA.

Sipas tij, edhe disa premtime të cilat i ka evidentuar GAP-i si premtime të realizuara të Aliut, nuk janë realizuar fare, andaj, thotë Svarqa, një përvetësim i tillë i qeverisjes Aliu është i papranueshëm.

“Po ashtu shumica e fushave sportive kanë nisur të ndërtohen nga ish-qeverisja e LDK-së, prandaj kjo qeverisje nuk mund t’i llogaris ato si projekte të saj dhe mandej të evidentohen si premtime të kryetarit Aliu. Po ashtu edhe te tatimi në pronë, kjo qeverisje nëpërmjet Kuvendit ka marrë vendime të jashtëligjshme sepse ka zvogëluar kategorinë e tokës sepse tatimi në pronë nuk mund të zbritet pasi që kjo është e rregulluar me ligjet e Republikës së Kosovës”, ka thënë Svarqa.

Nehat Mustafa, këshilltar i pavarur në KK të Ferizajt, nëpërmjet një reagimi rreth kësaj çështjeje, ka thënë se më shumë se numri i realizimeve të premtimeve duhet shikuar dhe vlerësuar cilësia e realizimit të këtyre premtimeve. Sipas tij, nëse gjatë kësaj periudhe të mandatit janë realizuar vetëm 14 prej 38 premtimeve, i bie më pak se 40 për qind.

“Pra, kur këto premtime kanë mundur të realizohen pa presionin e kohës, imagjinoni se si do të jetë cilësia e realizimit të projekteve tjera për periudhën e shkurtër që ka mbetur e kur ky pushtet do të ‘luftojë’ për realizimin e numrave. Këto dy vjet qeverisjeje më shumë janë karakterizuar me keqmenaxhim e keqpërdorim të parasë publike, sesa me veprime konkrete për të bërë dallimin me ish-qeverisjen”, ka thënë Mustafa.

Sipas tij, raporti i auditimit për vitin 2018 dhe 2019 janë treguesit më të mirë të dështimit dhe keqpërdorimeve në shkallën më të lartë në këtë komunë. “Dhe duhet ta themi se kjo është edhe me fajin e disa këshilltarëve komunalë nga pozita e ‘opozita’ të cilët kanë miratuar apo kanë përkrahur me mosveprim këtë keqqeverisje në shkëmbim të favoreve, veçanërisht të punësimeve personale apo familjare. Tani po hyjmë në fazën kur qeverisja lokale është e paaftë për të kryer obligimet dhe premtimet e dhëna, do të mundohet të krijojë situata artificiale për të zhvendosur vëmendjen e qytetarëve siç ishte rasti me vendimin për të pushuar bizneset ditëve të diela”, është shprehur Mustafa.

Ai thotë se Komuna, vendimin e fundit për të pushuar bizneset ditëve të diela, e bëri kinse në emër të mbrojtjes së punëtorëve, por se sipas tij, po të lexohet rregullorja, shihet se ky vendim nuk prek shumë kategori biznesi që kanë mijëra punëtorë e të cilët duhet të punojnë të dielave.

“Vet miratimi i kësaj rregulloreje me vetëm 17 vota pro nga 41 sa ka Kuvendi i Komunës, është turp në vete. Aq më tepër kur dihet presioni dhe joshja që iu është bërë disa këshilltarëve dhe prapë nuk u arrit më shumë se kjo shifër e turpshme prej vetëm 17 votave pro. Një nga premtimet ka qenë edhe ndërprerja apo zvogëlimi i kontratave në vepër, por kjo jo vetëm që nuk është bërë, por edhe është tejkaluar”, ka theksuar Mustafa.

Click to comment

You must be logged in to post a comment Login

Leave a Reply

Aktuale

Si të bëheni arkitekt në Inteligjencën Artificiale?

Published

on

Inteligjenca artificiale është larg të qenit një koncept i huaj dhe i ri. Arkitektët kanë eksploruar AI që nga vitet 1960, duke u thelluar në koncepte të tilla si shkrimi, arkitektura parametrike, algoritmet evolucionare, automata celulare, fraktale dhe sistemet L. Skriptimi është i ngjashëm me krijimin e një ekuacioni që gjeneron rezultate të projektimit në vend të vlerave numerike.

Në arkitekturë, një arkitekt i AI është përgjegjës për zhvillimin e skripteve, studimin e algoritmeve, sigurimin që rezultatet e projektimit plotësojnë nevojat e projektit dhe krijimin e algoritmeve kur është e nevojshme. Me fjalë të thjeshta, AI Architects janë projektues që ndërtojnë sisteme të inteligjencës artificiale për të zgjidhur problemet. Kompanitë në ditët e sotme varen nga arkitektura gjeneruese dhe mjetet e AI për të përfunduar projektet e tyre komplekse; Këtu nevojiten arkitektë të AI që kanë një kuptim të qartë në teknologjinë e informacionit dhe inteligjencën artificiale për të kontrolluar zgjidhjet e AI brenda organizatës duke siguruar që projekti të funksionojë pa probleme.

Roli i përgjithshëm i AI Architects është të përmirësojë operacionet e biznesit duke hartuar plane të detajuara për sistemet e AI, duke bashkëpunuar me anëtarët e ekipit si inxhinierë dhe shkencëtarë kompjuterikë për të siguruar një proces të qetë dhe për të mbikëqyrur zbatimin duke siguruar që zgjidhjet e AI që ata ofrojnë janë në përputhje me projekti duhet të prodhojë rezultate të sakta dhe të dobishme.

Është e rëndësishme të pranohet se inteligjenca artificiale nuk mund të zëvendësojë kurrë intuitën dhe ndjeshmërinë njerëzore në arkitekturë. Gjithmonë mbani mend se ju e kontrolloni mjetin, jo anasjelltas. Prandaj, është e nevojshme të shfrytëzojmë përparimet e vazhdueshme në teknologji, e cila ka qenë e vazhdueshme për 70 vitet e fundit, në dobinë tonë duke krijuar asistentë robotikë që na ndihmojnë të arrijmë të pamundurën duke ndikuar pozitivisht në mjedis, i cili ka nevojë të dëshpëruar për t’u marrë në konsideratë. dhe kujdesi./Media Ndërtimi

Continue Reading

Aktuale

Rritja e kërkesës për rrymë do t’i mbajë gjallë termocentralet me thëngjill

Published

on

Kërkesa për rrymë në botë është duke shënuar rritjen më të shpejtë në gati 20 vjet, për shkak të përdorimit të kondicionerëve, si pasojë e rritjes së temperaturave, ka thënë Agjencia Ndërkombëtare e Energjisë, në një raport të publikuar të premten.

Sipas gjetjeve, ky trend, që pritet të vazhdojë edhe më 2025, nënkupton vazhdimësinë e përdorimit të energjisë me thëngjill, ndonëse do të rriten kapacitetet e energjisë së ripërtrishme.Shumë vende në botë janë duke regjistruar temperature rekorde dhe valë të të nxehtit, shkruan Radio Evropa e Lirë.

Rritja e konsumit global të energjisë pritet të shkojë në gati 4 për qind më 2024 – më e madhja prej vitit 2007.

Rritje e njëjtë është parashikuar edhe për vitin 2025, në krahasim me 2.5 për qind të rritjes së kërkesës më 2023.India pritet të jetë lidere në këtë aspekt, e pasuar nga Kina.Në gjetjet e raportit është përmendur që në këtë periudhë do të rriten edhe kapacitetet për energji të ripërtrishme dhe që kjo energji të tejkalojë atë me thëngjill më 2025.

Megjithatë, mënyrat për prodhim të energjisë që shkaktojnë më shumë ndotje, siç është ajo me thëngjill, do të vazhdojnë të jenë të qëndrueshme, sidomos në Kinë./Media Ndërtimi

Continue Reading

Aktuale

Pas freskimit të motit, shfuqizohet ndalimi i qarkullimit të kamionëve mbi 7.5T

Published

on

Zëvendësministri i Infrastrukturës, Hysen Durmishi, ka njoftuar se është shfuqizuar vendimi i datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T, shkruan Ekonomia Online.

“Duke marrë parasysh parashikimin e motit nga Instituti Hidrometeorologjik i Kosovës, sipas të cilit parashihen rënie të ndjeshme të temperaturave ditëve në vijim, kemi marrë vendim për shfuqizimin e vendimit të datës 13 korrik 2024, për ndalimin e qarkullimit në Autoudhë, Rrugë Nacionale dhe Rajonale të automjeteve për transportin e mallrave me peshë më të madhe se 7.5T”, ka njoftuar Durmishi.

“Faleminderit për mirëkuptimin tuaj gjatë këtyre ditëve me temperatura të larta”, ka shkruar ai./Media Ndërtimi

 

Continue Reading

Trending