Connect with us

Aktuale

Nga NEWBORN-i një ditë para 12-vjetorit të Pavarësisë

Published

on

Të mbledhur përreth shkronjave gjigante, në një ditë me diell, vullnetarët e sivjetëm për ngjyrosjen e monumentit të NEWBORN-it, me brushat e tyre po shkruajnë rreshta e vizatojnë detaje të tjera interesante, dhe kjo për të përcjellë një mesazh mjaft të rëndësishëm e të veçantë.

Fare pranë ditës së Pavarësisë së Kosovës, në qytet mbretëron një atmosferë festive, e kalimtarët e rastit ndalojnë për të parë nga afër punën në monumentin ikonik të qytetit.

Të gjitha shkronjat janë veshur në të zezë, në përpjekje për të paraqitur zbrazëtinë që lënë pas luftërat, përveç “W” e cila mban ngjyrë të bardhë. Mbi të po pikturohen zogj, flutura e lule që reflektojnë jetë e gjallëri, ndërsa kuptimi i saj depërton më thellë: W – War (Lufta), Women (Gratë), World (Bota). Këtë vit, imazhi i NEWBORN-it i kushtohet viktimave të dhunës seksuale gjatë luftërave.

“Never Ending Wars Bring Oppression Rape & Neglect” janë fjalët që do i japin kuptim secilës shkronjë të monumentit e që në shqip kanë këtë kuptim: Luftërat e pafundme sjellin shtypje, përdhunime e shpërfillje.

Në përpjekje për të ngritur vetëdijesimin e shoqërisë ndaj stigmës që i bëhet kësaj kategorie, me ngjyrë të bardhë do të shkruhen rreshta që shpjegojnë situata të ndryshme në të cilat u ndodhën viktimat anë e mbanë botës. Këto copëza rrëfimesh të viktimave do të shkruhen në dy gjuhë, shqip dhe anglisht.

Fisnik Ismaili, autori i këtij monumenti, për Ndërtimi.info, tha se ideja për këtë tematikë ka ardhur nga fakti se ka 20 vite që kjo temë neglizhohet dhe shoqëria asnjëherë nuk e ka ofruar përkrahjen e mjaftueshme për këtë kategori, duke i paragjykuar e shpërfillur gjatë gjithë kësaj kohe.

Institucionet janë duke punu goxha shumë për këtë punë. Gjatë mandatit të fundit që kam pasë kam pa se institucionet dhe shoqatat janë angazhuar, por këtyre njerëzve iu duhet përkrahje edhe nga ne, nga shoqëria, sepse vetë shoqëria i ka neglizhu për të gjitha këto vite, i ka paragjyku, i ka shpërfillë edhe është një moment që duhet edhe më shumë me i vetëdijesu njerëzit për këtë çështje. Është çështje e cila s’bon mu harru, është çështje për të cilën institucionet duhet me pritë me marrë masa ndaj atyre të cilët i kanë kry këto vepra dhe asnjë nuk është dënuar. Kështu që është temë e cila nuk është as afër trajtimi të prekjes sa është dashtë për këto 20 vjet”, u shpreh Ismaili.

Pamja finale do të jetë kjo:

NEWBORN-i përgjatë viteve që kur është krijuar, me fytyra të reja ka përçuar mesazhe të ndryshme dhe të rëndësishme dhe padyshim që edhe këtë vit do të bëjë njësoj. Për të parë historikun që nga krijimi i tij para 12 vjetësh, mund të shikoni reportazhin e publikuar nga Ndërtimi.info para dy vitesh.

Aktuale

KAWA Group, tashmë pjesë e industrisë së ndërtimit në Mbretërinë e Bashkuar

Published

on

Kompania e njohur e ndërtimit KAWA Group, sapo ka inauguruar hapësirën në qendër të Londrës.

Përmes një ceremonie festive është hapur hapësira më e re e KAWA Group, e cila edhe zyrtarisht do të operoj në Mbretërinë e Bashkuar,

KAWA Group do të bëj eksportin e shtëpive modulare, kabinave, kontejnerëve, përpunimin e kuzhinave, dyerve dritareve dhe gjithçka tjetër rreth produkteve të drurit e metalit.

https://www.facebook.com/profile.php?id=61554337212013

https://www.instagram.com/kawagroup.uk/

Këtë vit, KAWA Group do të shënoj vitin jubilar, 15 vjetorin e themelimit, ndërsa si kompani vazhdon të jetë liderë në tregun e ndërtimeve.

Përgjatë viteve, KAWA i ka shtuar gamës së gjerë të ndërtimeve, njësi tejet inovative të banimit dhe biznesit.

Pas zyrës së hapur në Londër, KAWA Group shumë shpejt pritet që rrjetin e operimit ta zgjeroj edhe në qendrat kryesore të Evropës./Media Ndërtimi

Continue Reading

Aktuale

Përfaqësuesit e personave me nevoja të veçanta kërkojnë t’iu sigurohet transporti për punë

Published

on

Në Komisionin për Qeverisje Lokale, Administratë Publike, Zhvillim Rajonal dhe Media është mbajtur dëgjim publik për ndryshim plotësimin e Ligjit për zyrtarët publik. Kërkesa për votimin e këtij projektligji patën personat me aftësi të kufizuar, të cilët me anë të saj kërkojnë transport dhe mundësimi i punës online.

Përfaqësuesi i personave me aftësi të veçanta, Gentrit Zeqiri, është shprehur se mungesa e kushteve për transport po ua vështirëson krijimin e kushteve për punë të këtyre zyrtarëve.

“Propozimi i parë ka qenë sigurimi i transportit të zyrtarëve me nevoja të veçanta nga shtëpia në punë dhe anasjelltas dhe propozimi i dytë, është të ju lejohet zyrtarëve me aftësi të veçanta të punojnë edhe nga shtëpia së paku 3 ditë në javë. Sa i përket propozimit të parë është t’iu sigurohet transporti për shkak të mungesës së qasjes ku kemi shume raste, ankesa të këtyre zyrtarëve përkundër faktit që pranohen në shumë punë…për shkak të transportit ata detyrohen t’i lënë këto punë për shkak të vështirësive që kanë”, tha Zeqiri.

Për Zeqirin është e rëndësishme edhe mundësimi i punës online për këta zyrtarë, sipas tij kërkesa e këtij grupi është të mundësohet puna nga shtëpia së paku për tri ditë./Media Ndërtimi

Continue Reading

Aktuale

Mbi 70 biznese promovohen në panairin “Pan Expo Group-Kosova 2024”

Published

on

Është hapur Panairi i Përgjithshëm Ndërkombëtar “Pan Expo Group-Kosova 2024”, në Prishtina Mall, për herë të parë në Kosovë, ku po marrin pjesë mbi 70 biznese nga vendi, rajoni dhe më gjerë.

Qëllimi i këtij panairi është që kompanitë pjesëmarrëse të ndajnë eksperiencën e tyre me njëra- tjetrën, të mund të shpalosin ofertat e tyre, si dhe të tërheqin klientë dhe bashkëpunëtorë rinj.

Përveç kësaj, qëllim tjetër i këtij organizimi është promovimi i ndërmarrësisë, inovacionit si dhe edukimit të gjeneratave të reja për iniciativën e lirë në biznes.

Organizimi i këtij panairi u vlerësua shumë i rëndësishëm edhe nga vetë bizneset pjesëmarrëse, për çka edhe u shprehën të kënaqur me mundësinë e dhënë për të promovuar produktet dhe shërbimet e tyre.

Drejtoresha e “Pan Expo Group”, Elisa Stefa tha se pavarësisht sfidave të kaluara për organizmin e një panairi të tillë, është e kënaqur me pjesëmarrjen, kualitetin dhe cilësinë e bizneseve. Ajo tregoi se në këtë panair po marrin pjesë biznese nga Kosova, Shqipëria, Maqedonia e Veriut, Mali i Zi dhe vende të tjera jashtë rajonit.

Panairi “Pan Expo Group-Kosova 2024” do të jetë i hapur deri më datën 19 maj. Përgjatë ditëve të panairit do të ketë showroom-e, prezantime live, seminare, aktivitete dhe konferenca./Media Ndërtimi

Continue Reading

Trending